ວິທະຍຸສາກົນ ແຫ່ງ ສປ ຈີນ, ສະຖາບັນຄົ້ນຄວ້າຫາງສຽງ ສັງຄົມ ສ.ເກົາຫລີ ໄດ້ສຳຫລວດຄວາມຄິດເຫັນປະຊາຊົນ ກ່ຽວກັບການເລືອກຕັ້ງປະທານາທິບໍດີ ເຊິ່ງຜົນການສຳຫລວດ ທີ່ເຜີຍແຜ່ ໃນວັນທີ 20 ເມສານີ້ ສະແດງໃຫ້ເຫັນວ່າ: ທ່ານ ລີແຈມຽງ, ອະດີດຫົວໜ້າພັກປະຊາທິປະໄຕຮ່ວມ ເຊິ່ງເປັນພັກຝ່າຍຄ້ານ ໃຫຍ່ທີ່ສຸດ ຂອງ ສ.ເກົາຫລີ ຢູ່ອັນດັບທີ 1 ດ້ວຍອັດຕາ ການສະໜັບສະໜູນ 46,1%, ທ່ານ ຮານດັກຊູ ຢູ່ອັນດັບທີ 2 ດ້ວຍອັດຕາການສະໜັບສະໜູນ 10,6% ເຊິ່ງເປັນຜູ້ສະໝັກ ພຽງໜຶ່ງດຽວຈາກພັກຝ່າຍອະນຸລັກນິຍົມທີ່ມີອັດຕາ ການສະໜັບສະໜູນຫລາຍກວ່າ 10%. ອີງຕາມວາລະການເລືອກຕັ້ງ, ສອງພັກການເມືອງ ຕົ້ນຕໍ ຂອງ ສ.ເກົາຫລີ ຕ່າງຈະຕົກລົງເລືອກຜູ້ສະໝັກຮັບເລືອກຕັ້ງຮອບສຸດທ້າຍ ໃນວັນທີ 27 ເມສານີ້ ແລະ ວັນທີ 3 ພຶດສະພາປີນີ້.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
