ທີ່ໂຮງໝໍແຂວງສະຫວັນນະ ເຂດ, ໃນວັນທີ 8 ກັນຍາ 2023 ໄດ້ມີພິທີມອບ-ຮັບເຄື່ອງຜະລິດ ແລະບັນຈຸອົກຊີແຊນທາງການແພດ ຂຶ້ນ ເຊິ່ງເຄື່ອງດັ່ງກ່າວນີ້ມີມູນຄ່າ 451.618 ໂດລາສະຫະລັດ, ນີ້ແມ່ນ ສ່ວນໜຶ່ງຂອງການຊ່ວຍເຫຼືອ ຈາກອົງການອະນາໄມໂລກ ໂດຍ ເຄື່ອງຜະລິດອົກຊີແຊນດັ່ງກ່າວສາ ມາດຜະລິດອົກຊີແຊນ ພຽງພໍເພື່ອ ຊ່ວຍເຫຼືອຄົນເຈັບຫຼາຍສິບພັນຄົນ ໄດ້ໃນແຕ່ລະປີ (ມອບໃຫ້ 3 ແຂວງ ຄື: ສະຫວັນນະເຂດ, ຫຼວງພະບາງ ແລະແຂວງອຸດົມໄຊ). ໃນໂອກາດ ມອບ-ຮັບເຄື່ອງຜະລິດ ແລະບັນຈຸ ອົກຊີແຊນໃຫ້ແກ່ໂຮງໝໍແຂວງສະ ຫວັນນະເຂດໃນຄັ້ງນີ້ ໄດ້ຮັບກຽດ ເຂົ້າຮ່ວມໂດຍ ທ່ານ ດຣ ສະໜອງ ທອງສະນະ ຮອງລັດຖະມົນຕີກະ ຊວງສາທາລະນະສຸກ, ທ່ານ ນາງ ຫຼິງທອງ ແສງຕາວັນ ຮອງເຈົ້າ ແຂວງສະຫວັນນະເຂດ, ທ່ານ ນາງ Dr.Ying-Ru Jacqueline Lo ຜູ້ຕາງໜ້າອົງການອະນາໄມໂລກ ປະຈຳ ສປປ ລາວ ແລະແຂກຈາກ ຫຼາຍພາກສ່ວນເຂົ້າຮ່ວມ.
ໃນໂອກາດນີ້, ທ່ານ ດຣ ແສງ ດາວ ສີດາໄລ ຫົວໜ້າພະແນກສາທາ ລະນະສຸກແຂວງສະຫວັນນະເຂດ ໄດ້ໃຫ້ຮູ້ວ່າ: ແຂວງສະຫວັນນະເຂດມີສະຖານບໍລິການສາທາລະນະສຸກ (ໂຮງໝໍແຂວງ) 200 ຕຽງ 1 ແຫ່ງ, ໂຮງໝໍທະຫານແຂວງ 1 ແຫ່ງ, ໂຮງໝໍ 14 ເມືອງ, ໂຮງໝໍທະຫານ 109 ແລະສຸກສາລາ 158 ແຫ່ງ, ນອກນັ້ນຍັງມີໂຮງໝໍເອກະຊົນ 2 ແຫ່ງ, ຄຼີນິກເອກະຊົນ 128 ແຫ່ງ, ຮ້ານຂາຍຢາ 222 ແຫ່ງ, ໃນໄລ ຍະ ຜ່ານມາ, ປະຊາຊົນສາມາດມີຫຼາຍ ທາງເລືອກໄປໃຊ້ບໍລິການ, ແຕ່ເຖິງ ຢ່າງໃດກໍ່ຕາມໂຮງໝໍແຂວງຍັງແມ່ນໂຮງໝໍຮັບສົ່ງຕໍ່ຂອງບັນດາສະຖານບໍລິການສາທາລະນະສຸກ ທັງໝົດໃນທົ່ວແຂວງ. ປະຈຸບັນ ໂຮງ ໝໍແຂວງແມ່ນໄດ້ຮັບການສະໜອງອົກຊີແຊນຈາກຜູ້ສະໜອງ ທີ່ຜ່ານ ການຈັດຊື້້ຮ່ວມກັນຂອງກົມອາ ຫານ ແລະຢາ, ນອກນັ້ນຍັງມີເຄື່ອງ ກັ່ນອົກຊີແຊນແບບເຄື່ອນທີ່ໃນບາງ ຕຶກ, ບາງໜ່ວຍງານ ເຊິ່ງກໍ່ຊ່ວຍໃນ ການສະໜອງອົກຊີແຊນໄດ້ປະມານ 1-2% ຂອງຄວາມຕ້ອງການທັງ ໝົດ, ອົກຊີແຊນຈາກຖັງຈະຖືກບັນຈຸ ເຂົ້າໃນລະບົບທໍ່ສົ່ງປະມານ 51% ແລະອີກ 49% ແມ່ນນຳໃຊ້ຈາກຖັງ ໂດຍກົງໄປຫາຄົນເຈັບເລີຍ(ຖັງອົກ ຊີຂ້າງຕຽງ), ລະບົບທໍ່ສົ່ງຂອງໂຮງ ໝໍເປັນລະບົບທີ່ໄດ້ຮັບການຕິດຕັ້ງ ແລະນຳໃຊ້ມາແຕ່ປີ 1994 (ໂດຍອົງ ການອະນາໄມໂລກ) ເຊິ່ງປະກອບ ໃນຈຸດທີ 1 ສະໜອງໄປຍັງຫ້ອງຜ່າ ຕັດ, ຫ້ອງພັກຟື້ນ, ຫ້ອງມໍລະສຸມ ແລະຫ້ອງສຸກເສີນ, ລວມທັງໝົດ 20 ຫົວຈ່າຍ, ປະຈຸບັນ ຍັງສາມາດນຳ ໃຊ້ໄດ້ 50%, ຈຸດທີ 2 ສະໜອງອົກຊີ ແຊນໃຫ້ຕຶກອອກລູກ-ພະຍາດຍິງ ແລະຕຶກເດັກ(ປະຈຸບັນແມ່ນໃຊ້ ການບໍ່ໄດ້ ແລະມ້າງອອກແລ້ວ).
ໂດຍເຫັນໄດ້ຄວາມສຳຄັນ ດັ່ງກ່າວ, ອົງການອະນາໄມໂລກປະ ຈຳ ສປປ ລາວ ໂດຍການສະເໜີຂອງ ກົມປິ່ນປົວ ແລະຟື້ນຟູໜ້າທີ່ການ ກະຊວງສາທາລະນະສຸກກໍ່ໄດ້ໃຫ້ ການສະໜັບສະໜູນເຄື່ອງຜະລິດ ແລະບັນຈຸອົກຊີແຊນດັ່ງກ່າວໃຫ້ ໂຮງໝໍແຂວງສະຫວັນນະເຂດ ເພື່ອສາມາດ ສະໜອງອົກຊີແຊນ ໃຫ້ແກ່ຄົນເຈັບໄດ້ຢ່າງຕໍ່ເນື່ອງ, ມີ ຄວາມປອດໄພ ແລະຍືນຍົງ. ໃນພິທີ ຍັງ ໄດ້ມີການຕັດແຖບຜ້າເປີດການ ນຳໃຊ້ເຄື່ອງຜະລິດ ແລະບັນຈຸອົກ ຊີແຊນໃຫ້ໂຮງໝໍແຂວງສະຫວັນ ນະເຂດຢ່າງເປັນທາງການ./.
