- ຖ້າທ່ານອ່ານໜັງສືດົນໆ ອາດຈະເຮັດໃຫ້ສະໝອງເມື່ອຍ ທ່ານຄວນທົດລອງແບ່ງເວລາໃນການອ່ານເປັນໄລຍະສັ້ນໆ ປະມານ 25-30 ນາທີ ແລ້ວພັກ ປະມານ 5 ນາທີ ວິທີນີ້ຈະຊ່ວຍໃຫ້ສະໝອງມີໂອກາດພັກຟື້ນໂຕ ແລະ ກັບມາອ່ານໜັງສືໄດ້ຢ່າງເບີກບານມ່ວນຊື່ນ.
- ປ່ຽນສະຖານທີ່ອ່ານ ຫຼື ທ່າທາງການອ່ານ
ຖ້າທ່ານກຳລັງອ່ານໜັງສືຢູ່ບ່ອນນອນ ຫຼື ທ່າເອນຕົວແບບສະບາຍເກີນໄປ ທົດລອງປ່ຽນທ່ານັ່ງແບບຊື່ໆ ຫຼື ອາດຈະປ່ຽນບ່ອນອ່ານ ໃນບ່ອນທີ່ມີແສງສະຫວ່າງດີ ການນັ່ງສາມາດກະຕຸ້ນສະໝອງ ຊ່ວຍຫຼຸດການຢາກນອນ ແລະ ເພີ່ມສະມາທິນຳອີກ.
- ການເຄື່ອນເໜັງ
ເມື່ອຮູ້ສຶກຢາກນອນແຮງໆ ໃຫ້ລຸກຂື້ນເໜັງຕີງຮ່າງກາຍ ເຊັ່ນ: ຍ່າງໄປຍ່າງ, ຢືກເສັ້ນຢືດສາຍ ຊື່ງການເຄື່ອນເໜັງຈະຊ່ວຍເລືອດໄຫຼວຽນດີຂື້ນ ແລະ ສະໝອງກັບມາຕື່ນໂຕ ນອກຈາກການຍ່າງແລ້ວ ຍັງສາມາດເວລາທົບທວນເນື້ອໃນ ຊື່ງຈະຊ່ວຍໃຫ້ທ່ານຈື່ຈຳໄດ້ດີຍີ່ງຂື້ນ.
- ດື່ມນໍ້າ ຫຼື ກິນຂະໜົມ
ການດື່ມນໍ້າເລື້ອຍໆ ຈະຊ່ວຍປ້ອງກັນບໍ່ໃຫ້ຢາກນອນ ຖ້າທ່ານດື່ມນໍ້າເຢັນ ຫຼື ກິນຂະໜົມ ທີ່ມີໂປຣຕີນ ເປັນຕົ້ນ ຖົ່ວ ຫຼື ໝາກໄມ້ແຫ້ງ ຈະເຮັດໃຫ້ຮ່າງກາຍມີພະລັງ ແລະ ເຮັດໃຫ້ສົດຊື່ນຂື້ນ.
- ປ່ຽນບັນຍາກາດ
ຖ້າທ່ານອ່ານໜັງສືໃນບ່ອນເກົ່າໆ ດົນເກີນໄປຈະເຮັດໃຫ້ເລີ່ມເບື່ອ ແລະ ຫຼຸດຄວາມສົນໃຈໃນການອ່ານ ທົດລອງປ່ຽນໄປອ່ານບ່ອນທີ່ມີແສງທຳມະຊາດ ຫຼື ເປີດປ່ອງຢ້ຽມໃຫ້ອາກາດຖ່າຍເທ ຫຼື ການກິນອາຫານໃໝ່ໆ ຈະເຮັດໃຫ້ຮູ້ສຶກເບີກບານ ແລະ ພ້ອມສຳລັບໃນການອ່ານໜັງສືຕໍ່ໄປ.
