ຂ່າວສານຊີອາໄອລາຍງານວ່າ: ໃນວັນທີ 10 ມີນາ ຜ່ານມາ, ອົງການພາສີແຫ່ງຊາດຈີນໄດ້ເປີດເຜີຍໂຕເລກການຄ້າຕ່າງປະເທດ ຊຶ່ງສະແດງໃຫ້ເຫັນວ່າໃນ 2 ເດືອນຕົ້ນປີນີ້, ມູນຄ່າການນຳເຂົ້າ ແລະ ສົ່ງອອກສິນຄ້າຂອງຈີນເພີ່ມຂຶ້ນ 18.3% ທຽບໃສ່ໄລຍະດຽວກັນ ຂອງປີກາຍ.
ໃນນີ້, ມູນຄ່າສົ່ງອອກບັນລຸ 4,620 ຕື້ຢວນ, ເພີ່ມຂຶ້ນ 19.2%; ມູນຄ່ານຳເຂົ້າບັນລຸ 3,110 ຕື້ຢວນ, ເພີ່ມຂຶ້ນ 17.1%. ຍອດມູນຄ່າການຄ້າລະຫວ່າງຈີນກັບອາຊຽນບັນລຸ 1,240 ຕື້ຢວນ, ເພີ່ມຂຶ້ນ 20.3%; ມູນຄ່າການຄ້າ ລະຫວ່າງຈີນກັບສະຫະພາບເອີຣົບບັນລຸ 998 ຕື້ 940 ລ້ານຢວນ, ເພີ່ມຂຶ້ນ 19.9%; ມູນຄ່າການຄ້າລະຫວ່າງຈີນກັບອາເມຣິກາ ບັນລຸ 609 ຕື້ 710 ລ້ານຢວນ, ຫຼຸດລົງ 16.9%.
ໃນໄລຍະດຽວກັນ, ຍອດມູນຄ່າການນຳເຂົ້າ ແລະ ສົ່ງອອກລະຫວ່າງຈີນກັບບັນດາປະເທດທີ່ຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ບັນລຸ 4,020 ຕື້ຢວນ, ເພີ່ມຂຶ້ນ 20%
