ປອລ ປັອກບາ ກອງກາງຊາວຝຣັ່ງ ໄດ້ຮັບຈົດໝາຍແຈ້ງຈາກ ຢູເວນຕຸສ ຍອດສະໂມສອນຂອງເວທີ ກັນໂຊ່ ເຊເຣຍ ອາ ຂອງອີຕາລີ ວ່າຕອນນີ້ເຂົາຈະໄດ້ຮັບຄ່າຈ້າງເຫຼືອພຽງ 2.000 ເອີໂຣຕໍ່ເດືອນເທົ່ານັ້ນ ຕາມການລາຍງານຂອງ ກັຊເຊັດຕາ ເດລໂລ ສະປອດ ສື່ກິລາຈາກດິນແດນອີຕາລີ.
ເມື່ອໄລຍະເດືອນກັນຍາທີ່ຜ່ານມາ ມີການປະກາດວ່າ ປັອກບາ ບໍ່ຜ່ານການກວດຫາສານກະຕຸ້ນຈາກຕົວຢ່າງ A ແລະ ພໍເຖິງຂັ້ນຕອນທີ່ກວດສອບຕົວຢ່າງ B ເພື່ອກວດເບິ່ງວ່າຜົນໄດ້ຮັບມັນກົງກັນກັບຮອບທໍາອິດຫຼືບໍ່ນັ້ນ ມັນກໍປາກົດວ່າ ຜົນກວດມັນເໝືອນກັນກັບຮອບທຳອິດອີກ.
ທັງນີ້ ປັອກບາ ໄດ້ຖືກຫ້າມຊົ່ວຄາວຕອນທີ່ມີການເປີດເຜີຍຜົນກວດຈາກຕົວຢ່າງ A ແຕ່ດ້ວຍຜົນກວດຮອບຫຼ້າສຸດຈາກ ຕົວຢ່າງ B ມັນເຮັດໃຫ້ ປັອກບາ ຈະຖືກຫ້າມຢ່າງບໍ່ມີກໍານົດຈົນກ່ວາການພິຈາລະນາຄະດີຈະສໍາເລັດ.
ເຊິ່ງຂັ້ນຕອນຫຼັງຈາກນີ້ ຄືເຂົາຕ້ອງປະເຊີນກັບການພິຈາລະນາຄະດີໃນສານດ້ານກິລາ ແລະ ຫາກຖືກຕັດສິນວ່າມີຄວາມຜິດອີຫຼີແລ້ວນັ້ນ ປັອກບາ ກໍຈະຖືກ ຢູເວນຕຸສ ຍົກເລີກສັນຍາໄດ້ເລີຍ..
ສໍາລັບປັດຈຸບັນນັ້ນ ຢູເວນຕຸສ ຍັງບໍ່ເຖິງຂັ້ນຕັດສິນໃຈທີ່ຈະໄລ່ປັອກບາອອກ ແຕ່ພວກເຂົາກໍແຈ້ງໃຫ້ອີກຝ່າຍໜຶ່ງຮູ້ວ່າ ຈະຖືກຫັ່ນເງິນເດືອນເຫຼືອ 2.,000 ເອີໂຣຕໍ່ເດືອນ.
ເຊິ່ງຖືວ່າເປັນຄ່າຈ້າງຂັ້ນຕໍ່າຕາມກົດລະບຽບຂອງສະຫະພາບນັກເຕະ ໂດຍກ່ອນໜ້ານີ້ ປັອກບາ ໄດ້ຮັບຄ່າຈ້າງເຖິງລະດັບ 10 ລ້ານເອີໂຣຕໍ່ປີ ຫຼື ປະມານ 833.333 ເອີໂຣຕໍ່ເດືອນ.
