ວັນທີ 15 ທັນວາ 2025 ນີ້ ທ່ານ ພຸດພັນ ແກ້ວວົງໄຊ ເລຂາພັກແຂວງຫົວພັນ ພ້ອມດ້ວຍຄະນະໄດ້ຕ້ອນຮັບ ທ່ານ ນາງ ປານີ ຢາທໍ່ຕູ້ ກຳມະການກົມການເມືອງ ສູນກາງພັກ ຮອງປະທານປະເທດແຫ່ງ ສປປລາວ ພ້ອມດ້ວຍຄະນະ ຢູ່ທີ່ສະໜາມບິນໜອງຄ້າງ ດ້ວຍຄວາມອົບອຸ່ນ.
ຈຸດປະສົງຂອງຄະນະທີ່ເດິນທາງມາຢ້ຽນຢາມ ແລະເຮັດວຽກຢູ່ແຂວງຫົວພັນໃນຄັ້ງນີ້ແມ່ນເພື່ອຢ້ຽມຢາມຖາມຂ່າວເຖິງຊິວິດການເປັນຢູ່ຂອງປະຊາຊົນບັນດາເຜົ່າແຂວງຫົວພັນ ແລະ ຈະໄດ້ເຂົ້າຮ່ວມ ພິທີມອບ-ຮັບ ການນໍາໃຊ້ ສະໂມສອນກອງຮ້ອຍ 18 ທະຫານແຂວງຫົວພັນ, ຢ້ຽມຢາມໂຮງໝໍແຂວງຫົວພັນ ແລະ ໂຮງງານຕັດຫຍີບປ່ອງຊິນ ຢູ່ທີ່ເມືອງວຽງໄຊຕື່ມອີກ.
ໃນໂອກາດມາຢ້ຽມຢາມ ແລະ ເຮັດວຽກໃນຄັ້ງນີ້ ທ່ານພ້ອມດ້ວຍຄະນະ , ການນໍາຂັ້ນແຂວງ, ເມືອງຊໍາເໜືອໄດ້ເດິນທາງໄປຢ້ຽມຢາມ ພົບປະໂອ້ລົມ ປະຊາຊົນບ້ານຫ້ວຍມ້າ ແລະ ຫຼານນ້ອຍນັກຮຽນປະຖົມສົມບູນຜາຖີ່ ເມືອງຊໍາເໜືອ ໂດຍໄດ້ຮັບການຕ້ອນຮັບຈາກປະຊາຊົນ, ຫຼານນ້ອຍນັກຮຽນດ້ວຍຄວາມຮັກແພງ.
ຈາກນັ້ນທ່ານໄດ້ເນັ້ນໜັກໃຫ້ປະຊາຊົນຈົ່ງເອົາໃຈພັດທະນາຊິວິດການເປັນຕາມງື່ອນໄຂຂອງແຕ່ລະຄອບຄົວ ໂດຍສະເພາະແມ່ນຫັນເອົາການປູກຝັ່ງ-ລ້ຽງສັດເປັນທ່າແຮງຕົ້ນຕໍເພື່ອຂາຍເປັນສິນຄ້າ , ຖືເອົາການຄ້າຂາຍເປັນອາຊີບເສີມເພື່ອສ້າງລາຍຮັບສູ່ຄອບຄົວເຮັດໃຫ້ມີຢູ່ມີກິນ ແລະ ມີສ່ວນແຮໄວ້ , ເພື່ອເຮັດໃຫ້ຫຼຸດພົ້ນອອກຈາກຄວາມດ້ອຍພັດທະນາ ແລະ ຫຼຸດພົ້ນອອກຈາກຄວາມທຸກຍາກເທື່ອລະກ້າວ, ລູກຫຼານຕ້ອງໄດ້ຮັບການສຶກສາຕາມເກນອາຍຸ, ຮັບການສັກຢາ-ຢອດຢາບັກຊິນປ້ອງກັນພະຍາດຕາມລະດູການ, ເນັ້ນໜັກໃຫ້ ບັນດາຄູອາຈານບໍໃຫ້ມີເດັກ, ນັກຮຽນປະລະການຮຽນ,ເອົາໃຈໃສ່ສິດສອນ, ສົ່ງຄວາມຮູ້ໃຫ້ແກ່ຫຼາຍນ້ອຍນັກຮຽນເພື່ອພັດທະນາຊັບພະຍາກອນມະນຸດ, ສ້າງຄົນລຸ້ນໃໝ່ ເພື່ອພັດທະນາປະເທດຊາດໃນອະນາຄົດ.
—–
© ໂທລະພາບແຂວງຫົວພັນ
