ສຳນັກຂ່າວຊິນຮວາ ຂອງ ສປຈີນ ວັນທີ 16 ເດືອນກໍລະກົດ ກະຊວງການພັດທະນາສັງຄົມ ແລະ ຄອບຄົວ ຂອງສິງກະໂປ ລາຍງານວ່າ: ປັດຈຸບັນ, ຈຳນວນ ຜູ້ສູງອາຍຸ ຂອງຊາວສິງກະໂປ ອາໄສຢູ່ຄົນດຽວໃນຄົວເຮືອນເພີ່ມຂຶ້ນຫລາຍກວ່າ 2 ເທົ່າ ຈາກ 35.160 ຄົນ ໃນປີ 2013 ຂຶ້ນເປັນ 78.135 ຄົນໃນປີ 2023. ໂດຍສະເພາະຜູ້ທີ່ມີອາຍຸ 65 ປີຂຶ້ນໄປເພີ່ມຂຶ້ນຈາກ 413.117 ຄົນ ໃນປີ 2013 ເປັນ 708.656 ຄົນ ໃນປີ 2023, ກວມເອົາ ຫລາຍກວ່າ 80% ຂອງ ຜູ້ສູງອາຍຸທີ່ອາໄສຮ່ວມກັບ ຄອບຄົວ ແລະ ກວມເອົາ 19,1% ຂອງປະຊາກອນທັງໝົດໃນສິງກະໂປ (ຄິດໄລ່ເຖິງ ເດືອນມິຖຸນາ ຜ່ານມາ). ໃນຂະນະດຽວກັນອັດຕາການຈະເລີນພັນທັງໝົດ ຂອງສິງກະໂປ ຫລຸດລົງ ຈາກ 1,19 ໃນປີ 2013 ຢູ່ທີ 0,97 ໃນປີ 2023, ເປັນຕົວເລກຫລຸດລົງຕໍ່າສຸດເປັນຄັ້ງປະຫວັດສາດ ແລະ ອື່ນໆ.
