ສູນວັດທະນະທໍາຈີນ ປະຈໍາ ສປປ ລາວ ໄດ້ຈັດພິທີມອບໃບຍ້ອງຍໍໃຫ້ແກ່ຜູ້ຊະນະເລີດ ການປະກວດແຕ້ມຮູບ ເຍົາວະຊົນສາກົນ ພາຍໃຕ້ຫົວຂໍ້ “ສະບາຍດີເສັ້ນທາງສາຍໄໝ” (ປະເທດລາວ) ປະຈໍາປີ 2024 ຂຶ້ນໃນວັນທີ 2 ສິງຫາຜ່ານມາ ທີ່ສູນດັ່ງກ່າວ ໂດຍການເຂົ້າຮ່ວມຂອງທ່ານນາງ ຫຼີຢີ່ຜິງ ຫົວໜ້າສູນວັດທະນະທໍາຈີນ ປະຈໍາ ສປປ ລາວ, ທ່ານ ຈັນທະພອນ ຫຼວງປະເສີດ ຮອງອໍານວຍການໂຮງຮຽນຫຼວງປະເສີດ, ທ່ານ ຫຼົ້ວໂຢວຊິງ ຫົວໜ້າພະແນກການເງິນສູນວັດທະນະທໍາຈີນ ປະຈໍາ ສປປ ລາວ ແລະ ຜູ້ເຂົ້າປະກວດ ພ້ອມດ້ວຍຄູ-ອາຈານ ຜູ້ປົກຄອງເຂົ້າຮ່ວມ.
ກິດຈະກໍາການປະກວດ ແລະ ການວາງ ສະແດງຜົນງານ ການແຕ້ມຮູບເຍົາວະຊົນ ປະກວດແຕ້ມຮູບເຍົາວະຊົນ ພາຍໃຕ້ ຫົວຂໍ້ ສະບາຍດີເສັ້ນທາງສາຍໄໝ ປະຈຳປີ 2024 ໂຄງການດັ່ງກ່າວໄດ້ ເປີດໂອກາດໃຫ້ເຍົາວະຊົນອາຍຸລະຫວ່າງ 5-18 ປີສົ່ງຮູບແຕ້ມຂອງຕົນເຂົ້າມາປະກວດ ນັບແຕ່ວັນທີ 22-31 ກໍລະກົດ 2024 ມີຜູ້ເຂົ້າປະກວດ ທັງໝົດ 10 ຄົນ. ແຕ່ ລະຄົນແມ່ນໄດ້ແຕ້ມຮູບທີ່ສະແດງອອກເຖິງວັດ ທະນະທຳ, ປະຫວັດສາດ, ການໄປມາຫາສູ່, ຫຼື ການໃຊ້ຊີວິດໃນປັດ ຈຸບັນຂອງບັນດາປະເທດຕາມເສັ້ນທາງສາຍ ໄໝ, ເສັ້ນທາງສາຍໄໝແມ່ນເສັ້ນທາງທີ່ຜ່ານອະລິຍະທຳ 4 ຢ່າງທີ່ສຳຄັນ ຊຶ່ງມີປະຫວັດສາດທີ່ຍາວນານ ແລະ ຮຸ່ງເຮືອງ ເປັນເສັ້ນທາງຊີວິດທາງດ້ານການຄ້າທີ່ດຶງດູດອະລິຍະທຳຕ່າງໆເຂົ້າຫາກັນ ແລະ ໄດ້ຮັບການພັດທະນາ, ການສ້າງຕັ້ງ ແລະ ການປົກປັກຮັກສາຈາກປະເທດ ແລະ ປະຊາຊົນລຽບຕາມເສັ້ນທາງສາຍໄໝ ເປັນເສັ້ນທາງເມັດພັນທາງອະລິຍະທຳທີ່ຫຼາກຫຼາຍໄດ້ຮັບການຖ່າຍທອດ, ການຫວ່ານເມັດພັນ ແລະ ການປະສົມປະສານ ຊຶ່ງເປັນພະຍານ ແລະ ສັນຍາລັກໃຫ້ແກ່ການແລກປ່ຽນຮຽນຮູ້ອະລິຍະທຳຂອງໂລກຜ່ານການປະກວດ.
ລາງວັນທີ 1 ໄດ້ ແກ່ທ້າວ ເທບປັນຍາ ສີລິມຸກ ແລະ ນາງ ວິສາ ເພັດດາວົງ ໄດ້ຮັບໂມງອັດສະລິຍະ ມູນຄ່າ 1.000.000 ກີບ ພ້ອມໃບຢັ້ງຢືນຈາກສູນວັດ ທະນະທໍາຈີນປະຈໍາລາວ ໃຫ້ກຽດມອບໂດຍ ທ່ານນາງ ຫຼີຢີ່ຜິງ; ລາງ ວັນທີ 2 ມີ 3 ລາງວັນໄດ້ຮັບກະເປົາ ມູນຄ່າ 500.000 ກີບ ພ້ອມໃບຢັ້ງຢືນ ແລະ ລາງວັນທີ 3 ມີ 5 ລາງວັນໄດ້ຮັບຊຸດເຄື່ອງຂຽນ ມູນຄ່າ 300.000ກີບ ພ້ອມໃບຢັ້ງຢືນ ແລະ ອຸປະ ກອນການຮຽນ.
ຂ່າວ-ພາບ: ຍຸພິນທອງ+ບຸນອູ້ມ
