ສຳນັກຂ່າວ ຊິນຮວາ ຂອງ ສປ ຈີນ, ໃນອາທິດ ຜ່ານມາ ເກີດເຫດ ນ້ຳຖ້ວມ ກະທັນຫັນ ເນື່ອງຈາກ ຝົນຕົກ ຢ່າງໜັກ ຕໍ່ເນື່ອງ ຫລາຍພື້ນທີ່ ຂອງປະເທດເຊັ່ນ: ລັດສະລັງງໍ, ລັດເປຣັກ, ລັດເຄດາ ແລະ ລັດຊາຣາວັກ ທາງພາກເໜືອ ຂອງເກາະ ບໍນຽວ ສົ່ງຜົນໃຫ້ ປະຊາຊົນ ຫລາຍກວ່າ 8.000ຄົນ ຕ້ອງກາຍເປັນ ຜູ້ພັດຖິ່ນ ແລະ ຍົກຍ້າຍ ໄປຍັງ ສູນພັກຊົ່ວ ຈຳນວນ 41 ແຫ່ງ.ຈາກນັ້ນ ທ່ານ ອັນວາ ອິບຣາຮິມ ຂອງມາເລເຊຍ ປະກາດ ມອບເງິນ ຊ່ວຍເຫລືອ ມູນຄ່າ 13 ລ້ານຣິງກິດ ໃຫ້ແກ່ ປະຊາຊົນ ທີ່ຜະເຊີນກັບ ໄພນ້ຳຖ້ວມ ຄັ້ງນີ້.ນອກນີ້, ກົມອຸຕຸນິຍົມ ວິທະຍາ ມາເລເຊຍ ກ່າວເຕືອນວ່າ: ລະດູມໍລະສຸມ ຕາເວັນຕົກ ສຽງໃຕ້ເຮັດໃຫ້ເກີດ ຝົນຕົກໜັກຢ່າງ ຕໍ່ເນື່ອງ ຢູ່ຫລາຍພື້ນທີ່ ຂອງປະເທດພ້ອມທີ່ ຄາດຄະເນວ່າມາເລເຊຍ ອາດຜະເຊີນກັບ ສະພາບ ອາກາດ ທີ່ຮ້າຍແຮງ ຕໍ່ເນື່ອງ ໃນຕະຫລອດ ເດືອນກັນຍານີ້.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
