ສຳນັກຂ່າວ ຊິນຮວາ ຂອງ ສປຈີນ. ເມື່ອບໍ່ດົນມານີ້, ສາຍການບິນ ໄຊນ່າ ອີນເທີຣນແອຣລາຍຂອງ ສປຈີນ ໄດ້ເປີດໃຫ້ບໍລິການ ເສັ້ນທາງບິນໃໝ່ ເພື່ອເຊື່ອມຕໍ່ເມືອງ ຊີອັນ ແຂວງຊານຊີ ທາງພາກຕາເວັນຕົກສຽງ ເໜືອ ຂອງ ສປຈີນ ກັບ ນະຄອນຫລວງ ກົວລາລຳເປີ ປະເທດມາເລເຊຍ ຢ່າງເປັນທາງການ , ໂດຍສາຍການບິນນີ້ຈະໃຫ້ບໍລິການ ໄປກັບ ທຸກວັນ.
ໂດຍເຮືອບິນ ແອຣບັສ ເອ 320 ຂອງ ສາຍການ ບິນດັ່ງກ່າວ ໄດ້ອອກຈາກ ສະໜາມບິນສາກົນ ຊີອັນສຽນຫຍາງ ແລະ ຈະຜ່ານ ເມືອງຄຸນໝິງ ແຂວງອະວິ໋ນໜານ (ຢຸນນານ) ທາງພາກຕາເວັນຕົກ ສຽງໃຕ້ ຂອງ ສປຈີນ ກ່ອນຈະເດີນທາງໄປເຖິງ ນະຄອນຫລວງ ກົວລາລຳເປີ . ສ່ວນຖ້ຽວບິນ ຂາກັບຈະອອກຈາກ ນະຄອນຫລວງ ກົວລາລຳເປີ ໂດຍຈະຜ່ານ ຄຸນໝິງ ໃນໄລຍະເວລາອີກ 4 ຊົ່ວໂມງຕໍ່ມາ ກ່ອນຈະເດີນທາງ ໄປເຖິງເມືອງ ຊີອັນຂອງມື້ຕໍ່ມາ. ເສັ້ນທາງບິນໃໝ່ ຈະອຳນວຍ ຄວາມສະດວກ ໃຫ້ແກ່ ນັກທ່ອງທ່ຽວ ທີ່ ຕ້ອງການເດີນທາງ ໄປນະຄອນຫລວງ ກົວລາລຳເປີ , ສ່ານຊີ ແລະ ອະວີ໋ນໜານ ລວມເຖິງເປັນການ ແລກປ່ຽນລະຫວ່າງ ເສດຖະກິດ ແລະ ວັດທະນາທຳ ແລະ ຍັງເປັນເສັ້ທາງບິນ ລະຫວ່າງ ປະເທດ ສາຍທຳອິດ ທີ່ ເປີດໃຫ້ບໍລິການ ຈາກອາຄານຜູ້ໂດຍສານໝາຍເລກ 5 ທີ່ເປີດໃໝ່ ຂອງ ສະໜາມບິນ ສາກົນນີ້.
