ບໍລິສັດ ບິກບລູ ອາເຈນຊີລາວ ໜຶ່ງໃນຜູ້ນຳດ້ານການໂຄສະນາ ແລະ ປະຊາສຳພັນຂອງ ສປປ ລາວ ໄດ້ສະເຫຼີມສະຫຼອງ ຄົບຮອບ 20 ປີ ໃນປີນີ້ ເຊິ່ງນັບແຕ່ກໍ່ຕັ້ງປີ 2004 ເປັນຕົ້ນມາ ບໍລິສັດໄດ້ເຕີບໃຫຍ່ຂຶ້ນຈົນເປັນຜູ້ນຳໃນອຸດສາຫະກຳໂຄສະນາໃນປະເທດລາວ ແລະ ເປັນທີ່ຍອມຮັບຂອງບັນດາລູກຄ້າທັງພາຍໃນ ແລະ ຕ່າງປະເທດ.
ທ່ານ ສັນທະລັກ ຈ່າສານ ປະທານບໍລິສັດ ບິກບລູ ອາເຈນຊີລາວ ໄດ້ຍົກໃຫ້ເຫັນວິໄສທັດສຳລັບອະ ນາຄົດຂອງບໍລິສັດ ວ່າ: ໃນຂະນະທີ່ສະພາບແວດລ້ອມທາງທຸລະກິດໃນລາວ ມີການເຕີບໃຫຍ່ຢ່າງຕໍ່ເນື່ອງ ບໍ ລິສັດຂອງເຮົາມຸ່ງໝັ້ນຕັ້ງໃຈທີ່ຈະຂະຫຍາຍການບໍລິການໄປຍັງແຂວງຕ່າງໆຂອງລາວ ພ້ອມທັງປັບປຸງຜະລິດ ຕະພັນໃຫ້ທັນສະໄໝຫຼາຍຂຶ້ນ ເພື່ອຕອບສະໜອງຄວາມຕ້ອງການຂອງລູກຄ້າໃຫ້ໄດ້ດີຍິ່ງຂຶ້ນ ຕະຫຼອດໄລຍະເວລາ 20 ປີຜ່ານມາ ບິກບລູ ອາເຈນຊີລາວ ໄດ້ສ້າງຊື່ສຽງໃນດ້ານການນຳສະເໜີແຄັມເປນທີ່ມີຄຸນນະພາບ ແລະ ສ້າງສັນ ພ້ອມທັງຮ່ວມງານກັບລູກຄ້າຊັ້ນນຳທັງພາຍໃນປະເທດ ແລະ ຕ່າງປະເທດ ເຊິ່ງເປັນການເນັ້ນ ຍໍ້າຄວາມມຸ່ງໝັ້ນໃນການສ້າງມາດຕະຖານໃໝ່ ໃຫ້ອຸດສາຫະກຳນີ້.
ບິກບລູ ອາເຈນຊີລາວ ໃຫ້ບໍລິການຫຼາຍດ້ານ ເຊັ່ນ: ປ້າຍໂຄສະນາທີ່ເນັ້ນຕະຫຼາດເປົ້າໝາຍ ການວາງແຜນສື່ສຳລັບຮູບແບບອອນລາຍ ແລະ ອອບລາຍ ການອອກແບບ ແລະ ສ້າງສັນປ້າຍໂຄສະນາທີ່ມີຄວາມໂດດເດັ່ນ ການວາງແຜນປະຊາສຳພັນ ແລະ ການບໍລິຫານພາບລັກຂອງອົງກອນ ການສ້າງແບຣນ ແລະ ການຕະຫຼາດ ຜ່ານອິນຟູເອນເຊີ ບໍລິສັດ ບິກບລູ ອາເຈນຊີລາວ ຍັງຄົງຕັ້ງໃຈພັດທະນານະວັດຕະກຳ ແລະ ສ້າງສັນບໍລິການທີ່ຕອບສະໜອງຄວາມຕ້ອງການຂອງລູກຄ້າຢ່າງຕໍ່ເນື່ອງໃນອະນາຄົດ ສຳລັບຂໍ້ມູນເພີ່ມເຕີມສາມາດສອບຖາມໄດ້ທີ່ເພຈ BigblueAgency Lao ຫຼື ໂທ 020 7899 5959.
ພິທີສະເຫຼີມສະຫຼອງວັນສ້າງຕັ້ງບໍລິສັດ ບິກບລູ ອາເຈນຊີລາວ ຄົບຮອບ 20 ປີ ຈັດຂຶ້ນວັນທີ 20 ທັນ ວາ 2024 ຢູ່ນະຄອນຫຼວງວຽງຈັນ ໂດຍມີທ່ານ ໂພສີ ແກ້ວມະນີວົງ ຮອງລັດຖະມົນຕີກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ທ່ານ ສິລິລາດທົງສິນ ທອງເພັງ ຮອງເຈົ້າຄອງນະຄອນຫຼວງວຽງຈັັນ ທ່ານ ສະຫວັນຄອນ ຣາຊມົນຕຣີ ປະທານສະມາຄົມນັກຂ່າວແຫ່ງ ສປປ ລາວ ທ່ານນາງ ມໍຣະກົດ ສີສະຫວັດ ເອກອັກຄະຣາຊະທູດຣາຊະອານາຈັກໄທ ປະຈໍາ ສປປ ລາວ ພ້ອມດ້ວຍຄະນະບໍລິຫານບໍລິສັດ ບິກບລູ ອາເຈນຊີລາວ ແລະ ແຂກຖືກເຊີນ ເຂົ້າຮ່ວມ.
