ຂປລ. ງານມະຫະກຳກິລານັກຮຽນມັດທະຍົມສຶກສາທົ່ວປະເທດ ຄັ້ງທີ VII ທີ່ແຂວງສາລະວັນເປັນເຈົ້າພາບ ໄດ້ປິດລົງໃນວັນທີ 22 ທັນວາ 2024 ດ້ວຍບັນຍາກາດຄືກຄື້ນມ່ວນຊື່ນ ແລະ ມີຜົນສໍາເລັດຕາມຄາດໝາຍທີ່ ວາງໄວ້. ຂະນະທີ່ແຂວງເຊກອງ ຈະໄດ້ຮັບກຽດເປັນເຈົ້າພາບຈັດງານດັ່ງ ກ່າວ ຄັ້ງທີ VIII ປີ 2027 ຕໍ່ໄປ. ເປັນກຽດເຂົ້າຮ່ວມ ທ່ານ ດາວວົງ ພອນ ແກ້ວ ເຈົ້າແຂວງສາລະວັນ, ປະທານຈັດງານ, ທ່ານ ພຸດ ສິມມາລາວົງ ລັດ ຖະມົນຕີກະຊວງສຶກສາທິການ ແລະ ກິລາ, ປະທານຮ່ວມ, ທ່ານ ເຫລັກໄຫລ ສີວິໄລ ເຈົ້າແຂວງເຊກອງ. ມີບັນດາທ່ານເຈົ້າແຂວງ, ຮອງລັດຖະມົນຕີ, ຮອງເຈົ້າແຂວງ, ຄະນຮັບຜິດຊອບຈັດງານຈັດງານ, ບັນດາກຳມະການ, ອະນຸກຳມະການ, ຄະນະນຳອາວຸໂສບຳນານ, ຄະນະນຳນັກກິລາ, ນັກກິລານັກ ຮຽນມັດທະຍົມສຶກສາ ແລະ ປະຊາຊົນລາວບັນດາເຜົ່າຊາວ ແຂວງສາລະ ວັນເຂົ້າຮ່ວມ.
ທ່ານ ສົມໃຈ ອຸ່ນຈິດ ຮອງເຈົ້າແຂວງສາລະວັນ, ຮອງປະທານຈັດງານ ກ່າວວ່າ: ງານມະຫະກຳກິລານັກຮຽນມັດທະຍົມສຶກສາທົ່ວປະເທດ ຄັ້ງທີ VII ທີ່ແຂວງສາລະວັນເປັນເຈົ້າພາບ ໄດ້ໄຂຂຶ້ນມາແຕ່ວັນທີ 13 ທັນວາ 2024 ແລະ ດໍາເນີນມາຮອດວັນທີ 22 ທັນວາ 2024 ໄດ້ສິ້ນສຸດການແຂ່ງຂັນລົງ ດ້ວຍບັນຍາກາດຄືກຄື້ນມ່ວນຊື່ນ ແລະ ມີຜົນສໍາເລັດອັນຈົບງາມ. ຜົນສຳ ເລັດດັ່ງກ່າວ ແມ່ນເນື່ອງມາຈາກການກະກຽມ, ການວາງແຜນເປັນ ແຕ່ ລະໄລຍະ, ການປະກອບສ່ວນດ້ວຍຄວາມຮັບຜິດຊອບສູງຂອງທຸກພາກ ສ່ວນ ເຮັດໃຫ້ມີຄວາມພ້ອມໃນດ້ານຕ່າງໆ ໂດຍສະເພາະແມ່ນ ເຮັດ ໃຫ້ພິທີ ເປີດ-ປິດ ແລະ ການຈັດການແຂ່ງຂັນກິລາປະເພດຕ່າງໆ ໄດ້ສຳເລັດລົງ ດ້ວຍຄວາມເປັນລະບຽບຮຽບຮ້ອຍດີ, ກຳມະການຕັດສິນກໍ່ໄດ້ເຮັດໜ້າທີ່ ຂອງຕົນດ້ວຍຄວາມຮັບຜິດຊອບສູງ ຕາມທີ່ໄດ້ປະຕິຍານໄວ້, ສ່ວນນັກ ກິ ລາແຕ່ລະພາກສ່ວນ ກໍ່ໄດ້ຕັ້ງໜ້າແຂ່ງຂັນ, ມີສະຕິໃນການປະຕິບັດຕາມ ກົດລະບຽບ, ກະຕິກາ ທີ່ວາງອອກຢ່າງເຂັ້ມງວດ; ໃນເວລາແຂ່ງຂັນກໍ່ໄດ້ສະ ແດງອອກແຈ້ງເຖິງນ້ຳໃຈນັກກິລາຢ່າງແທ້ຈິງ, ຮູ້ໄດ້, ຮູ້ເສຍ, ຮູ້ອະໄພເຊິ່ງ ກັນ ແລະ ກັນ, ອັນໄດ້ປະກອບສ່ວນຜູກແໜ້ນຄວາມສາມັກຄີ ໄມຕີຈິດ ມິດຕະພາບ, ມີຄວາມສາມັກຄີ ໃນໜູ່ນັກຮຽນ ແລະ ນັກກິລາດ້ວຍກັນ ເຮັດໃຫ້ການແຂ່ງຂັນເຕັມໄປດ້ວຍຮອຍຍີ້ມ, ຄວາມເບີກບານມ່ວນຊື່ນ ແລະ ມີຄວາມຊົງຈຳທີ່ດີ; ດ້ານໜຶ່ງຍັງໄດ້ເປັນການຍົກລະດັບຄວາມຮູ້, ຄວາມສາມາດ ແລະ ປະສົບການໃນດ້ານກິລາຂອງນັກຮຽນ ເພື່ອສ້າງຕົນ ເອງໃຫ້ເປັນນັກກິລາຮຸ່ນສືບທອດກ້າວຂຶ້ນສູ່ຄຸນນະພາບໃໝ່ ເພື່ອກຽມເຂົ້າ ແຂ່ງຂັນກິລາລະດັບຊາດ, ພາກພື້ນ ແລະ ສາກົນໃນຕໍ່ໜ້າ.
ທ່ານ ສົມໃຈ ອຸ່ນຈິດ ກ່າວຕື່ມວ່າ: ງານມະຫະກຳກິລານັກຮຽນມັດທະຍົມ ສຶກສາທົ່ວປະເທດ ຄັ້ງທີ VII ນີ້ ໄດ້ດຳເນີນການແຂ່ງຂັນກິລາ 12 ປະເພດ, ຕິດພັນກັບນະໂຍບາຍການພັດທະນາຊັບພະຍາກອນມະນຸດຮອບດ້ານ, ເປັນຕົ້ນແມ່ນການສົ່ງເສີມໃຫ້ນັກຮຽນໄດ້ຮັບການພັດທະນາທາງດ້ານ ຮ່າງກາຍ ແລະ ປັນຍາ ຕາມ 5 ຫລັກມູນຂອງການສຶກສາ, ພ້ອມນີ້ ກໍ່ເປັນ ການບົ່ມສອນສ້າງໃຫ້ນັກກິລາ ຢູ່ໃນໄວເຍົາວະຊົນ, ຊາວໜຸ່ມ ໄດ້ມີສະຕິ ຕໍ່ການຈັດຕັ້ງ, ມີລະບຽບວິໄນ, ມີຄຸນສົມບັດ, ມີຄວາມສາມັກຄີ ມິດຕະ ພາບ ແລະ ແລກປ່ຽນປະສົບການດ້ານກິລາ ເຊິ່ງເປັນເງື່ອນໄຂສົ່ງ ເສີມໃຫ້ ເຂົາເຈົ້າສາມາດເກັບກຳເອົາບົດຮຽນ ປະສົບການ ທີ່ໄດ້ຮັບໃນຄັ້ງນີ້ ໄປພັດ ທະນາສົ່ງເສີມຕົນເອງໃຫ້ສູງຂຶ້ນ.
ເປັນເວລາ 10 ກວ່າວັນຜ່ານມາ, ຄະນະຈັດງານແຂ່ງຂັນ ສາມາດສັງ ລວມຜົນອັນດັບຕາຕະລາງຫລຽນລາງວັນ ແຕ່ອັນດັບທີ 1-3 ແລະ ຕາມ ລຳດັບລົງມາຄື: ອັນດັບທີ 1 ນະຄອນ ຫລວງວຽງຈັນ ໄດ້ຮັບຫລຽນຄຳ 26 ຫລຽນ,ຫລຽນເງິນ 21 ຫລຽນ, ຫລຽນທອງ 29 ຫລຽນ ລວມທັງໝົດ 76 ຫລຽນ; ອັນດັບທີ 2 ແຂວງ ຈຳປາສັກ ໄດ້ຮັບຫລຽນຄຳ 20 ຫລຽນ, ຫລຽນ ເງິນ 20 ຫລຽນ, ຫລຽນທອງ 20 ຫລຽນ ລວມທັງໝົດ 60 ຫລຽນ; ອັນດັບທີ 3 ແຂວງສາລະວັນ ເຈົ້າພາບ ໄດ້ຮັບຫລຽນຄຳ 12 ຫລຽນ, ຫລຽນເງິນ 20 ຫລຽນ, ຫລຽນທອງ 16 ຫລຽນ ລວມທັງໝົດ 48 ຫລຽນ ຕາມລຳດັບ…
ການຈັດງານມະຫະກຳກິລານັກຮຽນມັດທະຍົມສຶກສາທົ່ວປະເທດ ຄັ້ງທີ VII ໃນຄັ້ງນີ້ ໄດ້ຮັບຜົນສຳເລັດຕາມທີ່ຄາດຫວັງໄວ້ທຸກປະການຄື: ທາງດ້ານການເມືອງ, ຄວາມສະຫງົບ, ເສດຖະ ກິດ, ວັດທະນະທຳ-ສັງຄົມ ຂອງແຂວງ ຕະຫລອດຮອດດ້ານວິຊາສະເພາະ, ພ້ອມນີ້ ຍັງເຫັນໄດ້ຄວາມ ສາມັກຄີ ເປັນຈິດໜຶ່ງໃນດຽວ, ການພັດທະນາກິລາລະດັບນັກຮຽນ ຂອງ ແຕ່ລະແຂວງ, ການພັດທະນາບຸກຄະລາກອນໃຫ້ແກ່ແຂວງສາລະວັນ, ພ້ອມທັງພື້ນຖານໂຄງລ່າງໄວ້ເປັນອັນສືບທອດໃຫ້ແກ່ແຂວງ ໃນການພັດ ທະນາຂົງເຂດກິລາ-ກາຍຍະກຳ ກໍ່ຄື ເປັນສະຖານທີ່ອອກກຳລັງກາຍ, ຫລິ້ນ ກິລາ ເພື່ອສຸຂະພາບຂອງມວນຊົນ ແລະ ການແຂ່ງຂັນກິລາໃນລະດັບ ຕ່າງໆ ຢູ່ພາຍໃນແຂວງ ໃນຕໍ່ໜ້າ ເປັນບ່ອນຝຶກຊ້ອມ, ສ້າງນັກກິລາ ທີ່ມີທັດສະ ແລະ ສ້າງຂະບວນການໃຫ້ນ້ອງນ້ອຍນັກຮຽນ ແລະ ຊາວໜຸ່ມ ພາຍໃນແຂວງຫັນມາຫລິ້ນກິລາໃຫ້ຫລາຍຂຶ້ນ, ຫລຸດຜ່ອນການມົ້ວສຸມ ສິ່ງເສບຕິດ ແລະ ອື່ນໆ.
ຂະນະທີ່ທ່ານ ເຫລັກໄຫລ ສີວິໄລ ເຈົ້າແຂວງເຊກອງ ກໍ່ໄດ້ຂຶ້ນຮັບທຸງກິລາ ແລະ ກຽມເປັນເຈົ້າພາບງານມະຫະກຳກິລານັກຮຽນມັດທະຍົມສຶກສາທົ່ວປະເທດ ຄັ້ງທີ VIII ໃນປີ 2027 ຄັ້ງຕໍ່ໄປ.
ພາບ+ໂດຍ:ຢ່າຕົ່ງ
