ອີຢູ ປະກາດແຜນການເລີ່ມຕົ້ນພື້ນຖານເສດຖະກິດຄືນໃໝ່

ວິທະຍຸກະຈາຍສຽງ ຫວຽດນາມ,ເມື່ອບໍ່ດົນມານີ້, ສະຫະ ພາບເອີຣົບ (EU) ໄດ້ປະກາດ ແຜນການ ກ່ຽວກັບ ການປະຕິຮູບ ຮູບແບບ ເສດຖະກິດ ຂອງກຸ່ມທັງໝົດ, ເຊິ່ງເປັນຄວາມມານະພະຍາຍາມ ແນໃສ່ ທຽບທັນກັບ ສອງພື້ນຖານ ເສດຖະກິດ ໃຫຍ່ສຸດໃນໂລກ ໃນປັດຈຸບັນ ນັ້ນແມ່ນ ສ.ອາເມລິກາ ແລະ ສປ ຈີນ.ຈາກນັ້ນ ທ່ານ ນາງ ຢູຊາລາ ວອນເດີ ລາຍອັນ(Ursula von der Leyen), ປະທານ ຄະນະກຳມະການ ເອີຣົບ ໄດ້ເນັ້ນໜັກວ່າ: ຕ້ອງປຸກລຸກ ກຳລັງໜູນ ປ່ຽນແປງໃໝ່ ຂອງ EU ຄືນໃໝ່ ແລະ EU ຍັງຮັກສາ ບັນດາຄຳໝັ້ນສັນຍາ ຫລຸດຜ່ອນ ການປ່ອຍອາຍພິດກາກບອນ ແຕ່ ໄປຄຽງຄູ່ກັນນັ້ນ ກໍຈະຍູ້ແຮງ ການຫລຸດຜ່ອນ ບັນດາລະບຽບການ ບໍລິຫານ ໃຫ້ແກ່ ບັນດາວິສາຫະກິດ.ຕາມແຜນການ ເສດຖະກິດໃໝ່ ທີ່ມີຊືວ່າ “ເຂັມຊີ້ທິດ ແຫ່ງການແກ້ງແຍ້ງ”, EU ຈະປັບປຸງ ກົດໝາຍ ນັບສິບ ສະບັບ ແນໃສ່ຫລຸດຜ່ອນ ຂໍ້ກຳນົດຫລັກການ ກ່ຽວກັບ ມາດຕະຖານ ຂອງລະບົບສະໜອງ ແລະ ສິ່ງແວດລ້ອມ. ນອກຈາກນັ້ນແລ້ວ, EU ກໍຈະສ້າງຕັ້ງ ກົນໄກນິຕິກຳ ຂອງກຸ່ມເຄື່ອນໄຫວ ແບບເອກະລາດ ກັບກົນໄກນິຕິກຳຂອງ 27 ປະເທດ ສະມາຊິກ ເພື່ອອະນຸຍາດ ໃຫ້ບັນດາ ບໍລິສັດ ປະດິດຄິດສ້າງ ໄດ້ຊົມໃຊ້ ຜົນປະໂຫຍດ ຈາກກົດລະບຽບ ທີ່ມີຄວາມເປັນເອກະພາບ ກ່ຽວກັບ ບັນດາເນື້ອໃນ ຄືກົດໝາຍ ວ່າດ້ວຍ ແຮງງານ ຫລື ພາສີ.ໄປຄຽງຄູ່ກັນນັ້ນ, ແຜນການດັ່ງກ່າວ ກໍໄດ້ວາງອອກ ບັນດາເປົ້າໝາຍ ທີ່ຫັນແຫລ່ງ ສະໜອງ ເປັນຫລາຍຮູບ ຫລາຍແບບ ເພື່ອຫລຸດຜ່ອນ ຄ່າໃຊ້ຈ່າຍພະລັງງານ, ຊຸກຍູ້ ຂະແໜງ ອຸດສາຫະກຳສີຂຽວ, ເພີ່ມທະວີ ການຂຸດຄົ້ນ ແຫລ່ງວັດຖຸດິບ ເພື່ອຫລຸດຜ່ອນ ການເອື່ອຍອີງ ເຂົ້າບັນດາ ປະເທດ ຢູ່ນອກກຸ່ມ ແລະ ມຸ່ງໄປເຖິງການບັນລຸ ໄດ້ຄວາມເປັນເອກະພາບ ບັນດາຕະຫລາດ ທຶນຮອນ ເອີຣົບ.