ທ່ານ ບຸນທອງ ຈິດມະນີ ກຳມະການກົມການເມືອງສູນກາງພັກ ຜູ້ປະຈຳການຄະນະເລຂາທິການ ສູນກາງພັກ ຮອງປະທານປະເທດ ແຫ່ງ ສປປ ລາວ ໄດ້ຕ້ອນຮັບ ທ່ານ ນາງ ຟາງຫົງ ເອກອັກຄະ ລັດຖະທູດວິສາມັນຜູ້ມີອຳນາດເຕັມແຫ່ງ ສປ ຈີນ ຄົນໃໝ່ ປະຈຳ ສປປ ລາວ ເຂົ້າຢ້ຽມຂໍ່ານັບ, ໃນວັນທີ 21 ພະຈິກນີ້ ທີ່ຫ້ອງວ່າການສູນກາງພັກ, ເນື່ອງໃນໂອກາດທີ່ທ່ານທູດມາດຳລົງຕຳແໜ່ງເປັນເອກອັກຄະ ລັດຖະທູດວິສາມັນຜູ້ມີອຳນາດເຕັມແຫ່ງ ສປ ຈີນ ຄົນໃໝ່ ປະຈຳ ລາວ
ໃນໂອກາດດັ່ງກ່າວ ທ່ານ ບຸນທອງ ຈິດມະນີ ໄດ້ສະແດງຄວາມ ຍິນດີຕ້ອນຮັບ ແລະ ຊົມເຊີຍ ຕໍ່ ທ່ານ ນາງ ຟາງຫົງ ທີ່ຖືກແຕ່ງ ຕັ້ງມາດຳລົງຕຳແໜ່ງເປັນເອກອັກຄະລັດຖະທູດວິສາ ມັນຜູ້ມມີອຳນາດ ເຕັມແຫ່ງ ສປ ຈີນ ຄົນໃໝ່ ປະຈຳລາວ ຄັ້ງນີ້ ຊຶ່ງເປັນ ການປະກອບສ່ວນເສີມສ້າງ ສາຍພົວພັນຮ່ວມມື ແລະ ຊ່ວຍ ເຫຼືອ ຊຶ່ງກັນ ແລະ ກັນ ລະຫວ່າງ ສປປ ລາວ – ສປ ຈີນ ທີ່ມີມູນເຊື້ອມາແຕ່ດົນນານ ແລ້ວນັ້ນ ໃຫ້ນັບມື້ແຕກດອກອອກຜົນຍິ່ງໆຂຶ້ນ, ທ່ານ ບຸນທອງ ຈິດມະນີ ຍັງໄດ້ອວຍພອນໃຫ້ ທ່ານທູດ ຈົ່ງປະສົບ ຜົນສຳເລັດໃນການມາປະຕິບັດໜ້າທີ່ການທູດຢູ່ລາວໃນຄັ້ງນີ້.
ທ່ານ ນາງ ຟາງຫົງ ໄດ້ກ່າວະແດງຄວາມຂອບໃຈ ຕໍ່ ທ່ານ ບຸນທອງ ຈິດມະນີ ທີ່ໄດ້ໃຫ້ການ ຕ້ອນຮັບຢ່າງອົບອຸ່ນ ແລະ ກ່າວຢືນຢັນວ່າຈະຕັ້ງໜ້າປະຕິບັດໜ້າທີ່ທີ່ໄດ້ຮັບການມອບໝາຍ ໃນຄັ້ງນີ້ໃຫ້ ເກີດດອກອອກຜົນຢ່າງແທ້ຈິງໂດຍສະເພາະການເປັນຂົວຕໍ່ເຂົ້າໃນການເສີມຂະຫຍາຍການພົວພັນຮ່ວມມືທີ່ດີ ລະ ຫວ່າງ ສປ ຈີນ-ສປປ ລາວ ໃຫ້ນັບມື້ເຂົ້າສູ່ລວງເລິກ ແລະ ມີໝາກຜົນຫຼາຍຂຶ້ນ.
ຂ່າວ-ພາບ: ສຳນານ
