ຂ່າວສານຫວຽດນາມລາຍງານ ເມື່ອບໍ່ດົນມານີ້ວ່າ: ມາເລເຊຍ ໄດ້ເລືອກເອົາຫົວຂໍ້ “ກວມລວມ ແລະ ຍືນຍົງ” ເພື່ອເປັນປະທານສະມາຄົມປະຊາຊາດອາຊີຕາເວັນອອກສ່ຽງໃຕ້ (ອາຊຽນ 2025), ເປັນປີພິເສດທີ່ອາຊຽນສະເຫຼີມສະຫຼອງ 10 ປີແຫ່ງການສ້າງປະຊາຄົມອາຊຽນ ດ້ວຍ 3 ເສົາຄ້ຳ.
ນອກຈາກການຕີລາຄາ 10 ປີແຫ່ງການສ້າງປະຊາຄົມອາຊຽນ ເພື່ອກ້າວໄປສູ່ວິໄສທັດອາຊຽນ 2045, ບຸລິມະສິດຂອງມາເລເຊຍໃນປີ 2025 ລວມມີການຮ່ວມມືເພື່ອຮັບມືກັບສິ່ງທ້າທາຍ; ສົ່ງເສີມຄວາມຈະເລີນຮຸ່ງເຮືອງຮ່ວມກັນ, ບໍ່ໃຫ້ໃຜຢູ່ເບື້ອງຫຼັງ; ຮັດແໜ້ນ ແລະ ເຊື່ອມຕໍ່ພາຍໃນກຸ່ມ, ຊຸກຍູ້ການເຊື່ອມໂຍງ ແລະ ເຊື່ອມໂຍງເສດຖະກິດອາຊຽນ; ເພີ່ມທະວີການຄ້າ ແລະ ການລົງທຶນ, ເປີດກວ້າງການຮ່ວມມືດ້ານເສດຖະກິດກັບບັນດາຄູ່ຮ່ວມມື ແລະ ການເຕີບໂຕແບບຍືນຍົງ; ສ້າງອາຊຽນທີ່ເຂັ້ມແຂງໃນດ້ານດີຈີຕອນ.
ໂດຍຖືບົດບາດໃນສະພາບການທີ່ໂລກ ແລະ ອາຊີ ພວມປະເຊີນໜ້າກັບສິ່ງທ້າທາຍທາງພູມສາດການເມືອງ ແລະ ຄວາມເຄັ່ງຕຶງຂອງທົ່ວໂລກ ນັບແຕ່ການແຂ່ງຂັນຍຸດທະສາດເຖິງບັນຫາດິນຟ້າອາກາດ, ເປົ້າໝາຍຂອງ ມາເລເຊຍ ແມ່ນຊຸກຍູ້ການຮ່ວມມືຢ່າງແໜ້ນແຟ້ນ ໂດຍຜ່ານການສ້າງກຳລັງແຮງໃຫ້ແກ່ວິໄສທັດລວມຂອງອາຊຽນ. ຊ່ວຍໃຫ້ບັນດາປະເທດສະມາຊິກເຂົ້າມາໃກ້ຊິດກັນ ແລະ ເພີ່ມທະວີຄວາມໄວ້ເນື້ອເຊື່ອໃຈຊຶ່ງກັນ ແລະ ກັນ.
ໃນປີ 2025 ນີ້, ອາຊຽນ ກະກຽມຮັບຕ້ອນ ຕີມໍແລັດສະເຕ ເຂົ້າເປັນສະມາຊິກທີ 11 ຢ່າງເປັນທາງການ.
