ວິທະຍຸ ສາກົນ ແຫ່ງ ສປ ຈີນ, ງານຕະຫລາດນັດ 3ປະເທດ ຈີນ-ລາວ-ຫວຽດນາມ ປີ 2024 ໄດ້ໄຂຂຶ້ນ ຢູ່ເມືອງປົກຄອງຕົນເອງ ເຜົ່າຮານີ ເຜົ່າອີຈ່ຽງເຊີງ ຂອງນະຄອນຜູເອີ ແຂວງຢຸນນານຈີນ ທີ່ເປັນເມືອງຕິດກັບ ຊາຍແດນ ຂອງ 3 ປະເທດ.
ໃນງານຕະຫລາດນັດຄັ້ງນີ້ ໄດ້ມີວິສາຫະກິດຈາກ ສປ ຈີນ, ສປປ ລາວ ແລະ ສສ ຫວຽດນາມ ທັງໝົດ 154 ແຫ່ງ ເຂົ້າຮ່ວມ, ໄດ້ຈັດກິດຈະກຳ ທີ່ໜ້າສົນໃຈ ແລະ ມ່ວນຊື່ນ 7 ປະເພດ.
ຫົວຂໍ້ຫລັກ ຂອງງານຕະຫລາດນັດ ຄັ້ງນີ້ ແມ່ນ “ລົງເລິກ ການແລກປ່ຽນ ລະຫວ່າງ 3 ປະເທດ ຮ່ວມກັນ ສະແຫວງຫາ ໂອກາດ ການພັດທະນາ” ເຊິ່ງຈະດຳເນີນໄປ ຈົນຮອດ ວັນທີ 3 ມັງກອນປີ 2025.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
