ພະແນກໂຍທາທິການ ແລະ ຂົນສົ່ງນະຄອນຫລວງວຽງຈັນ ລົງເຄື່ອນໄຫວເລີກຮື້ຕັດປ້າຍທີ່ລະເມີດລະບຽບ ແລະ ການວາງປ້າຍ ທີ່ບໍ່ເປັນລະບຽບ ຢູ່ເສັ້ນທາງເຕ້ 2 ລວມທັງແກ້ໄຂການກໍ່ສ້າງກຳແພງທີ່ກິນເນື້ອທີ່ເສັ້ນທາງສາທາລະນະ ຢູ່ເມືອງສີໂຄດຕະ ບອງ ນະຄອນຫລວງວຽງຈັນ ໃນວັນທີ 19 ກໍລະກົດ 2024ນີ້.
![](https://medialaos.net/wp-content/uploads/2024/07/451953672_1018530446949438_4941720606549818484_n.jpg)
ທ່ານ ບຸນຍະວັດ ນີຣະໄຊຍ໌ ຫົວໜ້າພະແນກໂຍທາທິການ ແລະ ຂົນສົ່ງນະຄອນຫລວງວຽງຈັນ ໃຫ້ສຳພາດວ່າ: ເພື່ອຄວາມເປັນລະບຽບຮຽບຮ້ອຍພາຍຕົວເມືອງນະຄອນຫລວງວຽງຈັນ ພະແນກໂຍທາທິການ ແລະ ຂົນສົ່ງນະຄອນຫລວງວຽງຈັນ ໄດ້ສົມທົບກັບຂະແໜງການຕ່າງໆ ລົງເຄືອນໄຫວເລີກຮື້ຕັດປ້າຍທີ່ລະເມີດລະບຽບ ແລະ ການວາງປ້າຍ ທີ່ບໍ່ເປັນລະບຽບ ໂດຍເລີ່ມຈາກເສັ້ນທາງເຕ້ 2 ເມືອງສີໂຄດຕະບອງ ນະຄອນຫລວງວຽງຈັນ ແລະ ທຸກໆເສັ້ນທາງແມ່ນຈະໄດ້ຈັດສັນຄວາມບໍ່ເປັນລະບຽບຮຽບຮ້ອຍຄືນໃໜ່ເພື່ອຄວາມສວຍສົດງົດງາມໃນຕົວເມືອງ
![](https://medialaos.net/wp-content/uploads/2024/07/452069585_1018530453616104_7174346567378817565_n.jpg)
ທ່ານ ບຸນຍະວັດ ນີຣະໄຊຍ໌ ໃຫ້ຮູ້ຕື່ມວ່າ: ພາຍຫັລງເລີກຮື້ຕັດປ້າຍທີ່ລະເມີດລະບຽບ ແລະ ການວາງປ້າຍ ທີ່ບໍ່ເປັນລະບຽບ ຢູ່ເສັ້ນທາງເຕ້ 2 ເມືອງສີໂຄດຕະບອງສຳເລັດແລ້ວ ຫັລງຈາກນັ້ນຈະສືບຕໍ່ປະຕິບັດຢູ່ບັນດາເມືອງພາຍໃນນະຄອນຫລວງວຽງຈັນ ແລະ ທຸກໆເສັ້ນທາງທີ່ຕິດຕັ້ງປ້າຍບໍ່ຖືກຕ້ອງ ສະນັ້ນຈຶ່ງຮຽກຮ້ອງເຖິງຜູ້ປະກອບການກໍ່ຄືປະຊາຊົນຈົ່ງໃຫ້ການຮ່ວມມືກັບເຈົ້າໜ້າທີ່ກໍ່ຄືພະນັກງານໃນການເຮັດວຽກຄັ້ງນີ້
ຂ່າວ: ສົມພາວັນ
ພາບ: ຄໍາກອງ