ວັນທີ 6 ກໍລະກົດ 2024 ກອງບັນຊາການ ປກສ ເມືອງເມີງ, ກອງບັນຊາການ ທະຫານເມືອງເມີງ, ທະຫານກອງຮ້ອຍຊາຍແດນ 122 ແລະ ກອງບັນຊາການ ປກສ ແຂວງບໍ່ແກ້ວ ອອກລາດຄະເວນພົບເຫັນຢາເສບຕິດ ປະເພດຢາບ້າ ໄດ້ ຈຳນວນ 694 ມັດ ເທົ່າກັບ 1.388.000 ເມັດ ໜັກ 138,8 ກິໂລກຼາມ ຈິ່ງນຳຢາດັ່ງກ່າວມາຮັກສາໄວ ເພື່ອຊອກຫາທີ່ໄປທີ່ມາຂອງຢາດັ່ງກ່າວ.
![](https://medialaos.net/wp-content/uploads/2024/07/449841672_1010853867710538_8672858971407189137_n.jpg)
ເຈົ້າໜ້າທີ່ວິຊາສະເພາະ ປກສ ແຂວງບໍ່ແກ້ວ ລາຍງານຕໍ່ນັກຂ່າວໜັງສືພິມຄວາມສະຫງົບ ວ່າ: ຢາບ້າທີ່ພວກເຮົາຢຶດມາໄດ້ນັ້ນ ແມ່ນບໍ່ຮູ້ວ່າເປັນຂອງໃຜ ເຊິ່ງຢຶດໄດ້ໃນຂະນະທີ່ກຳລັງລັງວິຊາສະເພາະພວກເຮົາສົມທົບກັບທະຫານຊາຍແດນໄດ້ອອກກວດກາລາດຕະເວັນພົບເຫັນຢາດັ່ງກ່າວຖິ້ມໄວ, ພວກເຮົາຈຶ່ງນໍາເອົາຢາດັ່ງກ່າວມາກອງບັນຊາການ ເພື່ອທໍາການຂະຫຍາຍຜົນຊອກຫາເຈົ້າຂອງຢາ ແລະ ຜູ້ຮ່ວມຂະບວນການ.
ປັດຈຸບັນ, ເຈົ້າໜ້າທີ່ວິຊາສະເພາະ ປກສ ແຂວງບໍ່ແກ້ວ ກຳລັງເລັ່ງຕິດຕາມ ແລະ ໄລ່ຊອກໄລ່ຈັບເຈົ້າຂອງຢາເສບຕິດ ແລະ ຜູ້ມີສ່ວນກ່ຽວຂ້ອງມາດຳເນີນຄະດີຕາມລະບຽບກົດໝາຍ.
ຂ່າວ: ຈັນສະຫມອນ