ງານວາງສະແດງເຕັກໂນໂລຊີ ອຸດສະຫະກໍາຊັ້ນນຳ ຂອງເຢຍລະມັນ (Hannover Messe) ປະຈໍາປີ 2025ໄດ້ສິ້ນສຸດລົງ ເມື່ອບໍ່ດົນມານີ້, ໄດ້ຍົກໃຫ້ເຫັນບັນດາ ຫົວຂໍ້ ທີ່ທັນສະໄໝໃໝ່ ເຊັ່ນ: ປັນຍາປະດິດ (AI), ພະລັງງານສີຂຽວ ແລະ ການຫັນປ່ຽນດີຈີຕອນ, ໂດຍໄດ້ດຶງດູດຜູ້ວາງສະແດງຫຼາຍກ່ວາ 3,800 ບຸດຈາກ 60 ປະເທດ ແລະ ພາກພື້ນ.
ຮູບພາບນີ້ ສະແດງໃຫ້ເຫັນ ພະນັກງານສາມຄົນຂອງ Shaanxi Blower (Group) Co., Ltd. (Shaangu Group) ຢູ່ດ້ານໜ້າບູດ ຂອງບໍລິສັດ ໃນລະຫວ່າງງານ Hanno ver Messeປີ2025 ໃນເມືອງ Hannover, ປະເທດ ເຢຍລະມັນ.
ປັກກິ່ງ,ວັນທີ 8 ເມສາ(ຊິນຮວາ)– ງານວາງສະແດງສິນຄ້າ ອຸດສາຫະກຳ ຊັ້ນນຳຂອງ ເຢຍລະມັນ Hannover Messe 2025 ໄດ້ສິ້ນສຸດລົງ ໃນຫວ່າງມໍ່ໆນີ້, ໄດ້ຍົກໃຫ້ເຫັນຫົວຂໍ້ ທີ່ທັນສະໄໝ, ເຊັ່ນ: ປັນຍາປະດິດ (AI), ພະລັງງານສີຂຽວ ແລະ ການຫັນເປັນດີຈີຕອນ, ໄດ້ດຶງດູດນັກວາງສະແດງ 3,800 ກວ່າບຸດຈາກ 60 ປະເທດແລະພາກພື້ນ.
ອີງຕາມການເປີດເຜີຍ ຂອງຜູ້ຈັດງານບໍລິສັດ ຈີນ ຖືເປັນສັດສ່ວນທີ່ສໍາຄັນ ຂອງຜູ້ເຂົ້າຮ່ວມ, ໂດຍມີຜູ້ວາງສະແດງ ສີນຄ້າປະມານ1,000 ຮ້ານ, ເຮັດໃຫ້ຈີນ ເປັນກຸ່ມວາງສະແດງ ທີ່ໃຫຍ່ທີ່ສຸດອັນດັບສອງ ຮອງຈາກເຢຍລະມັນ ທີ່ເປັນປະເທດເຈົ້າພາບ.
ບູດຂອງShaanxi Blower (Group) Co., Ltd. (Shaangu Group) ເຕັມໄປດ້ວຍຜູ້ຄົນຈໍານວນຫຼາຍ. ບໍລິສັດໄດ້ພັດທະນາ ຈາກຜູ້ຜະລິດອຸປະກອນ ໄປສູ່ການແກ້ ໄຂ ລະບົບ ແລະ ຜູ້ໃຫ້ບໍລິການໂດຍຜ່ານເສັ້ນທາງ ເຕັກໂນໂລຊີໃຫມ່ຂອງ “ການຜະລິດອຸປະກອນ+ ການໃຫ້ບໍລິການ+ ການດໍາເນີນງານ”.
ທ່ານ Fan Xiaolong, ຫົວໜ້າການວິໄຈ ແລະ ພັດທະນາຂອງບໍລິສັດ Shaangu Europe R&D, ຊື່ງເປັນບໍລິສັດຍ່ອຍຂອງ Shaangu Group ໃນປະເທດເຢຍລະມັນ ກ່າວວ່າ: “ສໍລັບອຸປະກອນ ຂະໜາດໃຫຍ່ ແລະ ມີກໍາລັງພະລັງງານສູງ, ລູກຄ້າຈະໃຫ້ສໍາຄັນ ກັບປະສິດທິພາບ ຂອງລະບົບ ແລະ ປະສິດທິພາບ ການຈັດສົ່ງຫຼາຍກວ່າ.” ທ່ານ Fan ກ່າວຕື່ມວ່າ:ໃນກໍລະນີນີ້, ບໍລິສັດສະໜອງ ການແກ້ໄຂແບບຄົບວົງຈອນ ຕັ້ງແຕ່ການຜະລິດ ອຸປະກອນ, ວິສະວະກໍາ ແບບຄົບວົງຈອນ, ການບໍລິການອຸດສາຫະກໍາ, ການເຮັດໃຫ້ລະບົບ ອັດສະລິຍະ ການດໍາເນີນງານ ໄດ້ຢ່າງເຕັມປະສິດທີພາບ ຕະຫຼອດຮອດ ການດໍາເນີນງານ ດ້ານພະລັງງານ ບໍພຽງແຕ່ໃຫ້ບໍລິການ ດ້ານອຸປະກອນເທົ່ານັ້ນ.
ປະຈຸບັນ, Shaangu Group ມີບໍລິສັດ ໃນຕ່າງປະເທດ ແລະ ບໍລິສັດສາຂາຍ່ອຍ ທີ່ໃຫ້ບໍລິການທັງໝົດ 28 ແຫ່ງໃນປະເທດຕ່າງໆ ເຊັ່ນ:ເຢຍລະມັນ, ສ ເຊັກໂກ, ອິນເດຍ ແລະ ອິນໂດເນເຊຍ, ຊື່ງກໍ່ໃຫ້ເກີດລະບົບ ລະດັບທົ່ວໂລກ ທີ່ລວມເອົາອຸປະກອນ, ການບໍລິການ ແລະ ການດໍາເນີນງານເຂົ້າດ້ວຍກັນ.
ບໍລິສັດໄດ້ຊື້ກິດຈະການ EKOL, ຊຶ່ງເປັນຜູ້ຜະລິດກັງຫັນລົມ( turbine )ຊັ້ນນໍາໃນ ສ ເຊັກໂກ, ດໍາເນີນການວິໄຈ ແລະ ພັດທະນາໃນທ້ອງຖິ່ນ ເພື່ອຕອບສະໜອງ ຄວາມຕ້ອງ ການ ຂອງອຸດສາຫະກໍາໃນທ້ອງຖິ່ນ, Shaangu Group ໄດ້ກໍ່ສ້າງໂຄງການແຍກ ອາກາດທີ່ໃຫຍ່ທີ່ສຸດ ໃນປະເທດ ອິນໂດເນເຊຍ.
ທ່ານ Fan ກ່າວ:”ໂລກາວິວັດນີ້ ບໍ່ແມ່ນແຕ່ຂະບວນກາ ຄັດລອກ ແລະ ວາງຢ່າງດາຍ(copy-paste), ແຕ່ເປັນການປັບປຸງ ແລະ ສ້າງຄວາມສາມາດໃຫມ່” ແລະ ກ່າວເສີມ ວ່າ: ບໍລິສັດ ພະຍາຍາມ ຂະຫຍາຍສາຂາ ແຕ່ລະພາກພື້ນ ເພື່ອຕອບສະໜອງ ຕໍ່ຄວາມຕ້ອງການ ຂອງລູກຄ້າຢ່າງໄວວາ.
ການພັດທະນາຂອງ Shaangu Groupເປັນຕົວຢ່າງ ຂອງບໍລິສັດຈີນ ການເຊື່ອມໂຍງ ເຄືອຂ່າຍ ນະວັດກໍາອຸດສາຫະກໍາ ລະດັບໂລກ ໃນລັກສະນະ ທີ່ມີຄວາມເຕີບໂຕ ຫຼາຍກວ່າ ແລະ ເປັນລະບົບຫຼາຍຂື້ນ ບໍ່ວ່າຈະດ້ານລະບົບ ພະລັງງານ, ການຜະລິດທີ່ມີຄວາມ ຍືດຫຍຸ່ນຕະຫຼອດ ຮອດຫຸ່ນຍົນ, ການພິມຢາ ແລະ ຂົງເຂດອື່ນໆ.
ໃນການໃຫ້ສໍາພາດ ລະຫວ່າງງານ ດັ່ງກ່າວ ທ່ານ Stefan Hartung, ປະທານຄະນະ ບໍລິຫານຂອງ Robert Bosch GmbH, ຍັງໄດ້ຍົກໃຫ້ເຫັນ ຄວາມເປັນຜູ້ນໍາພາຂອງຈີນ ໃນການຫັນປ່ຽນສີຂຽວ ແລະ ການຜະລິດ ອັດສະລິຍະ, ພ້ອມທັງເນັ້ນຢໍ້າ ເຖີງບົດບາດ ສໍາຄັນທີ່ເພີ່ມຂຶ້ນ ຂອງຈີນໃນການສ້າງ ອະນາຄົດຂອງ ອຸດສາຫະກໍາໂລກ.
