Saturday, July 13, 2024
Homeຂ່າວຕ່າງປະເທດ“ການປະຕິວັດໂດຍຕົນເອງ”

“ການປະຕິວັດໂດຍຕົນເອງ”

ວິທະຍຸໂທລະພາບສູນກາງຈີນ CMG ໄດ້ລາຍງານວ່າ: ວັນທີ 1 ກໍລະກົດ 2024 ເປັນວັນຄົບຮອບ 103 ປີແຫ່ງການສ້າງຕັ້ງພັກກອມມູນິດ ຈີນ. ນັບຕັ້ງແຕ່ ສ.ປຈີນສະຖາປະນາຂຶ້ນໃນປີ 1949 ເປັນຕົ້ນມາ, ພັກກອມມູນິດຈີນ ໄດ້ກໍາອໍານາດຢ່າງຕໍ່ເນື່ອງມາເປັນເວລາ 75 ປີແລ້ວ, ໄດ້ກາຍເປັນພັກການເມືອງທີ່ກໍາອໍານາດຢ່າງຕໍ່ເນື່ອງຍາວນານທີ່ສຸດຂອງປະຫວັດສາດໂລກໃນຍຸກປັດຈຸບັນ. ສະນັ້ນ, ພັກກອມມູນິດຈີນ ໄດ້ຮັກສາ ຄວາມມີຊີວິດຊີວາໂດຍຕົນເອງຢ່າງສະເໝີຕົ້ນສະເໝີປາຍຄືແນວໃດ? ແມ່ນໄດ້ອາໄສການປະຕິວັດໂດຍຕົນເອງຂອງພັກ. ນີ້ຄືຄໍາຕອບຂອງທ່ານ ສີຈິ້ນຜິງ ຜູ້ນໍາສູງສຸດຂອງພັກກອມມູນິດຈີນ.

ໃນຜົນງານບົດປະພັນຂອງທ່ານ ກາກມາກ ແລະ ທ່ານ ອັງແກນ, ມີຄໍາບັນຍາຍຕອນໜຶ່ງວ່າ: ສໍາລັບອົງການຈັດຕັ້ງການເມືອງທີ່ໂຄ່ນລົ້ມ ຊົນຊັ້ນປົກຄອງແລ້ວ, ກ່ອນອື່ນໝົດແມ່ນຕ້ອງປະຖິ້ມສິ່ງບໍ່ດີຂອງຕົນເອງ, ຈາກນັ້ນຈຶ່ງຈະສາມາດເຮັດລ້ອນໜ້າທີ່ການສ້າງສາສັງຄົມຄືນໃໝ່ໄດ້. ສິ່ງນີ້ແມ່ນສ່ອງແສງໃຫ້ເຫັນວ່າ: ພັກກໍາອໍານາດຖ້າຢາກຊຸກຍູ້ການ ປະຕິວັດທາງສັງຄົມ, ກ່ອນອື່ນໝົດແມ່ນຕ້ອງປະຖິ້ມສິ່ງບໍ່ດີ ແລະ ສິ່ງທີ່ຫລ້າຫລັງຂອງຕົນເອງ, ຕ້ອງດໍາເນີນການປະຕິວັດໂດຍຕົນເອງ. ນີ້ຄືຕົ້ນກໍາເນີດຂອງທິດສະດີ “ການປະຕິວັດໂດຍຕົນເອງ” ຂອງພັກ ກອມມູນິດຈີນໃນຊູ່ມື້ນີ້.

ໃນຖານະເປັນພັກກໍາອໍານາດ, ເວລາໃດທີ່ພັກກອມມູນິດຈີນ ຊຸກຍູ້ ການປະຕິວັດທາງສັງຄົມ, ກໍຕ້ອງໄດ້ດໍາເນີນການປະຕິວັດໂດຍຕົນເອງ. ສະນັ້ນ, ທ່ານ ສີຈິ້ນຜິງ ເລຂາທິການໃຫຍ່ ຄະນະກໍາມະການສູນກາງພັກ ກອມມູນິດຈີນ ຈຶ່ງໄດ້ນໍາເອົາຫລັກມູນພື້ນຖານຂອງລັດທິມາກ ມາປະສານ ສົມທົບເຂົ້າກັບສະພາບການຕົວຈິງຂອງຈີນ ໂດຍໄດ້ສະເໜີອອກການ ປະຕິວັດໂດຍຕົນເອງຂອງພັກ ທີ່ເປັນທິດສະດີພື້ນຖານດ້ານການກໍ່ສ້າງ ພັກໃນຍຸກໃໝ່ຂອງພັກກອມມູນິດຈີນ. ອີງຕາມທັດສະນະຂອງທ່ານ ສີຈິ້ນຜິງ ແລ້ວ, ພັກກອມມູນິດຈີນ ໃນຖານະເປັນພັກກໍາອໍານາດຕາມ ລັດທິມາກໃຫຍ່ທີ່ສຸດຢູ່ໃນໂລກ, ໃນເວລາກໍາອໍານາດ, ແມ່ນໄດ້ຜະເຊີນ ກັບຄວາມສ່ຽງຕ່າງໆມາເປັນເວລາດົນນານເຊັ່ນ: ການຫ່າງເຫີນຈາກ ປະຊາຊົນ, ປາກົດການຫຍໍ້ທໍ້ ແລະການສໍ້ລາດບັງຫລວງເປັນຕົ້ນ, ສິ່ງນີ້ໄດ້ຊີ້ຂາດວ່າ ພັກຕ້ອງຍຶດໝັ້ນການປະຕິວັດໂດຍຕົນເອງຕະຫລອດ ການ.

ທ່ານ ສີຈິ້ນຜິງ ບໍ່ພຽງແຕ່ໄດ້ສະເໜີ ການປະຕິວັດໂດຍຕົນເອງ ທີ່ເປັນ ທິດສະດີພື້ນຖານດ້ານການກໍ່ສ້າງພັກກໍາອໍານາດໃນຍຸກໃໝ່ອອກມາ ເທົ່ານັ້ນ, ຍັງໄດ້ເປັນຕົວແບບນໍາພາສະມາຊິກພັກກອມມູນິດຈີນ ຈໍານວນ 98 ລ້ານຄົນ ດໍາເນີນພຶດຕິກໍາຕົວຈິງທີ່ຍິ່ງໃຫຍ່ໃນການປະຕິວັດຕົນເອງ. ນັບແຕ່ທ່ານ ສີຈິ້ນຜິງ ດໍາລົງຕໍາແໜ່ງເປັນເລຂາທິການໃຫຍ່ ຄະນະກໍາມະການສູນກາງພັກກອມມູນິດຈີນ ເປັນຕົ້ນມາ, ເພິ່ນໄດ້ປັບປຸງ ລະບຽບການດ້ານການປະຕິວັດໂດຍຕົນເອງຂອງພັກໃຫ້ສົມບູນຂຶ້ນຢ່າງບໍ່ຢຸດຢັ້ງ, ໂດຍໄດ້ຊຸກຍູ້ການຄຸ້ມຄອງພັກຢ່າງເຂັ້ມງວດຮອບດ້ານຢ່າງຕໍ່ ເນື່ອງ, ເພິ່ນຍັງໄດ້ຍຶດໝັ້ນຫລັກການພື້ນຖານລວມທີ່ເຂັ້ມງວດ ກໍຄື ເພີ່ມທະວີການປັບປຸງແບບແຜນໃຫ້ຖືກຕ້ອງ ແລະ ເພີ່ມທະວີລະບຽບ ວິໄນໃຫ້ເຂັ້ມງວດມາໂດຍຕະຫລອດ, ເດັດດ່ຽວເອົາຊະນະບັ້ນຮົບທີ່ຫຍຸ້ງ ຍາກ ແລະຍາວນານແຫ່ງການຕ້ານການສໍ້ລາດບັງຫລວງ ເພື່ອນໍາພາ ທົ່ວພັກ ແລະ ປະຊາຊົນທົ່ວປະເທດຊຸກຍູ້ພາລະກິດສັງຄົມນິຍົມທີ່ມີສີສັນ ພິເສດຂອງຈີນ ໃຫ້ກ້າວເດີນໄປຂ້າງໜ້າຢ່າງບໍ່ຢຸດຢັ້ງ.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments