ປື້ມທີ່ມີຊື່ວ່າ “ເມື່ອທ່ານເປັນນາຍົກ” ເປັນປຶ້ມທີ່ມີເນື້ອຫາສາລະ, ໃຫ້ຄວາມຮູ້ຫລາຍດ້ານແກ່ຜູ້ອ່ານ ໂດຍຜູ້ຂຽນ ໄດ້ຍົກໃຫ້ເຫັນການເຄື່ອນໄຫວ, ແບບແຜນວິທີການເຮັດວຽກ, ແບບແຜນການບໍລິຫານລັດ, ບໍລິ ຫານປະເທດ ຂອງບັນດາການນຳຂັ້ນສູງ ຂອງສປປ ລາວ ເປັນຕົ້ນ ການຍຶດໝັ້ນແນວຄິດ ແລະ ຄຳສັ່ງສອນຂອງປະທານ ໄກສອນ ພົມວິຫານ ວິລະບູລຸດແຫ່ງຊາດລາວ ຜູ້ນຳທີ່ແສນເຄົາ ລົບຮັກຂອງປວງຊົນລາວທັງຊາດ, ລວມທັງການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແບບແຜນ, ແນວຄວາມຄິດ, ວິທີການເຮັດວຽກຂອງ ທ່ານ ທອງລຸນ ສີສຸລິດ ປະທານປະເທດຄົນປັດຈຸບັນ.
ປຶ້ມ “ເມື່ອທ່ານເປັນນາຍົກ” ຂຽນຂຶ້ນໂດຍ ເອກອັກຄະລັດຖະທູດ ສຸທຳ ສາກົນນິຍົມ ແລະ ເອກອັກຄະລັດຖະທູດ ມະໄລວຽງ ສາກົນນິຍົມ ເຊິ່ງເນື້ອໃນຫລັກ ແລະ ຈຸດປະສົງ ຂອງການຂຽນປຶ້ມຫົວນີ້, ຜູ້ຂຽນແມ່ນມີຄວາມປະທັບໃຈ ທີ່ໄດ້ເຫັນຜົນງານການບໍລິຫານ, ການນໍາພາ-ຊີ້ນຳ ຂອງ ທ່ານ ທອງລຸນ ສີສຸລິດ ເຊິ່ງເປັນການນຳສູງສຸດ ໄດ້ສະແດງຄວາມເປັນແບບຢ່າງທີ່ດີ. ມາໃນວັນທີ 14 ມິຖຸນາ 2024 ໄດ້ສໍາເລັດ ການພິມປື້ມ “ເມື່ອທ່ານເປັນນາຍົກ” ເປັນ ພາສາອັງກິດ “When He Was Prime Minister” ໂດຍການຮ່ວມມື ແລະ ຊ່ວຍເຫລືອ ຂອງ ທ່ານ ນາງ ເພຍ ເຣເບລໂລບຣິໂຕ (Pia Rebello Britto) ຜູ້ຕາງໜ້າ ອົງການອຸຍນີເຊບ ປະຈໍາ ສປປ ລາວ.
ປື້ມ “ເມື່ອທ່ານເປັນນາຍົກ” ສະບັບເປັນພາສາອັງກິດ ແມ່ນມີວາງຈໍາໜ່າຍຢູ່ ສະຖາບັນການຕ່າງປະເທດ ທາງຫລັງ ສູນ ICTC, ຮ້ານຂາຍປື້ມ DBOOK, ຮ້ານດອກເກດ, ຮ້ານຂາຍປື້ມແຫ່ງລັດ ແລະ ຮ້ານ Maxim ຢູ່ສະໜາມບິນສາກົນວັດໄຕ.
