ຂ່າວຕ່າງປະເທດລາຍງານ ໃນວັນທີ 15 ເມສາ ຜ່ານມາ; ສື່ມວນຊົນທ້ອງຖິ່ນສິງກະໂປລາຍງານວ່າ: ສິງກະໂປຈະຈັດການເລືອກຕັ້ງທົ່ວໄປໃນວັນທີ 3 ພຶດສະພາ ຈະມາເຖິງນີ້ ພາຍຫຼັງທ່ານ ທາມັນ ຊາມູກາຣັນນໍາ ປະທານາທິບໍດີສິງກະໂປ ໄດ້ປະກາດຍຸບສະພາໃນວັນທີ 15 ເມສາ ຜ່ານມານີ້ ຊຶ່ງໄດ້ເປີດໂອກາດສູ່ການເລີ່ມຕົ້ນຂະບວນການເລືອກຕັ້ງຢ່າງເປັນທາງການ. ໂດຍຖະແຫຼງການຈາກສຳນັກງານນາຍົກລັດຖະມົນຕີສິງກະໂປລະບຸວ່າ: ວັນສະເໜີຊື່ຜູ້ສະໝັກເລືອກຕັ້ງຈະແມ່ນວັນທີ 23 ເມສານີ້.
ທ່ານ ລໍເຣັນສ ວອງ ນາຍົກລັດຖະມົນຕີສິງກະໂປ ຈະເປັນຜູ້ນຳພັກປະຊາຊົນ (PAP) ຊຶ່ງເປັນພັກລັດຖະບານ ໃນການເລືອກຕັ້ງຄັ້ງນີ້.
