ມວນອາກາດໜາວ ຍັງປົກຄຸມຢູ່ທົ່ວທຸກພາກຂອງປະເທດລາວ ດ້ວຍກໍາລັງແຮງ, ສົມທົບກັບກະແສລົມຕາເວັນອອກສ່ຽງເໜືອທີ່ມີກໍາລັງ ແຮງພັດປົກຄຸມ. ຊຶ່ງຈະເຮັດໃຫ້ອາກາດຍັງສືບຕໍ່ໜາວເຢັນຢູ່ທົ່ວໄປໃນ ແຕ່ລະພາກ ແລະ ອາກາດຈະໜາວເຢັນຫລາຍຈົນເຖິງຂັ້ນນໍ້າກ້າມ ຢູ່ແຂວງພາກເໜືອດ້ານຕາເວັນອອກ, ແຂວງໄຊສົມບູນ ແລະ ເຂດພູພຽງບໍລະເວນ ພ້ອມມີໝອກໜາປົກຫຸ້ມຢູ່ທົ່ວໄປໃນຕອນເຊົ້າ.
ດັ່ງນັ້ນ, ຈຶ່ງແຈ້ງເຕືອນເຖິງປະຊາຊົນບັນດາເຜົ່າ, ອົງການປົກຄອງທ້ອງ ຖິ່ນ ແລະ ອົງການຈັດຕັ້ງທຸກພາກສູ່ວນ, ຈົ່ງມີສະຕິກຽມພ້ອມຮັບມືກັບ ສະພາບອາກາດໜາວເຢັນຫລາຍ ແລະ ຈະມີລົມພັດແຮງຢູ່ເກືອບທົ່ວໄປ ໂດຍສະເພາະ ຢູ່ເຂດພູສງ, ພູດອຍ ແລະ ຮ່ອມພູ ເຊັນ່: ບັນດາແຂວງ ພາກເໜືອ, ແຂວງໄຊສົມບູນ, ພາກກາງ ແລະ ເຂດພູພຽງບໍລະເວນ ໃນໄລຍະ ວັນທີ 14 ຫາ 15 ມັ່ງກອນ 2025 ນີ້. ຊຶ່ງອາດຈະມີຜົນກະທົບຕໍ່ ສຸຂະພາບ ຂໍໃຫ້ຮັກສາສຸຂະພາບ ນຸງຫົ່ມໃຫ້ຮ່າງກາຍອົບອຸ່ນຢູ່ສະເໜີ, ພ້ອມທັງໃຫ້ຕິດຕາມຂ່າວ ພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດຢູ່ເປັນປະຈໍາ.
ພະຍາກອນອາກາດ ແຕ່ເວລາ 07 ໂມງ ຂອງວັນທີ 14/01/2025 ຫາ ເວລາ 07 ໂມງ ຂອງວັນທີ 15/01/2025
ພາກເໜືອດ້ານຕາເວັນອອກ (ແຂວງຜົ້ງສາລີ, ຫົວພັນ ແລະ ຊຽງຂວາງ): ອາກາດໜາວເຢັນຫລາຍຈົນເຖິງຂັ້ນນໍ້າກ້າມ, ພ້ອມມີໝອກໜາປົກຫຸ້ມ ຢູ່ທົ່ວໄປໃນຕອນເຊົ້າ ແລະ ຈະມີລົມພັດແຮງຢູ່ບາງທ້ອງຖິ່ນ. ອຸນຫະພູມ ໃນລະຫວ່າງ 01-16 ອົງສາ.
ພາກເໜືອດ້ານຕາເວັນຕົກ (ແຂວງຫລວງນໍ້າທາ, ບໍ່ແກ້ວ, ອຸດົມໄຊ, ຫລວງພະບາງ ແລະ ໄຊຍະບູລີ): ອາກາດໜາວເຢັນຫລາຍ, ພ້ອມມີໝອກ ໜາປົກຫຸ້ມຢູ່ທົ່ວໄປໃນຕອນເຊົ້າ ແລະ ຈະມີລົມພັດແຮງຢູ່ເກືອບທົ່ວໄປ. ອຸນຫະພູມໃນລະຫວ່າງ 05-24 ອົງສາ.
ນະຄອນຫລວງວຽງຈັນ: ອາກາດໜາວເຢັນ, ພ້ອມມີໝອກບາງປົກຫຸ້ມ ຢູ່ທົ່ວໄປ ແລະ ຈະມີລົມພັດແຮງຢູ່ບາງບໍລິເວນ. ອຸນຫະພູມໃນລະຫວ່າງ 10-24 ອົງສາ.
ພາກກາງ (ແຂວງວຽງຈັນ, ບໍລິຄໍາໄຊ, ຄໍາມ່ວນ ແລະ ສະຫວັນນະເຂດ): ອາກາດໜາວເຢັນ, ພ້ອມມີໝອກບາງປົກຫຸ້ມຢູ່ທົ່ວໄປໃນຕອນເຊົ້າ ແລະ ມີໝອກໜາປົກຫຸ້ມຢູ່ບາງທ້ອງຖິ່ນ ແຂວງບໍລິຄໍາໄຊ, ຫລັກ 20, ເມືອງວຽງທອງ ແຂວງຄໍາມ່ວນ ທ່າແຂກ, ເມືອງນາກາຍ ພ້ອມມີລົມພັດ ແຮງຢູ່ທົ່ວໄປ. ອຸນຫະພູມໃນລະຫວ່າງ 07-24 ອົງສາ.
ແຂວງໄຊສົມບູນ: ອາກາດໜາວເຢັນຫລາຍຈົນເຖິງຂັ້ນນໍ້າກ້າມ, ພ້ອມມີໝອກໜາປົກຫຸ້ມຢູ່ທົ່ວໄປໃນຕອນເຊົ້າ ແລະ ຈະມີລົມພັດແຮງ ເປັນບາງໂອກາດ. ອຸນຫະພູມໃນລະຫວ່າງ 01-24 ອົງສາ.
ພາກໃຕ້ (ແຂວງສາລະວັນ, ຈໍາປາສັກ, ເຊກອງ ແລະ ອັດຕະປື): ອາກາດໜາວເຢັນຫລາຍຈົນເຖິງຂັ້ນນໍ້າກ້າມ, ພ້ອມມີໝອກໜາປົກຫຸ້ມ ຢູ່ທົ່ວໄປໃນຕອນເຊົ້າ ພ້ອມມີລົມພັດແຮງຢູ່ບາງທ້ອງຖິ່ນ ອຸນຫະພູມ ໃນລະຫວ່າງ 11-32 ອົງສາ.
ສໍາລັບເຂດພູພຽງບໍລະເວນ: ອາກາດໜາວເຢັນຫລາຍຈົນເຖິງ ຂັ້ນນໍ້າກ້າມ, ພ້ອມມີໝອກໜາປົກຫຸ້ມຢູ່ທົ່ວໄປໃນຕອນເຊົ້າ ແລະ ຈະມີລົມພັດແຮງເປັນບາງໂອກາດ ອຸນຫະພູມໃນລະຫວ່າງ 01-22 ອົງສາ.
