ສຳນັກຂ່າວເອເອຟພີ ລາຍງານຈາກນະຄອນຫລວງເຊອຸນ ປະເທດ ສ.ເກົາຫລີ ລະບຸວ່າ: ປະເທດນີ້ໄດ້ສົ່ງອອກເຄື່ອງສຳອາງ ລວມມີມູນຄ່າ 10 ຕື້ໂດລາ ສະຫະລັດ ໃນປີ 2024 ເພີ່ມຂຶ້ນ 20,6% ເມື່ອທຽບໃສ່ປີຜ່ານມາ.
ເມື່ອຈຳແນກຕາມໝວດໝູ່ຜະລິດຕະພັນດູແລຜີວຂັ້ນພື້ນຖານດ້ວຍມູນຄ່າການສົ່ງອອກສູງສຸດ 7.670 ລ້ານໂດລາສະຫະລັດ, ຖັດມາ ຄື ເຄື່ອງສຳອາງທີ 1.350 ລ້ານໂດລາສະຫະລັດ ແລະ ຜະລິດຕະພັນ ເຮັດຄວາມສະອາດທີ່ 470 ລ້ານໂດລາສະຫະລັດ, ຂະນະທີ່ ຜະລິດຕະພັນ ເຮັດຄວາມສະອາດຜີວ ເຕີບໂຕເຂັ້ມແຂງທີ່ສຸດເຖິງ 30,7% ເມື່ອທຽບເປັນລາຍປີ.
ສ່ວນປະເທດ ຜູ້ນຳເຂົ້າເຄື່ອງສຳອາງ ສ.ເກົາຫລີ ຂະໜາດໃຫຍ່ທີ່ສຸດ ໄດ້ແກ່ ສປຈີນ ກວມເອົາອັດຕາສ່ວນ 24,5% ຂອງ ການສົ່ງອອກ ຫລື ປະມານ 2.500 ລ້ານໂດລາສະຫະລັດ, ຖັດມາແມ່ນ ສ.ອາເມລິກາ 1.900 ລ້ານໂດລາສະຫະລັດ ແລະ ຍີ່ປຸ່ນ 1 ຕື້ໂດລາສະຫະລັດ. ນອກຈາກນີ້ ຍັງມີຜູ້ນຳເຂົ້າອື່ນໆ ໄດ້ແກ່: ເຂດຮົ່ງກົງ (ສປຈີນ) , ຫວຽດນາມ, ຣັດເຊຍ ແລະ ເຂດໄຕ້ຫວັນ(ສປຈີນ) ລວມເຖິງ ສະຫະນະຄອນ ເອເມເຣດອາຣັບ (ຢູເອອີ) ທີ່ຕິດ 10 ອັນດັບທຳອິດ ລື່ນກາຍ ມາເລເຊຍ.
