ວິທະຍຸສາກົນ ແຫ່ງ ສປ ຈີນ, ເມື່ອບໍ່ດົນມານີ້ ກຸ່ມບໍລິສັດທາງລົດໄຟແຫ່ງຊາດຈີນຈຳກັດ ແຈ້ງໃຫ້ຮູ້ວ່າ: ຂະບວນລົດໄຟດ່ວນ ຈີນ-ເອີຣົບ ໄດ້ແລ່ນລົດລວມທັງໝົດຫລາຍກວ່າ 100.000 ຂະບວນ, ໄດ້ຂົນສົ່ງສິນຄ້າຫລາຍກວ່າ 11 ລ້ານຕູ້ມາດຕະຖານ ທີ່ມີມູນຄ່າຫລາຍກວ່າ 420 ຕື້ໂດລາສະຫະລັດ ໄດ້ຮັກສາການແລ່ນລົດຢ່າງປອດໄພ, ໝັ້ນທ່ຽງ ແລະ ສະດວກ ຊຶ່ງເປັນຂີດໝາຍສະແດງໃຫ້ເຫັນວ່າ: ການພັດທະນາຂະບວນລົດໄຟດ່ວນຈີນ-ເອີຣົບ ຢ່າງມີຄຸນນະພາບສູງໄດ້ຮັບປະສິດທິຜົນໃໝ່. ນັບແຕ່ປີ 2016 ທີ່ໄດ້ກຳນົດຍີ່ຫໍ້ໃຫ້ເປັນເອກະພາບກັນຕະຫລອດຮອດປີ 2023 ຈຳນວນການແລ່ນລົດຕໍ່ປີ ຂອງຂະບວນ ລົດໄຟດ່ວນ ຈີນ-ເອີຣົບ ໄດ້ເພີ່ມຂຶ້ນຈາກ 1.702 ຂະບວນເປັນ 17.000 ຂະບວນ ຊຶ່ງໄດ້ເພີ່ມຂຶ້ນເກືອບ 10 ເທົ່າ. ເວລາການແລ່ນລົດ ຈຳນວນ 10.000 ຂະບວນຈາກ 90 ເດືອນ ໃນເບື້ອງຕົ້ນຫລຸດລົງເປັນ 6 ເດືອນ ໃນປັດຈຸບັນ. ນັບແຕ່ເດືອນມີນາ ປີນີ້ເປັນຕົ້ນມາ ໄດ້ແລ່ນລົດຫລາຍກວ່າ 1.600 ຂະບວນຕໍ່ເດືອນເປັນເວລາ 8 ເດືອນຕິດຕໍ່ກັນ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
