ວິທະຍຸກະຈາຍສຽງຫວຽດນາມ, ທ່ານ ກີຣີລ ເດີມິດທຣິຟ (Kirill Dmitriev), ຜູ້ຕາງໜ້າພິເສດຂອງ ທ່ານ ປະທານາທິບໍດີ ຣັດເຊຍ ກ່ຽວກັບການລົງທຶນ ແລະ ຮ່ວມມືເສດຖະກິດ ກັບຕ່າງປະເທດ ແລະ ເປັນຫົວໜ້າກອງທຶນລົງທຶນໂດຍກົງຣັດເຊຍ (RDIF) ໃຫ້ຮູ້ວ່າ: ຣັດເຊຍ ແລະ ສ.ອາເມລິກາ ອາດຈະເຊື່ອມຕໍ່ ບັນດາການພົບປະ ສອງຝ່າຍ ໃນເວລາ ໄວທີ່ສຸດ ແມ່ນໃນອາທິດນີ້. ພາຍຫລັງການຕອບສຳພາດຕໍ່ຊ່ອງໂທລະພາບ Channel One ຂອງ ຣັດເຊຍ. ທ່ານ ກີຣີລ ເດີມິດທຣິຟ ແມ່ນຜູ້ສວມບົດບາດສຳຄັນໃນວິວັດທະນາການສ້າງການພົວພັນ ລະຫວ່າງ ຣັດເຊຍ ແລະ ສ.ອາເມລິກາ ເປັນປົກກະຕິ. ກ່ອນໜ້ານັ້ນ, ທ່ານ ກີຣີລ ເດີມິດທຣິຟ ໄດ້ມີການພົບປະກັບບັນດາເຈົ້າໜ້າທີ່ຫລັກແຫລ່ງໃນອຳນາດການປົກຄອງຂອງ ສ.ອາເມລິກາ ຢູ່ນະຄອນຫລວງວໍຊິງຕັນ, ສ.ອາເມລິກາ. ບັນດາການພົບປະ ແລກປ່ຽນ ເຈລະຈາ, 2 ຝ່າຍໄດ້ປຶກສາຫາລື ກ່ຽວກັບ ການຟື້ນຟູ ການພົວພັນ 2 ຝ່າຍ, ລວມທັງ ການຮ່ວມມື ດ້ານເສດຖະກິດ, ກໍຄື ເຊື່ອມຕໍ່ ບັນດາຖ້ຽວບິນ ໂດຍກົງຂຶ້ນໃໝ່. ນີ້ແມ່ນເຈົ້າໜ້າທີ່ ຂັ້ນສູງ ທ່ານ ທຳອິດຂອງ ຣັດເຊຍ ໄປ ສ.ອາເມລິກາ, ນັບແຕ່ເມື່ອຣັດເຊຍ ເລີ່ມດຳເນີນບັ້ນການທະຫານພິເສດຢູ່ອູແກຣນ ໃນປີ 2022.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
