ວິທະຍຸກະຈາຍສຽງຫວຽດນາມ ລາຍງານ ໃນວັນທີ 21 ທັນວາ ຜ່ານມາ, ກົມໃຫຍ່ພາສີ ຫວຽດນາມ ໄດ້ປະກາດໂຕເລກຫຼ້າສຸດໃຫ້ຮູ້ວ່າ: ຍອດວົງເງິນສົ່ງອອກ – ນຳເຂົ້າຂອງ ຫວຽດນາມ ບັນລຸ 745 ຕື້ໂດລາ ໃນໄລຍະ ແຕ່ວັນທີ 1 ມັງກອນ – 14 ທັນວາ, ຮັບຮູ້ລະດັບການເຕີບໂຕກວ່າ 15% ເມື່ອທຽບໃສ່ໄລຍະດຽວກັນຂອງປີກາຍ. ໝາກຜົນນີ້ ໄດ້ສະແດງໃຫ້ເຫັນການຟື້ນຕົວ ແລະ ການເຕີບໂຕຢ່າງແຮງຂອງພື້ນຖານເສດຖະກິດຫວຽດນາມ ໃນສະພາບການເສດຖະກິດທົ່ວໂລກຍັງມີການເໜັງຕີງຫຼາຍຢ່າງ.
ຂ່າວລະບຸວ່າ: ວົງເງິນສົ່ງອອກບັນລຸ 384 ຕື້ໂດລາ, ເພີ່ມຂຶ້ນເກືອບ 14.5%, ໃນຂະນະນັ້ນ ການນຳເຂົ້າບັນລຸເກືອບ 361 ຕື້ໂດລາ, ເພີ່ມຂຶ້ນ 16.3%. ມູນຄ່າສິນຄ້າຜ່ານແດນກໍເຕີບໂຕຢ່າງແຮງຢູ່ທັງສອງສົ້ນ ແລະ ດຸ່ນການຄ້າສິນຄ້າຂອງ ຫວຽດນາມ ມີສ່ວນເກີນ 23.4 ຕື້ໂດລາ.
ບົນພື້ນຖານດັ່ງກ່າວ, ກົມໃຫຍ່ພາສີ ຄາດຄະເນວ່າ: ວົງເງິນສົ່ງອອກນຳເຂົ້າທັງປີ 2024 ຈະບັນລຸໄດ້ປະມານ 782 ຕື້ໂດລາ ດ້ວຍລະດັບການສົ່ງອອກເກີນດຸ່ນຄາດວ່າບັນລຸ 23.5 ຕື້ໂດລາ.
