ສຳນັກຂ່າວ ຊິນຮວາ ຂອງ ສປຈີນ, ວັນທີ 21 ພຶດສະພາ, ທ່ານ ຫລີເຊົາ ໂຄສົກ ຄະນະ ກຳມະການ ພັດທະນາ ແລະ ປະຕິຮູບ ແຫ່ງຊາດຈີນ ໄດ້ອະນຸມັດ ໂຄງການ ລົງທຶນ ຊັບສິນ ຖາວອນ ລວມມີ 50 ໂຄງການ ດ້ວຍມູນຄ່າ 3,2 ແສນລ້ານຢວນ, ໃນໄລຍະ 4 ເດືອນທຳອິດ (ເດືອນມັງກອນ-ເດືອນເມສາ) ຂອງປີນີ້. ໂດຍໂຄງການ ດັ່ງກ່າວນີ້ ຢູ່ໃນອຸດສາຫະກຳ ເຕັກໂນໂລຊີ ຂັ້ນສູງ ແລະ ການອະນຸລັກນໍ້າ ເປັນສ່ວນໃຫຍ່. ໂດຍສະເພາະ ໃນເດືອນເມສາ ຜ່ານມາ ຄະນະກຳ ມະການ ໄດ້ອະນຸມັດ ໂຄງການ ການລົງທຶນ ຊັບສິນຖາວອນ 20 ໂຄງການ ມູນຄ່າລວມ 1,15 ແສນລ້ານຢວນ.
ໃນຂະນະທີ່ ການລົງທຶນ ຊັບສິນ ຖາວອນ ຂອງ ປະເທດ ໃນລະຫວ່າງ ເດືອນມັງກອນ-ເດືອນເມສາ ໄດ້ຂະຫຍາຍຕົວ 4,2% ເມືອ່ທຽບໃສ່ ປີຕໍ່ປີ ກວມເອົາ 14,34 ພັນຕື້ຢວນ, ໂດຍໄດ້ຮັບ ແຮງຊຸກຍູ້ ຈາກ ນະໂຍບາຍ ຂອງລັດຖະບານ ທີ່ ອອກແບບມາ ເພື່ອຂະຫຍາຍ ການລົງທຶນ ໃຫ້ໄດ້ຮັບ ປະສິດທິພາບອື່ນໆ.
