ວິທະຍຸສາກົນແຫ່ງ ສປ ຈີນ, CNN ຂອງ ສ.ອາເມລິກາ ລາຍງານວ່າ: ຍ້ອນນະໂຍບາຍ ພາສີ ຂອງ ສະຫະລັດ ອາເມລິກາ ມີການປ່ຽນແປງ ເລື້ອຍໆ ເມື່ອບໍ່ດົນມານີ້ ເຮັດໃຫ້ວິສາຫະກິດ ລົດຂະໜາດໃຫຍ່ ຫລາຍແຫ່ງ ຂອງໂລກ ໄດ້ເລື່ອນເວລາ ຫລື ຍຸດຕິການເປີດເຜີຍ ກ່ຽວກັບການຄາດຄະເນຜົນກຳໄລເປັນການຊົ່ວຄາວ. ພາຍຫລັງກຸ່ມບໍລິສັດສະເຕລານຕິສ ທີ່ເປັນບໍລິສັດລົດຂະໜາດໃຫຍ່ ພິເສດ ໄດ້ເຜີຍແຜ່ ບົດລາຍງານວ່າ: ເນື່ອງຈາກ ຜົນກະທົບ ຈາກນະໂຍບາຍ ພາສີທີ່ “ປ່ຽນແປງເລື້ອຍໆ”, ກຸ່ມບໍລິສັດ ຂອງຕົນ ໄດ້ຍຸດຕິ ການເປີດເຜີຍ ການຄາດຄະເນ ການເຕີບໂຕຂອງຜົນກຳໄລໃນປີ 2025 ເປັນການຊົ່ວຄາວ.ກ່ອນໜ້ານີ້, ບໍລິສັດ GM ຂອງ ສ.ອາເມລິກາ ກໍໄດ້ອອກ ຖະແຫລງການ ທ້າຍເດືອນ ເມສາ ຜ່ານມາວ່າ: ເນື່ອງຈາກ ຜົນກະທົບ ທີ່ອາດ ຈະເກີດຂຶ້ນຈາກນະໂຍບາຍພາສີ ຂອງ ສ.ອາເມລິກາ, ບໍລິສັດຂອງຕົນໄດ້ຍົກເລີກການຄາດຄະເນ ກ່ຽວກັບ ການເຕີບໂຕດ້ານຜົນກຳໄລ ໃນປີ 2025 ເຊັ່ນກັນ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
