ຕາມການໃຫ້ຂໍ້ມູນຈາກຂະແໜງປູກຝັງ ພະແນກກະສິກໍາ ແລະ ປ່າໄມ້ ປະຈໍາແຂວງຄໍາມ່ວນໃຫ້ຮູ້ວ່າ: ໃນລະດູການປູກເຂົ້າລະດູແລ້ງສົກປີ 2024-2025 ທົ່ວແຂວງຄໍາມ່ວນມີເນື້ອທີ່ແຜນການປູກເຂົ້າລວມທັງໝົດ 14,186 ເຮັກຕາ, ຄາດຄະເນຜົນຜະລິດ 78,896 ເຮັກຕາ, ຄາດຄະເນແນວປູກ 1,135 ໂຕນ. ໃນນີ້, ເນື້ອທີ່ແຜນການປູກເຂົ້າເພື່ອເປັນສະບຽງອາຫານ 4,696 ເຮັກຕາ, ຄາດຄະເນຜົນຜະລິດ 25,840 ໂຕນ, ເນື້ອທີ່ແຜນການປູກເຂົ້າເພື່ອເປັນສິນຄ້າ 9,490 ເຮັກຕາ, ຄາດຄະເນຜົນຜະລິດ 53,056 ໂຕນ.
ມາຮອດປັດຈຸບັນຊາວນາທົ່ວແຂວງໄດ້ຕົກກ້າໝົດແນວເຂົ້າປູກແລ້ວ 686 ໂຕນ ເທົ່າກັບ 60% ຂອງຈໍານວນແນວເຂົ້າປູກທັງໝົດ ແລະ ສາມາດປູກເຂົ້າໄດ້ແລ້ວ 3,399 ເຮັກຕາ ເທົ່າກັບ 24% ຂອງຈໍານວນເນື້ອທີ່ແຜນການທັງໝົດ. ໃນນັ້ນ, ນາຫວ່ານປະຕິບັດໄດ້ 2,560 ເຮັກຕາ ເທົ່າກັບ 18% ຂອງຈໍານວນເນື້ອທີ່ແຜນການທັງໝົດ ແລະ ນາດໍາປະຕິບັດໄດ້ 839 ເຮັກຕາ ເທົ່າກັບ 6% ຂອງຈໍານວນເນື້ອທີ່ແຜນການທັງໝົດ.
ຜ່ານການຈັດຕັ້ງປະຕິບັດເນື້ອທີ່ແຜນການປູກເຂົ້າເພື່ອເປັນສະບຽງອາຫານປັດຈຸບັນສາມາດປັກດໍາໄດ້ 1,138 ເຮັກຕາ ເທົ່າກັບ 24% ຂອງເນື້ອທີ່ແຜນການ. ເນື້ອທີ່ແຜນການປູກເຂົ້າເພື່ອເປັນສິນຄ້າປະຕິບັດໄດ້ 2,261 ເຮັກຕາ ເທົ່າກັບ 24% ຂອງເນື້ອທີ່ແຜນການ.
ສໍາລັບເມືອງທີ່ມີເນື້ອທີ່ປູກເຂົ້າລະດູແລ້ງຫຼາຍກວ່າໝູ່ພາຍໃນແຂວງຄໍາມ່ວນປະກອບມີເມືອງໜອງບົກ, ເຊບັ້ງໄຟ, ຍົມມະລາດ, ຫີນບູນ ແລະ ເມືອງມະຫາໄຊ.
