ຜູ້ຕາງໜ້າຈາກ ອົງການ UNFPA ກົມອາຊີວະສຶກສາ ແລະ ວິທະຍາໄລເຕັກນິກວິ ຊາຊີບ ກະຊວງສຶກສາທິການ ແລະ ກີລາ ຢ້ຽມຢາມໂຮງແຮມ Crowne Plaza ແລະ Holiday Inn & Suites Vientiane ເພື່ອພົບປະກັບນັກຮຽນຝຶກງານໃນສາຂາ ສິລະປະການເຮັດອາຫານ ເຂົ້າໜົມອົບ ແລະ ຂອງຫວານ ແນໃສ່ເພື່ອສົ່ງເສີມການສ້າງຄວາມເຂັ້ມແຂງ ແລະ ພັດທະນາທັກສະໃຫ້ແກ່ຊາວໜຸ່ມ.
ການຢ້ຽມຢາມຄັ້ງນີ້ໄດ້ຊີ້ໃຫ້ເຫັນຄວາມສໍາຄັນຂອງການຮ່ວມມືລະຫວ່າງພາກລັດ ແລະ ພາກເອກະຊົນໃນການສ້າງໂອກາດໃຫ້ແກ່ໄວໜຸ່ມ ໂດຍສະເພາະແມ່ນແມ່ຍິງໜຸ່ມ ເພື່ອໃຫ້ເຂົາເຈົ້າໄດ້ເຮັດພາກປະຕິບັດຕົວຈິງ ເສີມສ້າງຄວາມໝັ້ນໃຈ ແລະ ກ້າ ວໄປສູ່ການມີວຽກງານທີ່ດີໃນອະນາຄົດ ໃນລະຫວ່າງການຢ້ຽມຢາມ, ຄະນະຜູ້ແທນໄດ້ພົບປະກັບນັກສຶກສາຝຶກງານ ພ້ອມຍັງໃດ້ໄປເບີ່ງການຝຶກງານ ແຕ່ງອາຫານຢູ່ຫ້ອງຄົວມືອາຊີບທີ່ໂຮງແຮມ ນອກຈາກນັ້ນ ຄະ ນະຜູ້ແທນຍັງໄດ້ ສົນທະນາ ແລະ ປຶກສາຫາລືກ່ຽວກັບແຜນການຈັດຕັ້ງປະຕິບັດຂັ້ນຕອນຕໍ່ໄປໃນການເພີ່ມ ທະວີການ ຮ່ວມ ມືກັບຂະແໜງການທີ່ກ່ຽວຂ້ອງ.
ທ່ານ ດຣ. ບາກທິຢໍ ຄາດິເຣິບ ຜູ້ຕາງໜ້າ ອົງການ UNFPA ປະຈຳ ສປປ ລາວກ່າວ ໃນ ອກາດລົງຢ້ຽມຢາມ ນັກສຶກສາເຝິກງານວ່າ: “ໃນນາມນັກສຶກສາຂອງວິທະຍາລເຕັກນິກວິຊາຊີບປາກປ່າສັກ ການມີໂອກາດໃດ້ມາປະຕິບັດຕົວຈິງຢູ່ໂຮງແຮມ Crowne Plaza ແລະ ໂຮງແຮມ Holiday Inn ບໍ່ພຽງແຕ່ເປັນການຝຶກງານເທົ່ານັ້ນ ແຕ່ມັນຍັງເປີດທາງໃຫ້ພວກເຮົາໄດ້ມີການຮຽນຮູ້ທັກສະວິຊາຊີບທີ່ມີມາດຕະ ຖານສາກົນໃນຂະແໜງການບໍລິການ ເປັນໂອກາດທີ່ນັກສຶກສາໃດ້ຮຽນຮູ້ຈາກປະສົບການຕົວຈິງທີ່ຈໍາເປັນເພື່ອຄວາມສໍາເລັດ ການສ້າງຄວາມເຂັ້ມແຂງ ໃຫ້ແກ່ໄວໜຸ່ມເປັນສ່ວນໜຶ່ງຂອງການສ້າງກໍາລັງແຮງງານທີ່ມີທັກສະເພື່ອປະກອບສ່ວນເຂົ້າໃນການສະໜັບສະໜູນຄວາມໝັ້ນຄົງຂອງເສດຖະກິດ”
ຜູ້ຕາງໜ້າ ອົງການ UNFPA ປະຈຳ ສປປ ລາວ ກ່າວຕື່ມວ່າ: “ເນື່ອງຈາກວ່າ ສປປ ລາວ ມີປະຊາກອນໜຸ່ມອາຍຸຕໍ່າກວ່າ 25 ປີ ຈໍານວນຫລາຍ ກວມ 60% ຂອງພົນ ລະເມືອງທົ່ວປະເທດ, ນີ້ເປັນໂອກາດທີ່ດີທີ່ສຸດ ທີ່ພວກເຮົາຈະໄດ້ປະຕິບັດໂດຍການຕັດສິນໃຈຮວ່ມກັນເພື່ອພັດທະນາໄວໜຸ່ມຂອງພວກເຮົາໃຫ້ເຂັ້ມແຂງ ບໍ່ພຽງແຕ່ດ້ານທັກສະ ແລະ ວຽກເຮັດງານທໍາເທົ່ານັ້ນ ລວມເຖິງ ຄວາມພາກພູມໃຈ ແລະ ຄວາມເປັນຕົວຂອງຕົວເອງອີກດ້ວຍ.”
ການຢ້ຽມຢາມຄັ້ງນີ້ຍັງເປັນການຍົກໃຫ້ເຫັນພາລະບົດບາດຂອງພາກເອກະຊົນໃນການປະກອບສ່ວນສະໜັບສະໜູນການຂະຫຍາຍການຝຶກອົບວິຊາຊີບໃຫ້ແກ່ໄວໜຸ່ມ ແລະ ສົ່ງເສີມຄວາມກ້າວໜ້າສຳລັບໜົດທຸກຄົນ.
ທ່ານ ຕິ່ງຄໍາ ສຸລິນທາ ຮອງຫົວໜ້າກົມອາຊີວະສຶກສາ, ກະຊວງສຶກສາທິການ ແລະ ກິລາກ່າວວ່າ: “ການຮ່ວມມືຄັ້ງນີ້ສະທ້ອນໃຫ້ເຫັນພະລັງຂອງວິໄສທັດ ແລະ ຄວາມຮັບຜິດຊອບຮ່ວມກັນ ຊາວໜຸ່ມຈະເຂັ້ມແຂງໄດ້ກໍຕໍ່ເມື່ອເຂົາ ເຈົ້າມີຄວາມຮູ້ ແລະ ທັກສະຈາກການປະຕິບັດຕົວຈິງ ເຊິ່ງພວກເຂົາເຫຼົ່ານັ້ນຈະກາຍເປັນຕົວແທນແຫ່ງການປ່ຽນແປງບໍ່ພຽງແຕ່ການປ່ຽນແປງພາຍໃນຄອບຄົວຂອງພວກເຂົາເທົ່ານັ້ນ ຍັງລວມທັງທົ່ວປະເທດ ນີ້ເປັນໂຄງການລິເລີ່ມເພື່ອເປັນຂົວຕໍ່ໃນການສ້າງຄວາມຍືດຍຸ່ນ ຄວາມໝັ້ນໃຈ ແລະ ການພັດທະນາປະເທດໃນອະນາຄົດ.”
ສຳລັບໂຮງແຮມ Crowne Plaza ແລະ Holiday Inn & Suites Vientiane ໄດ້ເປີດຮັບນັກສຶກສາຝຶກງານຢູ່ຫ້ອງຄົວຈໍານວນ 7 ຄົນ ເຊິ່ງເປັນໂອກາດພິເສດໃຫ້ແກ່ໄວ ໜຸ່ມໄດ້ສໍາຜັດກັບພາກປະຕິບັດຕົວຈິງຢູ່ໃນຂະແໜງການບໍລິການ.
ໃນອະນາຄົດ UNFPA ກະຊວງສຶກສາທິການ ແລະ ກີລາ ແລະ Crowne Plaza ແລະ Holiday Inn & Suites ວາງແຜນທີ່ຈະຂະຫຍາຍໂຄງການນີ້, ເຮັດໃຫ້ໄວໜຸ່ມເຂົ້າ ເຖິງການຝຶກງານຫຼາຍຂື້ນ ໂດຍສະເພາະໄວໜຸ່ມດ້ອຍໂອກາດ ແລະ ເຂດຊົນນະບົດ ໂດຍມີການເຊື່ອມສານທັກສະຊີວິດ ການສຶກສາສຸຂະພາບທາງເພດ ແລະ ສຸຂະພາບຈະເລີນພັນ, ລວມທັງ ຄວາມສະເໝີພາບທາງເພດເຂົ້າໃນໂຄງການວິຊາຊີບ ການຢ້ຽມຢາມ ຄັ້ງນີ້ໄດ້ຢືນ ຢັນຄຳໝາຍໝັ້ນຂອງຄູ່ຮ່ວມງານທັງໝົດແນໃສ່ຮັບປະກັນວ່າບໍ່ມີເຍົາວະຊົນຄົນໃດ ຖືກປະໄວ້ຂ້າງຫລັງ ບົນເສັ້ນທາງແຫ່ງການພັດທະນາສຳລັບໜົດທຸກຄົນ ແລະ ຍືນຍົງຂອງ ສປປ ລາວ.
