Betfair ບໍລິສັດຮັບພະນັນຍິ່ງໃຫຍ່ຖືກກົດໝາຍ ໄດ້ກໍານົດອັດຕາຕໍ່ລອງຜູ້ຈັດການຄົນຕໍ່ໄປຂອງ ແມນເຊສເຕີ ຢູໄນເຕັດ ອອກມາແລ້ວ ໂດຍຍົກໃຫ້ ຊີເນດິນ ຊີດານ ຄອງຕໍາແໜ່ງຕົວເກງອັນດັບ 1 ຫຼັງຈາກແມນຢູ ຍັງຄົງມີຜົນງານທີ່ບໍ່ດີ.
ແມນເຊັສເຕີ ຢູໄນເຕັດ ປະສົບກັບຄວາມປະລາໄຊໃນເກມລີກຂອງລະດູການໃໝ່ ເປັນນັດທີ 3 ແລ້ວ ໂດຍຫຼ້າສຸດ ພວກເຂົາຖືກ ໄບຣຕັນ ບຸກມາຖະຫຼົ່ມເຖິງສະໜາມ ໂອລ ແທຣບຟອດ 3-1 ເມື່ອວັນເສົາທີ່ຜ່ານມາ ຈົນເຮັດໃຫ້ພວກເຂົາຢູ່ອັນດັບທີ 13 ຂອງຕາຕະລາງ ຫຼັງເກັບໄດ້ພຽງແຕ່ 6 ຄະແນນ ຫຼັງຈາກລົງສະໜາມໄປ 5 ນັດ ແລະ ມີ ຜົນຕ່າງປະຕູໄດ້ເສຍຕິດລົບສີ່.
ຈາກຜົນງານທີ່ບໍ່ດີ ຕໍາແໜ່ງຂອງ ເອຣິກ ເທນ ຮາກ ຜູ້ຈັດການຊາວໂຮນລັງ ໄດ້ກາຍເປັນຄວາມບໍ່ໝັ້ນຄົງຫຼາຍຂຶ້ນ ແລະ ເຮັດໃຫ້ Betfair ອອກອັດຕາຕໍ່ລອງຜູ້ຈັດການຄົນໃໝ່ແຫ່ງຖິ່ນ ໂອລ ແທຣບຟອດ ອອກມາທັນທີ ຊີດານ ອະດີດຄູຝຶກຂອງ ຣິວ ມາດຣິດ ທີ່ຍັງບໍ່ໄດ້ຮັບວຽກຊິ້ນໃໝ່ ໄດ້ຮັບການວາງຕົວໃຫ້ເປັນຕົວເກງອັນດັບ 1.
ນອກຈາກນັ້ນ, ຢູລຽນ ນາເກວມັນ ທີ່ຕົກເປັນຂ່າວຢ່າງໜັກໃນການຮັບຕໍາແໜ່ງຜູ້ຈັດການທີມຄົນໃໝ່ຂອງທີມຊາດເຢຍລະມັນ ຖືກກໍານົດໃຫ້ເປັນຕົວເກງອັນດັບ 2 ຕາມດ້ວຍ ໂຣແບໂຕ ເດ ເຊີບີ ຜູ້ຈັດການໃຫຍ່ຂອງ ໄບຣຕັນ.
ອັດຕາຕໍ່ລອງຜູ້ຈັດການຄົນຕໍ່ໄປຂອງ ແມນເຊສເຕີ ຢູໄນເຕັດ
• ຊີເນດິນ ຊີດານ 4-1 (ເດີມພັນ 1 ໄດ້ 4, ບໍ່ລວມທຶນ)
• ຢູລຽນ ນາເກວມັນ 11-2
• ໂຣແບໂຕ ເດ ແຊບີ 15-2
• ໄມເຄິນ ຄາຣິກ 9-1
• ແກຣມ ພັອດເຕີ 10-1
• ເມົາຣິຊິໂອ ໂປເຊດຕິໂນ 14-1
