ວິທະຍຸກະຈ່າຍສຽງຫວຽດນາມ ວັນທີ 17 ພະຈິກນີ້ ກ່ອນກອງປະຊຸມສຸດຍອດ ບັນດາພື້ນຖານເສດຖະກິດພັດທະນາ ແລະ ຫາກໍ່ພົ້ນເດັ່ນຂຶ້ນ (G20) ທີ່ໄດ້ດຳເນີນຢູ່ບຣາຊິນ ໃນອາທິດໜ້າ, ທ່ານ ແອນໂຕນີໂອ ກູເຕີເຣສ (Antonio Guterres), ເລຂາທິການໃຫຍ່ ສປຊ ແລະ ທ່ານ ລູລາ ດາ ຊີລວາ (Lula da Silva) ປະທານາທິບໍດີບຣາຊິນ ໄດ້ຢັ້ງຢືນຄຳໝັ້ນສັນຍາໃນການຕໍ່ສູ້ຕ້ານການປ່ຽນແປງ ຂອງດິນຟ້າອາກາດ ໂດຍໄດ້ເຫັນດີເປັນເອກະພາບຕໍ່ລັກສະນະຈຳເປັນ ຂອງການນຳໃຊ້ບັນດາ ມາດຕະການຂ້ຽວຂາດເພື່ອແກ້ໄຂບັນຫາປ່ຽນແປງດິນຟ້າອາກາດຢ່າງຮີບດ່ວນ ຄື: ຄຳໝັ້ນສັນຍາກ່ຽວກັບການຫລຸດການປ່ອຍອາພິດລົງ ແລະ ປະຕິບັດເປົ້າໝາຍຈຳກັດໜ່ວຍໂລກອຸ່ນຂຶ້ນຢູ່ລະດັບ 1,5 ອົງສາເຊ. ນອກນີ້ ຍັງໄດ້ປຶກສາຫາລື ກ່ຽວກັບລະດັບຄວາມສຳຄັນຂອງການເພີ່ມທະວີລັດທິຫລາຍຝ່າຍ, ປັບປຸງໂຄງປະກອບການເງິນສາກົນ ແລະ ລະບອບ ລະບຽບການຄຸ້ມຄອງທົ່ວໂລກ ກໍ່ຄືແກ້ໄຂບັນດາສິ່ງທ້າທາຍຮີບດ່ວນທີ່ສຸດຄືການພັດທະນາແບບຍືນຍົງ ແລະ ຫັນປ່ຽນ ພະລັງງານຂອງໂລກ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
