Saturday, July 13, 2024
Homeຂ່າວຕ່າງປະເທດລັດເຊຍ - ອີຣານ ລົງນາມໃນຂໍ້ຕົກລົງການເງິນ

ລັດເຊຍ – ອີຣານ ລົງນາມໃນຂໍ້ຕົກລົງການເງິນ

ວິທະຍຸກະຈາຍສຽງຫວຽດນາມລາຍງານ ໃນທ້າຍອາທິດຜ່ານມາ, ທ່ານ ໂມຮຳໝັດ ເຣຊາ ຟາຊິນ ຜູ້ວ່າການທະນາຄານສູນກາງ ອີຣານ ໃຫ້ຮູ້ວ່າ: ອີຣານ ແລະ ຣັດເຊຍ ໄດ້ລົງນາມໃນຂໍ້ຕົກລົງເງິນຕາ ເພື່ອດຳເນີນການແລກປ່ຽນການຄ້າສອງຝ່າຍ ແລະ ຮັບປະກັນຄວາມສາມາດຊຳລະຂອງສະກຸນເງິນພາຍໃນສອງປະເທດ ໃນການດຳເນີນທຸລະກຳການຄ້າ.

ຜູ້ວ່າການທະນາຄານສູນກາງ ອີຣານ ໄດ້ມີການພົບປະສອງຝ່າຍກັບການນຳທະນາຄານສູນກາງ ລັດເຊຍ ຢູ່ເຊນປີເຕີສະເບີກ ແລະ ສອງຝ່າຍໄດ້ລົງນາມໃນຂໍ້ຕົກລົງ. ຂໍ້ຕົກລົງສະບັບດັ່ງກ່າວ ຮັບປະກັນຄວາມສາມາດຊຳລະດ້ວຍສະກຸນເງິນຣູເບິນ ແລະ ສະກຸນເງິນ ຣຽວ ໃນທຸລະກຳການຄ້າລະຫວ່າງສອງປະເທດ.

ຕາມຂໍ້ຕົກລົງ, ລະບົບທະນາຄານ Shetab ຂອງ ອີຣານ ຈະເຊື່ອມຕໍ່ກັບລະບົບທະນາຄານ MIR ຂອງ ຣັດເຊຍ ໃນທ້າຍເດືອນສິງຫາຈະມາເຖິງ. ພົນລະເມືອງ ອີຣານ ສາມາດຖອນເງິນ ຣູເບິນ ຈາກຕູ້ ATM ດ້ວຍບັດທະນາຄານຂອງ ອີຣານ ແລະ ພົນລະເມືອງ ຣັດເຊຍ ສາມາດນຳໃຊ້ບັດທະນາຄານຂອງຕົນເພື່ອຖອນເງິນຢູ່ຕູ້ ATM ຢູ່ ອີຣານ ແລະ ນຳໃຊ້ບັດສິນເຊື່ອຂອງ ອີຣານ ຢູ່ສະຖານທີ່ຖອນເງິນຕ່າງໆຂອງ ຣັດເຊຍ.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments