ຄະນະຜູ້ແທນຈາກສະມາຄົມປ້າຍລາວນຳໂດຍທ່ານ ວົງນຳ ວົງວິໄລ ປະທານສະມາຄົມປ້າຍລາວ ພ້ອມຄະນະຈຳນວນ 20 ທ່ານ ໄດ້ເຂົ້າຮ່ວມງານວາງສະແດງສາກົນດ້ານປ້າຍໂຄສະນາ, ເຄື່ອງຈັກ ແລະ ອຸປະກອນ VietAd 2025 ທີ່ນະຄອນໂຮ່ຈິມິນ ສສ ຫວຽດນາມ ໃນລະຫວ່າງວັນທີ 24-27 ກໍລະກົດ ຜ່ານມາ.
ງານ VietAd 2025 ເປັນເວທີສຳຄັນໃນການແລກປ່ຽນເຕັກໂນໂລຊີນະວັດຕະກຳໃໝ່ໆ ແລະ ວັດຖຸດິບທີ່ໃຊ້ໃນການຜະລິດປ້າຍໂຄສະນາ. ການເຂົ້າຮ່ວມໃນຄັ້ງນີ້ເປັນຄັ້ງທີ 3 ໂດຍການຕ້ອນຮັບຢ່າງອົບອຸ່ນຈາກບັນດາເພື່ອນມິດສະມາຄົມປ້າຍ ສສ ຫວຽດນາມ ເພື່ອເປີດໂອກາດໃຫ້ຜູ້ປະກອບການລາວໄດ້ສຶກສາຮຽນຮູ້ແນວທາງໃໝ່ຂອງຕະຫຼາດ, ສ້າງເຄືອຂ່າຍທຸລະກິດ ແລະ ນຳເອົາຄວາມຮູ້ທີ່ໄດ້ໄປພັດທະນາຂະແໜງປ້າຍໂຄສະນາພາຍໃນປະເທດໃຫ້ກ້າວໜ້າໃນລະດັບສາກົນ. ສະແດງໃຫ້ເຫັນເຖິງການພົວພັນຮ່ວມມື ແລະ ການແລກປ່ຽນບົດຮຽນລະຫວ່າງຜູ້ປະກອບການໃນຂະແໜງປ້າຍໂຄສະນາຂອງສອງປະເທດທີ່ດີຕະຫຼອດມາ.
ຂ່າວ: ສະມາຄົມປ້າຍລາວ
