ໃນວັນທີ 20 ກັນຍາ 2023 ກອງປະຊຸມເຈົ້າໜ້າທີ່ອາວຸໂສຖະແຫຼງຂ່າວອາຊຽນ (SOMRI) ແລະ ກອງປະຊຸມທີ່ກ່ຽວຂ້ອງ ໄດ້ໄຂຂື້ນຢ່າງເປັນທາງການທີ່ ນະຄອນ ດານັງ, ສາທາລະນະລັດ ສັງຄົມນິຍົມ ຫວຽດນາມ ໂດຍຜູ້ແທນຝ່າຍລາວ ນຳພາໂດຍ ທ່ານ ສົມສະຫວາດ ພົງສາ ຫົວໜ້າກົມສື່ມວນຊົນ ທັງເປັນເຈົ້າໜ້າທີ່ອາວຸໂສຖະແຫຼງຂ່າວອາຊຽນໄດ້ນຳພາຄະນະເຂົ້າຮ່ວມ ໂດຍຫົວຂໍ້ຂອງກອງປະຊຸມຄັ້ງນີ້ແມ່ນ “ສື່ມວນຊົນ: ຂໍ້ມູນຂ່າວສານກັບຄວາມຮູ້ສໍາລັບອາຊຽນທີ່ມີຄວາມອ່ອນໄຫວ ແລະ ການຕອບສະຫນອງ”.
