• ສາຍການບິນຊັ້ນນໍາຂອງອາຊີ ດ້ານການໃຫ້ປະສົບການແກ່ລູກຄ້າ 2024
• ສາຍການບິນຊັ້ນນໍາດ້ານໂປຣແກມສະສົມຄະແນນຂອງອາຊີ 2024
(ນະຄອນຫຼວງວຽງຈັນ, ວັນທີ 05 ກັນຍາ 2024) – VietJet ເປັນຜູ້ຊະນະ 2 ລາງວັນ ໃນງານມອບລາງວັນການທ່ອງທ່ຽວຂອງໂລກປີ 2024 ເຊິ່ງໄດ້ຮັບ 2 ລາງວັນຄື: “ສາຍການບິນຊັ້ນນໍາຂອງອາຊີ ດ້ານການໃຫ້ປະສົບການແກ່ລູກຄ້າ” ແລະ “ສາຍການບິນຊັ້ນນໍາດ້ານໂປຣແກມສະສົມຄະແນນຂອງອາຊີ” ພິທີສະເຫຼີມສະຫຼອງປະຈຳປີນີ້ ໄດ້ຈັດຂຶ້ນຢູ່ນະຄອນຫຼວງມະນີລາ ປະເທດຟີລິບປິນ, ໂດຍມີການເຂົ້າຮ່ວມຂອງຜູ້ນໍາຕ່າງປະເທດ ແລະ ຜູ້ຊ່ຽວຊານດ້ານຂະແໜງການ ການບິນ, ການເດີນທາງ ແລະ ການທ່ອງທ່ຽວ.
ນີ້ແມ່ນຂ່າວດີ !! ສຳລັບນັກທ່ອງທ່ຽວໃນປະເທດລາວ ເພາະສາຍການບິນດັ່ງກ່າວໄດ້ໃຫ້ການບໍລິການ ສາຍການບິນໂດຍກົງລະຫວ່າງນະຄອນຫຼວງວຽງຈັນ ຫາ ນະຄອນໂຮ່ຈີມິນ. ເຊິ່ງເປັນການບໍລິການໃຫ້ແກ່ນັກທ່ອງທ່ຽວທີ່ໄປທ່ຽວຫວຽດນາມໄດ້ຢ່າງສະດວກສະບາຍ ໃນຖ້ຽວບິນທີ່ສັ້ນ ແລະ ຍັງເປັນຈຸດເຊື່ອມຕໍ່ຂອງບັນດາຈຸດໝາຍປາຍທາງ ແລະ ແຫຼ່ງທ່ອງທ່ຽວອື່ນໆຂອງອາຊີ – ປາຊີຟິກອີກດ້ວຍ.
ລາງວັນການທ່ອງທ່ຽວໂລກ (WTA) ໄດ້ຖືກການຍອມຮັບໃນທົ່ວໂລກ, ການມອບລາງວັນ ແລະ ການສະເຫຼີມສະຫຼອງຄວາມເປັນເລີດ ໃນທົ່ວທຸກຂະແໜງການຂອງອຸດສາຫະກໍາການທ່ອງທ່ຽວ ແລະ ການໂຮງແຮມມາຫຼາຍກວ່າສາມທົດສະວັດ. ລາງວັນປະຈໍາປີແມ່ນຖືກຕັດສິນໂດຍການລົງຄະແນນສຽງ ຈາກຜູ້ບໍລິຫານທີ່ມີຄຸນນະສົມບັດໃນສາຂາເຫຼົ່ານີ້ ລວມທັງຜູ້ບໍລິໂພກການທ່ອງທ່ຽວທົ່ວໂລກ ເພື່ອໃຫ້ເປັນທີ່ຮັບຮູ້ຂອງທຸລະກິດທີ່ມີຜະລິດຕະພັນທີ່ໂດດເດັ່ນທີ່ສຸດ.
VietJet ເປັນຜູ້ນຳໃນການສະໜອງປະສົບການທີ່ສ້າງສັນ ແລະ ລ້ຳຄ່າໃຫ້ແກ່ຜູ້ໂດຍສານ ພ້ອມກັບສະເໜີຖ້ຽວບິນທີ່ເປັນຕາຕື່ນໃຈເຊັ່ນ: ປະກັນໄພ Sky Care ທີ່ໃຫ້ການຄຸ້ມຄອງທີ່ກວ້າງຂວາງເພື່ອຄວາມປອດໄພໃນການເດີນທາງ. ເພີ່ມເຕີມກໍ່ຄືການສະສົມຄະແນນ ຂອງ VietJet Sky Joy ຊ່ວຍໃຫ້ສະມາຊິກທັງພາຍໃນ ແລະ ຕ່າງປະເທດໄດ້ຮັບ Sky Points ຜ່ານກິດຈະກໍາຕ່າງໆ ເມື່ອບິນກັບ VietJet ຄະແນນເຫຼົ່ານີ້ສາມາດແລກຊື້ປີ້ຍົນ ຫຼື ຜະລິດຕະພັນ ແລະ ການບໍລິການທີ່ຫຼາກຫຼາຍຈາກຫຼາຍແບຣນດັງກວ່າ 250 ແບຣນ.
ເມື່ອບໍ່ດົນມານີ້, ສາຍການບິນໄດ້ນໍາສະເໜີການບໍລິການໃໝ່ ເຊັ່ນ: ການແຈ້ງເຕືອນຂໍ້ມູນການບິນຜ່ານ Zalo ແລະ WhatsApp, ເປັນການອັບເດດຂໍ້ມູນໃຫ້ທັນເວລາ ແລະ ສະດວກສໍາລັບຜູ້ໂດຍສານ VietJet ຍັງນຳໃຊ້ເທັກໂນໂລຊີ AI ແລະ chatbot ເພື່ອເພີ່ມປະສົບການຂອງລູກຄ້າຕະຫຼອດການເດີນທາງ, ຕັ້ງແຕ່ການຈອງປີ້ ແລະ ການເຊັກອິນໄປຈົນເຖິງການມາຮອດ. ສາຍການບິນໄດ້ມີການສະເຫຼີມສະຫຼອງຜູ້ໂດຍສານຄົບ 200 ລ້ານຄົນໂດຍໂປຣໂມຊັນສົ່ງເສີມການຂາຍ ເພື່ອຂອບໃຈລູກຄ້າໃນເຄືອຂ່າຍການບິນທີ່ກວ້າງຂວາງຂອງຕົນ ການເຊື່ອມຕໍ່ຈຸດໝາຍປາຍທາງທີ່ໜ້າຕື່ນເຕັ້ນຫຼາກຫຼາຍໃນຫວຽດນາມ ແລະ ສາກົນ ລວມທັງອົດສະຕາລີ, ອິນເດຍ, ຈີນ, ຍີ່ປຸ່ນ, ເກົາຫຼີໃຕ້, ອິນໂດເນເຊຍ, ໄທ ແລະ ອື່ນໆອີກດ້ວຍ
VietJet ຍັງໄດ້ຮັບລາງວັນສາກົນທີ່ມີຊື່ສຽງຫຼາຍຢ່າງຈາກ Skytrax, World Business Outlook ແລະ Airline Ratings ໃນທ້າຍປີນີ້, ສາຍການບິນໄດ້ກໍານົດຈະເພີ່ມເຮືອບິນໃໝ່ 10 ລໍາ, ການລົງທຶນໃນເຮືອບິນທີ່ທັນສະໄໝ ແລະ ຂະຫຍາຍເຄືອຂ່າຍການບິນ ເພື່ອຍົກລະດັບປະສົບການການເດີນທາງ ໃຫ້ແກ່ຜູ້ໂດຍສານ ໃນຂະນະທີ່ປະຕິບັດຕາມຍຸດທະສາດການພັດທະນາແບບຍືນຍົງ ໃນອຸດສະຫະກໍາການບິນ ເພື່ອຫຼຸດຜ່ອນການປ່ອຍອາຍມົນລະພິດ.
ກ່ຽວກັບ VietJet
ສາຍການບິນ VietJet ບໍ່ພຽງແຕ່ໄດ້ປະຕິວັດອຸດສາຫະກຳການບິນຢູ່ຫວຽດນາມເທົ່ານັ້ນ ແຕ່ຍັງເປັນສາຍການບິນທີ່ບຸກເບີກໃນທົ່ວພາກພື້ນ ແລະ ທົ່ວໂລກ ໂດຍເນັ້ນໃສ່ຄວາມສາມາດໃນການບໍລິຫານຈັດການຕົ້ນທຶນ ການດໍາເນີນງານຢ່າງມີປະສິດທິພາບ ການນໍາໃຊ້ເທັກໂນໂລຊີໃໝ່ຫຼ້າສຸດ ມາປະຍຸກໃຊ້ໃນທຸກກິດຈະກໍາ ແລະ ເປັນຜູ້ນຳທີ່ທັນກະແສສັງຄົມ VietJet ສະເໜີໂອກາດການບິນ ດ້ວຍຄ່າໂດຍສານທີ່ປະຢັດ ແລະ ຄ່ອງຕົວ ພ້ອມທັງການບໍລິການທີ່ຫຼາກຫຼາຍເພື່ອຕອບສະໜອງຄວາມຕ້ອງການຂອງລູກຄ້າ.
VietJet ແມ່ນສະມາຊິກຂອງສະມາຄົມການຂົນສົ່ງທາງອາກາດສາກົນ ພ້ອມໃບຢັ້ງຢືນການກວດສອບຄວາມປອດໄພ ດ້ານການດໍາເນີນງານຂອງສະມາຄົມການຂົນສົ່ງທາງອາກາດສາກົນ ໃນຖານະເປັນບໍລິສັດການບິນເອກະຊົນໃຫຍ່ທີ່ສຸດຂອງຫວຽດນາມ ສາຍການບິນດັ່ງກ່າວໄດ້ຮັບການຈັດອັນດັບຄວາມປອດໄພສູງສຸດລະດັບ 7 ດາວຈາກເວັບໄຊຈັດອັນກັບຄວາມປອດໄພ ແລະ ຜະລິດຕະພັນອັນດຽວຂອງໂລກໃນເວັບໄຊ airlineratings.com ແລະ ຖືກຈັດໃຫ້ເປັນໜຶ່ງໃນ 50 ສາຍການບິນທີ່ດີທີ່ສຸດໃນໂລກ ໃນດ້ານການເງິນ ແລະ ການດຳເນີນງານ ໂດຍວາລະສານ Air finance Journal ຫຼາຍປີຕິດຕໍ່ກັນ ສາຍການບິນດັ່ງກ່າວ ຍັງໄດ້ຮັບຊື່ເປັນຜູ້ໃຫ້ບໍລິການທີ່ມີລາຄາຖືກທີ່ດີທີ່ສຸດ ໂດຍອົງການຈັດຕັ້ງທີ່ມີຊື່ສຽງເຊັ່ນ: Skytrax, CAPA, Airline Ratings ແລະ ອື່ນໆ.
