ຕາມຂ່າວວິທະຍຸ ກະຈາຍສຽງແຫ່ງຊາດ ຫວຽດນາມ ລາຍງານວ່າ: ຕ້ອນຮັບປີໃໝ່ສາກົນ 2025, ມີການນຳຫລາຍທ່ານໃນທົ່ວໂລກໄດ້ສົ່ງສານພ້ອມຄວາມຄາດຫວັງຕໍ່ສິ່ງທີ່ດີງາມ. ໂດຍທ່ານ ອັນໂຕນິໂອ ກູເຕີເຣສ (Antonio Guterres)ເລຂາທິການໃຫຍ່ສະຫະປະຊາຊາດ (ສປຊ) ຮຽກຮ້ອງຫັນປີ 2025 ໃຫ້ກາຍເປັນ “ຈຸດເລີ່ມຕົ້ນແກ່ອະນາຄົດທີ່ສວຍງາມ”.
ທ່ານເລຂາທິການໃຫຍ່, ປະທານປະເທດສປຈີນ ທ່ານ ສີຈີ້ນຜິງ ໄດ້ສົ່ງຄຳອວຍພອນປີໃໝ່ສາກົນ 2025 ເຖິງປະຊາຊົນປະເທດ,ພ້ອມທັງຢັ້ງຢືນວ່າ ສປຈີນ ພ້ອມແລ້ວທີ່ຈະພ້ອມກັບບັນດາປະເທດຮ່ວມມືມິດຕະພາບ, ພ້ອມກັນສ້າງອະນາຄົດທີ່ສວຍງາມກວ່າຂອງໂລກ.
ຊຶ່ງທ່ານ ວາລາດີເມຍ ປູຕິນ (Vladimir Putin) ປະທານາທິບໍດີ ຣັດເຊຍ ຢັ້ງຢືນວ່າຄວາມສາມັກຄີໄດ້ຊ່ວຍໃຫ້ປະຊາຊົນ ໃນປະເທດນີ້ ຜ່ານຜ່າສິ່ງທ້າທາຍຫລາຍຢ່າງ, ສະນັ້ນຈຶ່ງເປັນການ ປັບປຸງຄວາມໄວ້ເນື້ອ ເຊື່ອໃຈຕໍ່ກຳລັງແຮງ ຂອງປະເທດຊາດ.
ສ່ວນທ່ານ ຊີເກຣຸ ອິຊີບະ (Shigeru Ishiba) ນາຍົກລັດຖະມົນຕີ ຍີ່ປຸ່ນໄດ້ເນັ້ນໜັກວ່າ: ການຕັດສິນໃຈຂອງລັດຖະບານ ຍີ່ປຸ່ນຈະນຳມາເຊິ່ງຊີວິດທີ່ວັດທະນາຖາວອນ ແລະເຕັມໄປດ້ວຍຄວາມເບີກບານມ່ວນຊື່ນໃຫ້ແກ່ປະຊາຊົນທຸກຄົນ.
