(ນະຄອນຫຼວງວຽງຈັນ, ວັນທີ 01 ສິງຫາ 2024) – ບໍລິສັດການບິນ Vietjet (HOSE: VJC) ໄດ້ອອກຖະແຫຼງການການເງິນໃນໄລຍະເຄິ່ງຕົ້ນປີ 2024 (H1/2024) ໂດຍລາຍງານເປັນບັນທຶກການເຕີບໂຕຂອງລາຍຮັບ.
ໃນໄລຍະ 6 ເດືອນທຳອິດຂອງປີ 2024, ຜົນປະກອບການຂອງ Vietjet ເພີ່ມຂຶ້ນແຊງໜ້າໄລຍະກ່ອນໂລກລະບາດໃນປີ 2019 ໂດຍສາຍການບິນໄດ້ຂົນສົ່ງຜູ້ໂດຍສານທັງໝົດ 13.1 ລ້ານຄົນ ດ້ວຍ 70.154 ຖ້ຽວບິນທີ່ປອດໄພໃນລະຫວ່າງເຄິ່ງຕົ້ນປີ 2024 (H1/2024).
ໃນຊ່ວງ 6 ເດືອນນີ້, ລາຍຮັບສະສົມຈາກການຂົນສົ່ງທາງອາກາດລວມຢູ່ທີ່ 32.893 ພັນຕື້ດົ້ງ (ປະມານ 28 ພັນຕື້ກວ່າກີບ), ເພີ່ມຂຶ້ນ 31% ເມື່ອທຽບໃສ່ໄລຍະດຽວກັນຂອງປີທີ່ແລ້ວ. ກໍາໄລກ່ອນຫັກອາກອນໃນຊ່ວງໄລຍະນີ້ຢູ່ທີ່ 1.174 ພັນຕື້ດົ້ງ (ປະມານ 1 ພັນຕື້ກີບ), ເພີ່ມຂຶ້ນເຖິງ 690% ເມື່ອທຽບໃສ່ປີຜ່ານມາ.
ລາຍຮັບລວມຂອງ Vietjet ໃນເຄິ່ງປີ 2024 (H1/2024) ຢູ່ທີ່ 34.016 ພັນຕື້ດົ້ງ (ປະມານ 30 ພັນຕື້ກີບ), ດ້ວຍກໍາໄລກ່ອນຫັກອາກອນແມ່ນ 1.311 ພັນຕື້ດົ້ງ (ປະມານ 1.16 ພັນຕື້ກີບ), ກວມເອົາ 15% ແລະ 433% ເມື່ອທຽບປີຕໍ່ປີ. ກໍາໄລຖືວ່າເກີນຄາດໝາຍໃນຊ່ວງເຄິ່ງປີທຳອິດ 2024 (H1/2024) ເຖິງ 21%.
ການຂະຫຍາຕົວສູ່ສາກົນດ້ວຍເສັ້ນທາງການບິນໃໝ່ ແລະ ຄວາມຮ່ວມມືເຊີງຍຸດທະສາດໃນລາວ
Vietjet ໄດ້ດໍາເນີນງານບໍລິການເສັ້ນທາງການບິນຫຼາຍກວ່າ 149 ເສັ້ນທາງພາຍໃນປະເທດຫວຽດນາມ ແລະ ຕ່າງປະເທດ, ໃນນັ້ນເສັ້ນທາງພາຍໃນປະເທດມີ 38 ເສັ້ນທາງ ແລະ ເສັ້ນທາງລະຫວ່າງປະເທດມີ 111 ເສັ້ນທາງ.
ໃນເດືອນ ກຸມພາ, Vietjet ໄດ້ເປີດສາຍການບິນໃໝ່ທີ່ເຊື່ອມຕໍ່ນະຄອນໂຮ່ຈິມິນ ກັບ ນະຄອນຫຼວງວຽງຈັນ ດ້ວຍຖ້ຽວບິນໄປກັບ 4 ຖ້ຽວຕໍ່ອາທິດໃນວັນຈັນ, ວັນພຸດ, ວັນສຸກ ແລະ ວັນອາທິດ ເວລາເດີນທາງແມ່ນພຽງແຕ່ 1 ຊົ່ວໂມງ 45 ນາທີ. ອີກທັງໄດ້ນຳເອົາເສັ້ນທາງການບິນຕ່າງໆສຳລັບນັກທ່ອງທ່ຽວຈາກລາວ ທີ່ຈະເດີນທາງຕໍ່ໄປຍັງຈຸດໝາຍປາຍທາງອື່ນໆ ບໍ່ວ່າຈະເປັນປະເທດອົດສະຕາລີ, ອິນເດຍ, ເກົາຫຼີໃຕ້, ຍີ່ປຸ່ນ, ຈີນ, ອິນໂດເນເຊຍ, ໄທ, ສິງກະໂປ, ມາເລເຊຍ, ກາຊັກສະຖານ ແລະ ອື່ນໆ.
ເມື່ອບໍ່ດົນມານີ້, ບໍລິສັດ Vietjet ແລະ ກະຊວງໂຍທາທິການ ແລະ ຂົນສົ່ງ ໄດ້ປະກາດຂໍ້ຕົກລົງຊຸກຍູ້ການເຊື່ອມຕໍ່ທາງອາກາດລະຫວ່າງ ຫວຽດນາມ ແລະ ລາວ. ໃນປັດຈຸບັນສາຍການບິນກຳລັງດຳເນີນການປະກອບສ້າງສູນບຳລຸງຮັກສາເຮືອບິນທີ່ທັນສະໄໝໃນລະດັບພາກພື້ນ ໂດຍຮ່ວມມືກັບສາຍການບິນລາວຢູ່ທີ່ສະໜາມບິນສາກົນວັດໄຕ.
ການຂະຫຍາຍຕົວຂອງເຮືອບິນທີ່ທັນສະໄໝ ແລະ ເປັນມິດຕໍ່ສິ່ງແວດລ້ອມ
Vietjet Aviation Academy (VJAA) ໄດ້ຍຶດໝັ້ນຍຸດທະສາດ ແລະ ສ້າງວິໄສທັດ ພັດທະນາບຸກຄາລະກອນດ້ານການບິນຕາມມາດຕະຖານສາກົນ ໄດ້ກາຍເປັນຄູ່ຝຶກຊ້ອມຂອງສະມາຄົມຂົນສົ່ງທາງອາກາດສາກົນ (IATA). ໃນເຄິ່ງປີທຳອິດ, VJAA ໄດ້ຝຶກອົບຮົມຫຼາຍກວ່າ 43,000 ຄົນໃນ 3,898 ຫຼັກສູດ, ລວມມີຫຼັກສູດນັກບິນ ແລະ ວິສະວະກອນເຮືອບິນ (CRS). ສະຖາບັນຍັງໄດ້ມອບໃຫ້ຫ້ອງນັກບິນຈໍາລອງທີ່ສາມ ເພື່ອເສີມຂະຫຍາຍສະຖານະພາບຂອງຕົນເປັນສູນຝຶກອົບຮົມນັກບິນສາກົນຊັ້ນນໍາໃນລະດັບພາກພື້ນ.
Vietjet ໄດ້ຕ້ອນຮັບນັກສຶກສາເຝິກງານຫຼາຍຄົນມາສຶກສາໃນສະພາບແວດລ້ອມໃນການເຮັດວຽກລະດັບປະເທດ, ເພື່ອມອບຄວາມຮູ້ ແລະ ປະສົບການຕົວຈິງໃຫ້ກັບເຂົາເຈົ້າ. ສາຍການບິນຍັງໄດ້ກຽມຄວາມພ້ອມກັບບັນດາ ມະຫາວິທະຍາໄລກ່ຽວກັບການປະຖົມນິເທດການເຮັດວຽກໃຫ້ກັບນັກສຶກສາ, ໂດຍແນະນໍາກາລະໂອກາດເຮັດວຽກຢູ່ Vietjet.
ເພື່ອສະໜັບສະໜູນການຂະຫຍາຍຕົວການບິນທົ່ວໂລກ, Vietjet ໄດ້ລົງນາມກັບບໍລິສັດ Airbus ສັ່ງຊື້ເຮືອບິນ A330neo ຈຳນວນ 20 ລຳ ມູນຄ່າ 7.4 ຕື້ໂດລາສະຫະລັດ ທີ່ງານວາງສະແດງການບິນສາກົນ Farnborough ໃນເດືອນ ກໍລະກົດ 2024 ທີ່ຜ່ານມາ.
Vietjet ໄດ້ຮັບກຽດຈາກວາລະສານການເງິນສາກົນ International Finance ໃຫ້ເປັນ “ສາຍການບິນລາຄາທີ່ປະຢັດທີ່ດີທີ່ສຸດໃນອາຊີຕາເວັນອອກສຽງໃຕ້” ແລະ “ສາຍການບິນດີທີ່ສຸດດ້ານການບໍລິຫານການເງິນ ການບິນຂອງຫວຽດນາມ”; “ສາຍການບິນລາຄາທີ່ປະຢັດສຸດພິເສດ” ແລະ “ສາຍການບິນດ້ານການບໍລິການເທິງຖ້ຽວບິນໃນລາຄາດີທີ່ສຸດ” ໂດຍຈັດອັນດັບໃນ Airline Ratings ແລະ ຕິດຢູ່ໃນລາຍຊື່ 50 ບໍລິສັດທີ່ດີທີ່ສຸດຂອງ Forbes ໃນຫວຽດນາມປະຈຳປີ 2024.
