ຕອນບ່າຍວັນທີ 28 ກຸມພາ 2024 ຜ່ານມາ, ທ່ານ ນາງ ສວນສະຫວັນ ວິຍະເກດ ກໍາມະການສູນກາງພັກ, ລັດຖະມົນຕີກະຊວງຖະແຫລງຂ່າວ ວັດທະນະທໍາ ແລະ ທ່ອງທ່ຽວ ພ້ອມດ້ວຍຄະນະ ໄດ້ເດີນທາງເຂົ້າຮັບໃບຢັ້ງຢືນຮັບຮອງເອົາຫັດຖະກໍາພູມປັນຍາ ການຕໍ່າລາຍນາກຂອງຊຸມຊົນເຊື້ອຊາດລາວ ຢ່າງເປັນທາງການ ຢູ່ສູນມໍລະດົກໂລກ ຂອງອົງການອຸຍແນັສໂກ ທີ່ປາຣີ, ປະເທດຝຣັ່ງ.
![](https://medialaos.net/wp-content/uploads/2024/03/428508372_841427418011566_1563115638214762967_n-1.jpg)
ພາຍຫລັງທີ່ອົງການອຸຍແນັສໂກໄດ້ຮັບຮອງເອົາຫັດຖະກໍາພູມປັນຍາການຕໍ່າລາຍນາກຂອງຊຸມຊົນເຊື້ອຊາດລາວ ເຂົ້າເປັນມໍລະດົກວັດທະນະທຳ ທີ່ບໍ່ເປັນວັດຖຸຂອງມວນມະນຸດ ໃນກອງປະຊຸມໃຫຍ່ຂອງຄະນະກຳມະທິການລະຫວ່າງລັດຖະບານ ຄັ້ງທີ 18 ທີ່ເມືອງ ຄາຊານ, ສາທາລະນະລັດ ບັອດສະວານາ ໃນວັນທີ 6 ທັນວາ 2023 ທີ່ຜ່ານມາ ໂດຍແມ່ນ ທ່ານ ເອີນເນັສໂຕ ອັອດຕັນ ( Ernesto Ottone ) ຮອງຜູ້ອໍານວຍການຝ່າຍວັດທະນະທໍາ ຂອງອົງການອຸຍແນັສໂກ ເປັນກຽດມອບໃບຢັ້ງຢືນໃນຄັ້ງນີ້.