ວິທະຍຸ ສາກົນ ແຫ່ງ ສປ ຈີນ, ທ່ານ ໂດນັນ ທຣຳ, ປະທານາທິບໍດີ ອາເມຣິກາ ໄດ້ລົງນາມ ລັດຖະດຳລັດ ກ່ຽວກັບການ “ເກັບພາສີທໍ່ກັນ” ຢູ່ທຳນຽບຂາວ, ໂດຍປະກາດວ່າ: ສ.ອາເມລິກາ ຈະເກັບ “ພາສີ ພື້ນຖານ ຂັ້ນຕ່ຳສຸດ” 10% ຕໍ່ຄູ່ການຄ້າ ແລະຈະເກັບພາສີ ຫລາຍກວ່າ 10% ຕໍ່ຄູ່ການຄ້າ ຈຳນວນໜຶ່ງ.ເອກະສານທີ່ທຳນຽບຂາວ ປະກາດນັ້ນ ສະແດງໃຫ້ເຫັນວ່າ: ຄຳສັ່ງກ່ຽວກັບ ການເກັບພາສີເພີ່ມ 10% ຕໍ່ຄູ່ການຄ້າ ທັງໝົດນັ້ນ ຈະມີຜົນບັງຄັບໃຊ້ ນັບແຕ່ວັນທີ 5 ເມສານີ້ ເປັນຕົ້ນໄປ. ນອກນີ້, ທ່ານ ໂດນັນ ທຣຳ ຈະ “ເກັບພາສີທໍ່ກັນ” ຕ່າງຫາກ ແລະ ສູງກວ່ານັ້ນ ຕໍ່ປະເທດ ແລະ ເຂດແຄວ້ນ ທີ່ມີການຂາດດຸນ ການຄ້າຫລາຍທີ່ສຸດກັບ ສ.ອາເມລິກາ ມາດຕະການເຫລົ່ານີ້ ຈະມີຜົນບັງຄັບໃຊ້ ນັບແຕ່ວັນທີ 9 ເມສານີ້ ເປັນຕົ້ນໄປ. ເອກະສານ ຍັງລະບຸວ່າ: ທ່ານ ໂດນັນ ທຣຳ ມີ “ອຳນາດໃນການປ່ຽນແປງ”, ສາມາດເພີ່ມຫລື ຫລຸດພາສີ ໂດຍອີງຕາມ ສະພາບຕົວຈິງ./.
(ບັນນາທິການຂ່າວ: ຕ່າງປະເທດ)
