ກົມຕໍາຫຼວດສະກັດກັ້ນ ແລະ ຕ້ານອັກຄີໄພ ກົມໃຫຍ່ຕໍາຫຼວດ ກະຊວງປ້ອງກັນຄວາມສະຫງົບ ໄດ້ລາຍງານໃຫ້ນັກຂ່າວວິທະຍຸກະຈາຍສຽງແຫ່ງຊາດລາວ ຮູ້ວ່າ: ໃນເວລາ 5 ໂມງເຊົ້າ ຂອງວັນທີ 25 ກຸມພາ 2025 ໄດ້ເກີດເຫດໄຟໄໝ້ເຮືອນຂອງ ທ້າວ ນົບພະລັດ ພັນທະວົງ, ອາຍຸ 31 ປີ ອາຊີບຄ້າຂາຍ ຢູ່ບ້ານພະຂາວ ໜ່ວຍ 16 ເມືອງໄຊທານີ ນະຄອນຫລວງວຽງຈັນ, ເປັນເຮືອນວິນລາສອງຊັ້ນ.
ຜົນເສຍຫາຍເບື້ອງຕົ້ນ: ເຮືອນຖືກໄໝ້ໝົດຫລັງ, ເສຍຊິ ວິດ 1ຄົນ ຊື່ ນາງ ວິໄລຄຳ ອາຍຸ 31 ປີ, ອາຊີບຄ້າຂາຍ ເຊິ່ງເປັນເມຍເຈົ້າຂອງເຮືອນ ໂດຍເສຍຊິວິດຢູ່ໃນຫ້ອງນອນ ຊັ້ນ2.
ລົດມອດໄຟອອກດັບມອດໄຟທັງໝົດ 5 ຄັນ ນໍາໃຊກຳລັງພົນ 20 ຄົນ. ສ່ວນສາເຫດຂອງການເກີດອັກຄີໄພ ແລະ ຜົນເສຍຫາຍທັງໝົດທີ່ລະອຽດຊັດເຈນ ຍັງຢູ່ໃນຂັ້ນຕອນເກັບກໍາຂໍ້ມູນ ແລະ ສືບສວນຢູ່.
ຂໍສະແດງຄວາມເສຍໃຈກັບຄອບຄົວຜູ້ສູນເສຍດ້ວຍ.
ພາບ-ຂ່າວເພຈ ຄວາມສະຫງົບ
