ວັນທີ 10 ກຸມພານີ້, ທ່ານ ກົ່ວເຈ່ຍຄູ່ນ ໂຄສົກກະຊວງການຕ່າງປະເທດຈີນ ໄດ້ຖະແຫຼງຂ່າວທີ່ນະຄອນຫຼວງປັກກິ່ງ, ສປ ຈີນມີນັກຂ່າວຖາມເຖິງເລື່ອງປັນຍາປະດິດ Deepseek ໄດ້ຮັບຄວາມເອົາໃຈໃສ່ຈາກໂລກຢ່າງກວ້າງຂວາງ.
ທ່ານກົ່ວເຈ່ຍຄູ່ນ ຕອບວ່າ: ເຕັກນິກໃໝ່ດ້ານ AI ໃນປັດຈຸບັນມີການບຸກທະລຸຢ່າງບໍ່ຢຸດຢັ້ງ, ໄດ້ກາຍເປັນພະລັງແຮງຂັບເຄື່ອນທີ່ສຳຄັນໃນການປະຕິວັດວິທະຍາສາດເຕັກໂນໂລຊີແລະການປ່ຽນແປງດ້ານອຸດສາຫະກຳຮອບໃໝ່. ຈີນຕັ້ງໜ້າຊຸກຍູ້ໃຫ້ພັດທະນາ AI ແບບໄດ້ຮັບຜົນປະໂຫຍດໂດຍທົ່ວໄປ, ຊ່ວຍເຫຼືອປະເທດທີ່ພວມພັດທະນາເພີ່ມທະວີການສ້າງຄວາມສາມາດ, ບັນລຸໃຫ້ບັນດາປະເທດຊົມໃຊ້ຜົນປະໂຫຍດດ້ານ AI ນຳກັນ.
ພ້ອມກັນນັ້ນ, ພວກເຮົາຄັດຄ້ານຂີດເສັ້ນຕາມຮູບຖານຈິດສຳນຶກ, ຄັດຄ້ານການເປີດກວ້າງແນວຄວາມຄິດຄວາມໝັ້ນຄົງຂອງຊາດ, ຄັດຄ້ານຫັນບັນຫາວິທະຍາສາດເຕັກໂນໂລຊີແລະເສດຖະກິດການຄ້າໃຫ້ເປັນບັນຫາການເມືອງ.
ຈີນຍິນດີພ້ອມກັບບັນດາຝ່າຍເພີ່ມທະວີການແລກປ່ຽນແລະຮ່ວມມືກັນໃນດ້ານ AI, ພ້ອມກັນຊອກຄົ້ນຫາຢ່າງເລິກເຊິ່ງໃນໂລກ AI ທີ່ກວ້າງຂວາງ.
Cr: CMG
