ນສະພາບເສດຖະກິດແບບນີ້ ຖ້າມີລາຍຮັບທາງດຽວອາດບໍ່ພຽງພໍຕໍ່ການລ້ຽງຊີບໄດ້ ເນື່ອງຈາກວ່າຄ່າຄອງຊີບຖີບສູງຂຶ້ນຈາກເມື່ອກ່ອນຫລາຍ ເຊິ່ງເປັນສິິ່ງທ້າທ້າຍຫລາຍຕໍ່ກັບການໃຊ້ຊີວິດຂອງປະຊາຊົນ ທີ່ຫາເຊົ້າກິນຄໍ່າ ຖ້າບໍ່ຊອກຫາອາຊີບເສີມກໍຍາກທີ່ຈະກ້າວຜ່ານວິກິດເສດຖະກິດໄປໄດ້. ສະນັ້ນ, ມື້ນີ້ຄໍລໍາສົ່ງເສີມທຸລະກີດສະບັບນີ້ ຈະມາແນະນໍາອີກໜຶ່ງອາຊີບເສີມທີ່ໄດ້ຮັບຄວມນິຍົມເພາະຫລາຍຄົນທີ່ເຮັດອາຊີບນີ້ກໍສາມາດສ້າງລາຍຮັບ ເປັນກອບເປັນກໍາ ແລະ ອາຊີບທີ່ວ່ານີ້ກໍຄືການຂາຍປະເພດອາຫານ ເຊິ່ງວ່າຈະເປັນອາຫານປະເພດໃດນັ້ນເຮົາມາຮູ້ນໍາກັນເລີຍ:
ໂດຍອາຫານເຍື່ອງທີໜຶ່ງ ປະຊາຊົນນນິຍົມຂາຍຫລາຍທີ່ສຸດ ແມ່ນເຂົ້າໜຽວໝູປີ້ງ: ການຂາຍເຂົ້າໜຽວໝູປີ້ງ ເປັນອາຊີບທີ່ເຫັນທົ່ວໄປແຕ່ໃຜຈະຮູ້ວ່າອາຊີບນີ້ສ້າງລາຍຮັບຢ່າງຫລວງຫລາຍ ເພາະການຂາຍໝູປີ້ງລົງທຶນບໍ່ສູງຫລາຍ ສະນັ້ນ, ຈຶ່ງເໝາະແກ່ຄົນທີ່ມີທຶນໜ້ອຍແຕ່ຢາກສ້າງເສດຖະກິດຄອບຄົວບອກເລີບອາຊີບນີ້ບໍ່ຄວນເບິ່ງຂ້າມ. ເຍື່ອງທີສອງແມ່ນຂາຍເຂົ້າປຸ້ນ ແລະ ມີກະທິເພາະວ່າ ເຂົ້າປຸ້ນ ແມ່ນໜຶ່ງໃນອາຫານປະເພດເສັ້ນທີ່ຄົນນິຍົມບໍໂພກ ເພາະວ່າກິນງ່າຍສະດວກສະບາຍ , ບໍ່ໃຊ້ເວລາດົນ ແລະ ການຂາຍກໍ່ບໍ່ໄດ້ຫຍຸ້ງຍາກ ພຽງເຮົາເຮັດໝີ່ສໍາເລັດຮູບແລ້ວເລືອກສະຖານທີ່ເໝາະສົມ ເຊັ່ນ: ໜ້າໂຮງຮຽນ, ໂຮງໝໍ, ຕະຫລາດ ແລະ ອື່ນໆຕາມຄວາມເໝາະສົມ. ເຍື່ອງສາມ ແມ່ນການຂາຍນໍ້າເຕົ້າຮູ້ ອີກໜຶ່ງອາຊີບທີ່ລາຍໄດ້ດີ ໂດຍສະເພາະແມ່ນຂາຍໃນໄລຍະລະດູໜາວຍິ່ງໄດ້ຂາຍດີ. ອາຊີບທີ່ວ່ານີ້ແມ່ນການຂາຍເຂົ້າໜົມຄູ່ກໍເປັນອາຊີບໜຶ່ງທີ່ປະຊາຊົນນິຍົມຂາຍຫລາຍ ເພາະຂັ້ນຕອນການເຮັດແມ່ນບໍ່ໄດ້ຫຍຸ້ງຍາກຫລາຍ ແລະ ເຂົ້າໜົມຄູ່ກໍ່ກິນກັບອາຫານໄດ້ຫລາຍເຍື່ອງ ບໍ່ວ່າຈະກິນຄູ່ກັບນໍ້າເຕົ້າຮູ້ , ກາເຟ, ໂອວັນຕິນ ແລະ ກິນກັບເຂົ້າປຽກເຂົ້າກໍແຊບ ດັ່ງນັ້ນ, ຈຶ່ງເຮັດໃຫ້ອາຊີບທີ່ສ້າງລາຍຮັບໄດ້ດີ ແລະ ບໍ່ໄດ້ໃຊ້ຕົ້ນທຶນຫລາຍ, ເຍື່ອງທີຫ້າແມ່ນການຂາຍຕໍາໝາກຫຸງປິ້ງໄກ່ ແມ່ນອາຫານທີ່ຄົນລາວນິຍົມບໍລິໂພກຢ່າງຫລວງຫລາຍ ຈຶ່ງເຮັດໃຫ້ອາຊີບການຂາຍອາຫານປະເພດຕໍາ ແລະ ປີ້ງ ໄດ້ຂາຍດີເຖິງວ່າຈະບໍ່ມີຮ້ານໃຫຍ່ກໍໄດ້ ພຽງແຕ່ຊອກຫາສະຖານທີ່ເໝາະສົມຕັ້ງໂຕະນ້ອຍໆກໍ່ຂາຍໄດ້ແລ້ວ. ນອກຈາກອາຊີບທີ່ເວົ້າມາແລ້ວ ຍັງມີອາຊີບການຂາຍເຂົ້າຈີ່ປາເຕ້, ສາລະເປົາ, ຂາຍປີ້ງເອັນ ແລະ ການຂາຍໝູກອບ ໃນຍາມເຊົ້າ ແມ່ນໄດ້ຂາຍດີ ເພາະວ່າ.
ທຸກເມນູ ທີ່ນໍາເໜີມາຂ້າງເທິງນັ້ນຄືສ່ວນໜຶ່ງເທົ່ານັ້ນ ທຸກເມນູລ້ວນແຕ່ຜ່ານປະສົບການຕົວຈິງຂອງຜູ້ຂາຍທີ່ປະສົບຜົນສໍາເລັດມີເງິນເກັບ, ເງິນທ້ອນ, ເງິນໃຊ້ບໍ່ຂາດມືແຕ່ເຖິງຢ່າງໃດກໍ່ດີ ບໍ່ວ່າຈະເຮັດອາຊີບຫຍັງຂໍແຕ່ມີຄວາມອົດທົນດຸໝັ່ນຂະຫຍັນ ພຽນ ມັນເຮັດແທ້ທໍາຈິງຕ້ອງຮູ້ປັບປຸງລົດຊາດ, ການຮັກສາຄວາມອະນາໄມຮ້ານໃຫ້ສະອາດງາມຕາ ເພື່ອດຶງດູດລູກຄ້າຢູ່ສະເໝີ.
ໂດຍ: ມາລີດາ
