ໃນຂະນະທີ່ ກອງປະຊຸມເວທີປຶກສາຫາລືໂປອາວເພື່ອອາຊີ ປະຈໍາປີ 2025 (Boao Forum for Asia:BFA) ພວມດໍາເນີນຢູ່, ໂລກກໍາລັງຢູ່ໃນຈຸດປ່ຽນແປງທາງດ້ານການເມືອງ ແລະ ເສດ ຖະກິດທີ່ເລິກເຊິ່ງ. ບັນດາປະເທດເຂດໂລກໃຕ້ (Global South) ກໍາລັງເອົາໃຈໃສ່ໃນການພັດທະນາພາກພື້ນບົນພື້ນຖານການເພິ່ງພາອາໄສເຊິ່ງກັນ ແລະ ກັນ. ການປ່ຽນແປງດ້ານການພັດທະນາຂອງປະເທດເຂດໂລກໃຕ້ມີຕໍາແໜ່ງທີ່ມີອິດທິພົນຫຼາຍຂຶ້ນ ເພື່ອບັນລຸວິໄສທັດຂອງກຸ່ມປະເທດທີ່ຕັ້ງໃຈຈະສ້າງເສັ້ນທາງແຫ່ງຄວາມທັນສະໄໝ ແລະ ການພັດທະນາຂອງຕົນ ເອງ.
ປະເທດເຂດໂລກໃຕ້ ໄດ້ສະແດງໃຫ້ເຫັນບັນຍາກາດທີ່ເຕັມ ໄປດ້ວຍຄວາມຫວັງໃນອາຊີ ໂດຍການນໍາພາເພື່ອສ້າງເສັ້ນທາງສໍາລັບການຂະຫຍາຍຕົວທາງດ້ານເສດຖະກິດທີ່ຍືນຍົງເປັນເວລາຫລາຍປີ, BFA ໄດ້ສ້າງຊື່ສຽງໃຫ້ຕົນເອງໃນຖານະເປັນເວທີທີ່ນໍາພາສໍາລັບການສົນທະນາກ່ຽວກັບບັນຫາລະດັບໂລກ, ນັບແຕ່ບັນຫາດ້ານການຄ້າ ແລະ ການເງິນ ຈົນເຖິງດ້ານເຕັກໂນໂລຊີ.
ການດໍາເນີນງານກ່ຽວກັບສະພາບອາກາດ ແລະ ການພັດທະ ນາແບບຍືນຍົງ. ໃນຖານະເປັນເວທີລະດັບໂລກສໍາລັບບັນດາປະ ເທດໃນພາກພື້ນ ເພື່ອສ້າງການຮ່ວມມື, ຄວາມໄວ້ວາງໃຈເຊິ່ງກັນ ແລະ ກັນ ແລະ ການຊອກຫາວິທີແກ້ໄຂທີ່ເປັນປະໂຫຍດຮ່ວມ ກັນໃຫ້ແກ່ປະເທດເຂດໂລກໃຕ້ທີ່ກວ້າງຂວາງ, ກອງປະຊຸມຄັ້ງຈຶ່ງເປັນກອງປະຊຸມທີ່ມີຄວາມສໍາຄັນເພື່ອຄົ້ນຄວ້າປຶກສາຫາລືກ່ຽວກັບບັນຫາເຫລົ່ານີ້.
ການຂະຫຍາຍຕົວດ້ານເສດຖະກິດຂອງຈີນ, ອິນເດຍ, ຫວຽດນາມ, ອິນໂດເນເຊຍ ແລະ ເສດຖະກິດທີ່ກໍາລັງເກີດຂຶ້ນໃໝ່ຕ່າງໆ ຍັງສືບຕໍ່ດໍາເນີນໄປດ້ວຍດີ. ໃນຂະນະດຽວກັນ, ເອີຣົບ ແລະ ສະຫະລັດອາເມຣິກາ ກໍາລັງພົບຄວາມຫຍຸ້ງຍາກຫຼາຍຢ່າງ ເພີ່ມຂຶ້ນ, ແລະ ປະເທດໃນເຂດຕາເວັນອອກກາງກໍາລັງຕໍ່ສູ້ກັບຄວາມບໍ່ຫມັ້ນຄົງ. ບັນດາປະເທດໃນອາຊີໄດ້ມີສ່ວນຮ່ວມໃນການເຈລະຈາຫຼາຍຂຶ້ນກ່ຽວກັບຜົນປະໂຫຍດຮ່ວມກັນ ເຊັ່ນ: ການ ສົນທະນາສາມຝ່າຍ ລະຫວ່າງ ຈີນ-ຍີ່ປຸ່ນ-ສ.ເກົາຫຼີ. ຄວາມພະ ຍາຍາມເຫຼົ່ານີ້ ໄດ້ເນັ້ນຢໍ້າເຖິງປະສິດທິພາບຂອງການຮ່ວມມືລະດັບພາກພື້ນ ເພື່ອກ້າວຂ້າມຜ່ານຄວາມແຕກແຍກເກົ່າ ແລະ ສ້າງເສັ້ນທາງໃໝ່ໄປຂ້າງໜ້າ.
ການຂະຫຍາຍຕົວທາງດ້ານເສດຖະກິດຢ່າງວ່ອງໄວຂອງປະ ເທດເຂດໂລກໃຕ້ ໄດ້ສະແດງໃຫ້ເຫັນວ່າ: ເຂດໂລກໃຕ້ ບໍ່ພຽງແຕ່ເປັນຜູ້ຈັດຕັ້ງປະຕິບັດໂດຍປົກກະຕິເທ່ານັ້ນ, ແຕ່ຍັງມີສ່ວນຮ່ວມຢ່າງແຂງແຮງໃນການພັດທະນາເສດຖະກິດໂລກ ອີກດ້ວຍ. ປະ ເທດເຫຼົ່ານີ້ ຢືນຢູ່ໃນຕໍາແໜ່ງທີ່ບໍ່ຄືໃຜໃນການຂັບເຄື່ອນນະວັດ ຕະກໍາ ແລະ ຄວາມທັນສະໄໝ ໂດຍການພັດທະນາຍຸດທະສາດທີ່ເຫມາະສົມກັບສະພາບຕົວຈິງສະເພາະຂອງຕົນ, ໃນຂະນະດຽວກັນກໍສາມາດຕອບສະຫນອງຄວາມຮຽກຮ້ອງຕ້ອງການຂອງຄວາມກ້າວຫນ້າທົ່ວໂລກ.
ການຂະຫຍາຍຕົວທາງດ້ານເສດຖະກິດຂອງປະເທດເຂດໂລກໃຕ້ ບໍ່ໄດ້ເປັນການຄາດຄະເນອີກຕໍ່ໄປ, ແຕ່ນັ້ນຄືຄວາມເປັນຄວາມຈິງ ເພາະໃນປີ 2023 ລວມຍອດຜະລິດຕະພັນພາຍໃນ ຫຼື GDP ຂອງປະເທດເຫຼົ່ານີ້ໄດ້ກວມເອົາ 42% ຂອງ GDP ທົ່ວໂລກ ແລະ ຕົວເລກນີ້ໄດ້ເພີ່ມຂຶ້ນຢ່າງຕໍ່ເນື່ອງ ຍ້ອນເສດຖະ ກິດທີ່ກໍາລັງເກີດຂຶ້ນຫຼຸດລົງ ແລະ ເສດຖະກິດທີ່ສໍາຄັນໃນອາຊີຂະຫຍາຍຕົວເພີ່ມຂຶ້ນ. ຕະຫຼາດທີ່ກໍາລັງເກີດຂຶ້ນໃໝ່ຫຼາຍແຫ່ງໃນປະເທດເຂດໂລກໃຕ້, ໃນນັ້ນ ລວມທັງປະເທດຈີນ, ບຣາຊິນ ແລະ ອາຟຼິກາໃຕ້ ມີອັດຕາສ່ວນຫຼາຍກວ່າ 50% ຂອງ GDP ທົ່ວໂລກໃນປີ 2024. ໃນໄລຍະສອງທົດສະວັດທີ່ຜ່ານມາ, ຫລາຍກວ່າ 1 ຕື້ຄົນໃນປະເທດທີ່ກໍາລັງພັດທະນາໄດ້ຫຼຸດພົ້ນອອກຈາກຄວາມທຸກຍາກ, ເຊິ່ງເປັນສິ່ງທີ່ພິສູດໃຫ້ເຫັນເຖິງຄວາມສາມາດໃນການປ່ຽນແປງທີ່ດີຂຶ້ນຂອງປະເທດເຂດໂລກໃຕ້.
ໃນຫຼາຍທົດສະວັດຜ່ານມາ, ພາກພື້ນອາຊີໄດ້ຜ່ານການການ ປ່ຽນແປງຢ່າງເລິກເຊິ່ງໃນຫຼາຍຂະແຫນງການ, ການຂະຫຍາຍປະສິດທິພາບຂອງປະເທດເຫຼົ່ານີ້ ໄດ້ເຮັດໃຫ້ເກີດຕ່ອງໂສ້ການ ສະໜອງແບບກະຈາຍເກີດຂຶ້ນ, ການເຊື່ອມເຊື່ອມໂຍງປະເທດທີ່ບໍ່ມີທາງອອກສູ່ທະເລຈາກອາຊີຕາເວັນອອກໄປຫາອາຊີກາງ ແລະ ເອີຣົບຜ່ານເຄືອຂ່າຍທາງລົດໄຟ, ເຊັ່ນ: ທາງລົດໄຟດ່ວນຈີນ- ເອີຣົບ ໄດ້ຂະຫຍາຍຂຶ້ນເພື່ອເຊື່ອມຕໍ່ຫຼາຍກວ່າ 220 ເມືອງໃນ 25 ປະເທດໃນທະວີບເອີຣົບນັບຕັ້ງແຕ່ເລີ່ມຕົ້ນກໍ່ຕັ້ງຂຶ້ນ.
ໃນຂະນະດຽວກັນ, ເສັ້ນທາງທະເລຕາເວັນອອກ-ຕາເວັນຕົກໄດ້ເຫັນການພັດທະນາທີ່ສໍາຄັນ ຍ້ອນການເພີ່ມ ຂຶ້ນຂອງທ່າ ເຮືອທີ່ສໍາຄັນ ເຊັ່ນ: ທ່າເຮືອ Hambantota ໃນປະເທດສີລັງ ກາ, ທ່າເຮືອ Gwadar ໃນປະເທດປາກິສຖານ. ສິ່ງອໍານວຍຄວາມສະດວກໃຫມ່ຂອງທ່າເຮືອ Chittagong ໃນປະເທດບັງກາລາເທດ ແລະ ທ່າເຮືອ Tuas Maga ໃນປະເທດສິງກະໂປ. ສ່ວນຢູ່ປະເທດອິນເດຍ, ທ່າເຮືອສີຂຽວໃຫມ່ ໄດ້ຖືກສ້າງຂຶ້ນພ້ອມດ້ວຍພື້ນຖານໂຄງລ່າງທີ່ກ່ຽວຂ້ອງ ເຊັ່ນ: ເສັ້ນທາງລົດໄຟຜ່ານໂຄງການ Sagarmala ແລະ ໂຄງການພັດທະນາການເດີນເຮືອແຫ່ງຊາດທີ່ເນັ້ນຫນັກໃສ່ການເຕີບໂຕຂອງອາຊີ.
ການພັດທະນາດັ່ງກ່າວ ບໍ່ພຽງແຕ່ເພີ່ມທະວີການເຊື່ອມໂຍງສໍາລັບປະເທດທີ່ບໍ່ມີທາງອອກສູ່ທະເລ ເຊັ່ນ: ເນປານ ແລະ ປະ ເທດໃນອາຊີກາງ ເທົ່ານັ້ນ, ແຕ່ຍັງເຮັດໃຫ້ອາຊີເປັນສູນກາງການ ຄ້າລະດັບໂລກ, ສ້າງລະບົບການຄ້າທີ່ສາ ມາດຕ້ານທານກັບຄວາມ ອ່ອນແອດ້ວຍການສ້າງທາງເລືອກທີ່ຈະນໍາໄປສູ່ເສັ້ນທາງການຂົນ ສົ່ງຈາກຕາເວັນອອກ-ຕາ ເວັນຕົກ. ຢ່າງໃດກໍຕາມ, ຄວາມທັນສະ ໄໝຂອງປະເທດເຂດໂລກໃຕ້ ແມ່ນບໍ່ສາມາດກັບໄປໃຊ້ໃນຮູບ ແບບເກົ່າທີ່ເຄີຍ ນໍາໃຊ້ເມື່ອຫຼາຍທົດສະວັດຜ່ານມາ. ເສັ້ນທາງໃນອະນາຄົດຕ້ອງເໝາະສົມກັບໂອກາດ ແລະ ຄວາມທ້າທາຍທີ່ບໍ່ຄືໃຜຂອງປະເທດໃນພາກພື້ນເຫຼົ່ານີ້.
ດັ່ງທີ່ ທ່ານ ສີ ຈິ້ນຜິງ, ປະທານປະເທດຈີນ ເຄີຍໄດ້ກ່າວເນັ້ນຫນັກໃນກອງປະຊຸມ BFA ປີ 2023 ວ່າ: ອະ ນາຄົດຂອງປະ ເທດເຂດໂລກໃຕ້ ຕ້ອງຢູ່ບົນພື້ນຖານຂອງຄ່ານິຍົມທີ່ສົ່ງເສີມສັນ ຕິພາບ, ຄວາມຫມັ້ນຄົງ ແລະ ການຮ່ວມມືກັນເພື່ອແກ້ໄຂບັນຫາດ້ານຄວາມໝັ້ນຄົງ. ຄໍາໝັ້ນສັນຍາ 6 ຂໍ້ຂອງທ່ານ ພາຍ ໃຕ້ຂໍ້ລິເລີ່ມວ່າດ້ວຍຄວາມໝັ້ນຄົງທົ່ວໂລກ ໄດ້ເນັ້ນຢໍ້າເຖິງຄວາມສໍາຄັນຂອງການຄວບຄຸມ, ຍຸດຕິຂໍ້ພິພາດຢ່າງສັນຕິພາບ, ເຄົາລົບອໍານາດອະທິປະໄຕ ແລະ ຄວາມໝັ້ນຄົງທີ່ກວມລວມ. ແນວຄິດເຫລົ່ານີ້ເປັນສິ່ງສໍາຄັນທີ່ຈໍາເປັນສໍາລັບການຮັກສາສະຖຽນລະ ພາບທາງການເມືອງ ແລະ ການສ້າງບັນຍາກາດເພື່ອສະໜັບສະ ໜູນການພັດທະນາ ແລະ ຄວາມຈະເລີນກ້າວຫນ້າທາງດ້ານເສດ ຖະກິດ.
ພິເສດທີ່ສຸດ, ການປ່ຽນແປງທາງດ້ານດິຈິຕອລ ໄດ້ນໍາເອົາໂອກາດທີ່ດີມາໃຫ້ແກ່ປະເທດເຂດໂລກໃຕ້ ເພື່ອເອົາຊະນະຮູບ ແບບການພັດທະນາແບບດັ້ງເດີມ. ບັນດາປະເທດ ເຊັ່ນ: ຈີນ, ອິນເດຍ ແລະ ຫວຽດນາມ ກໍາລັງມີຄວາມກ້າວໜ້າໃນດ້ານເຕັກໂນໂລຊີ ແລະ ໂຄງລ່າງພື້ນຖານດ້ານດິຈິຕອລທີ່ເປັນກໍາລັງແຮງໃນການຂັບເຄື່ອນການພັດທະນາເສດຖະກິດ-ສັງຄົມຂອງປະເທດຕົນໃຫ້ໄວຂຶ້ນ. ໃນະຂະນະດຽວກັນ, ການຊຸກຍູ້ສົ່ງເສີມການພັດ ທະນາເຕັກໂນໂລຊີສີຂຽວ ແລະ ອຸດສາຫະກໍາທີ່ຍືນຍົງ ຈະຊ່ວຍບັນດາປະເທດເຂດໃຕ້ສາມາດຮັບມືກັບສິ່ງທ້າທາຍຂອງການ ປ່ຽນແປງດິນຟ້າອາກາດ ແລະ ຮັບປະກັນຄວາມຈະເລີນຮຸ່ງເຮືອງໃນອະນາຄົດໄດ້.
