ວິທະຍຸສາກົນ ແຫ່ງ ສປ ຈີນ, ເມື່ອບໍ່ດົນມານີ້ ພາກສ່ວນປະຕິບັດກົດໝາຍຂອງມຽນມາ ໄດ້ສົ່ງຜູ້ຕ້ອງຫາການຫລອກລວງ ທາງໂທລະຄົມສັນຊາດຈີນ ຫລາຍກວ່າ 920 ຄົນ ທີ່ຖືກຈັບກຸມຢູ່ເມືອງຕາງຢັນ ທາງພາກໃຕ້ ລັດຊານຂອງມຽນມາ ກ່ອນໜ້ານີ້ໄປໃຫ້ຝ່າຍ ສປ ຈີນ ໂດຍຜ່ານດ່ານຕາໂລ້ກິ່ງ ແຂວງສິບສອງພັ່ນນາ ແຂວງຢຸນນານ ຂອງ ສປ ຈີນ, ຄຽງຄູ່ກັບວຽກງານ ສະເພາະກິດໃນການປາບປາມອາຊະຍາກຳ ການຫລອກລວງທາງໂທລະຄົມ ແລະ ເຄືອຂ່າຍອິນເຕີເນັດທີ່ມີຄົນຈີນ ເຂົ້າຮ່ວມ ຢູ່ພາກເໜືອ ຂອງມຽນມາ ກ້າວສູ່ລວງເລິກ, ສອງຝ່າຍ ສປ ຈີນ-ມຽນມາ ໄດ້ຮ່ວມມືປະຕິບັດກົດໝາຍ ແລະ ເຄື່ອນໄຫວປາບປາມ ໂດຍສາມາດຈັບກຸມຜູ້ຕ້ອງຫາສັນຊາດຈີນ ໄດ້ຫລາຍກວ່າ 55.000 ຄົນ, ກຸ່ມອາຊະຍາກຳການຫລອກລວງທາງໂທລະຄົມ ຢູ່ພາກເໜືອ ຂອງມຽນມາ ໄດ້ຖືກທຳລາຍຢ່າງໜັກໜ່ວງ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
