ຂ່າວຕ່າງປະເທດລາຍງານ ເມື່ອບໍ່ດົນມານີ້, ກະຊວງການຄ້າຂອງມຽນມາ ໄດ້ເປີດເຜີຍບົດລາຍງານໂດຍລະບຸວ່າ: ມຽນມາ ສາມາດສ້າງລາຍໄດ້ຈາກການສົ່ງອອກສິນຄ້າປະມົງເຖິງ 244,489 ລ້ານໂດລາ ໃນໄລຍະ 5 ເດືອນທຳອິດຂອງສົກປີງົບປະມານ 2023-2024.
ໂຕເລກດັ່ງກ່າວຂອງກະຊວງການຄ້າມຽນມາ ຫຼຸດລົງຈາກ 273,217 ລ້ານໂດລາ ໃນໄລຍະເວລາດຽວກັນຂອງສົກປີງົບປະມານທີ່ຜ່ານມາ ໂດຍການສົ່ງອອກທັງໝົດຂອງປະເທດໃນໄລຍະເວລາດັ່ງກ່າວມີມູນຄ່າຫຼາຍກວ່າ 6,4 ພັນລ້ານໂດລາ. ອີກຢ່າງໜຶ່ງ, ມຽນມາສົ່ງອອກສິນຄ້າການກະເສດ ຜະລິດຕະພັນສັດ, ຜະລິດຕະພັນສັດນໍ້າ, ແຮ່ທາດ, ຜະລິດຕະພັນປ່າໄມ້, ສິນຄ້າປະດິດຖະກຳ ແລະ ອື່ນໆໄປຍັງປະເທດ ແລະ ພາກພື້ນອື່ນເປັນຫຼັກ ຂະນະທີ່ການນຳເຂົ້າສ່ວນຫຼາຍໄດ້ແກ່ສິນຄ້າທຶນ ແລະ ສິນຄ້າອຸປະໂພກບໍລິໂພກ.
