ທ່ານ ໂດນັນ ທຣຳ ຈະກາຍເປັນປະທານາທິບໍດີ ສ.ອາເມລິກາ ຄົນທີ 47

ວິທະຍຸ ກະຈາຍສຽງ ຫວຽດນາມ, ຜູ້ສະໝັກຮັບ ເລືອກຕັ້ງ ພັກສາທາລະນະ, ອະດີດ ປະທານາທິບໍດີ ອາເມລິກາ ທ່ານ ໂດນັນ ທຣຳ(Donald Trump) ໄດ້ຮັບໄຊຊະນະ ໃນການເລືອກຕັ້ງ ສ.ອາເມລິກາ 2024 ຢ່າງບໍ່ເປັນທາງການ ແລະ ຈະກາຍເປັນ ປະທານາທິບໍດີ ຄົນທີ 47 ຂອງ ສ.ອາເມລິກາ. ໝາກຜົນນີ້ ອາດຈະສ້າງການປ່ຽນແປງ ອັນໃໝ່ ຢ່າງໃຫຍ່ຫລວງຢູ່ ສ.ອາເມລິກາ ແລະ ໃນທົ່ວໂລກ. ສຳລັບ ໄຊຊະນະ ຂອງທ່ານ Donald Trump ໂດຍບັນດາ ສຳນັກຂ່າວໃຫຍ່ ເກືອບທັງໝົດ ຂອງ ສ.ອາເມລິກາ ແລະ ໂລກ ປະກາດ ໃນເວລາ2 ໂມງ 30ນາທີ ໃນວັນທີ 6 ພະຈິກນີ້, ຕາມເວລາທ້ອງຖິ່ນ ຢູ່ພາກຕາເວັນອອກ ຂອງ ສ.ອາເມລິກາ, ພາຍຫລັງ ທີ່ທ່ານ Donald Trump ຍາດໄດ້ ໄຊຊະນະຢູ່ລັດ Pennsylvania, ຜ່ານນັ້ນຍາດໄດ້ບັດ ຂອງຜູ້ຕາງໜ້າ ຜູ້ມີສິດເລືອກຕັ້ງ ຫລາຍກ່ວາ 270 ບັດ, ເອົາໄຊຊະນະ ຕໍ່ຄູ່ແຂ່ງ ພັກປະຊາທິປະໄຕ ແມ່ນ ທ່ານ ນາງ ຄາມາລາ ຮາຣິສ(Kamala Harris) ເພື່ອກັບຄືນສູ່ ທຳນຽບຂາວພາຍຫລັງ 4 ປີ.