ຕາມຂ່າວຈາກ ໂຕກຽວ,ວັນທີ8 ກັນຍານີ້, ບໍລິສັດພະລັງງານໄຟຟ້າໂຕກຽວ (TEPCO) ທີ່ບໍລິຫານໂຮງງານໄຟຟ້ານິວເຄລຍຟູກູຊິມະ(Fukushima) ທີ່ໄດ້ຮັບຄວາມເສຍຫາຍ ກ່າວວ່າ: ການປ່ອຍນ້ຳປົນເປື້ອນກຳມັນຕະພາບລັງສີທີ່ບຳບັດແລ້ວ ຈາກໂຮງງານໄຟຟ້າໄລຍະທຳອິດຈະສິ້ນສຸດ ໃນວັນທີ 11 ກັນຍານີ້ ມີປະມານ 7.800 ແມັດກ້ອນ ແຕ່ຍັງບໍ່ທັນມີກຳນົດການປ່ອຍນ້ຳຖິ້ມ ໃນໄລຍະ ທີ2. ຫລັງຈາກຍີ່ປຸ່ນ ເລີ່ມປ່ອຍນ້ຳປົນເປື້ອນກຳມັນຕະພາບລັງສີທີ່ບຳບັດແລ້ວລົງສູ່ມະຫາສະໝຸດປາຊີຟິກ ຕັ້ງແຕ່ ວັນທີ 24 ສິງຫາ ຜ່ານມາປະມານ 1,34 ລ້ານແມັດກ້ອນ. ຂະນະທີ່ຫລາຍປະເທດ ພວມກັງວົນ ກ່ຽວກັບການປ່ອຍນ້ຳດັ່ງກ່າວ ລົງສູ່ມະຫາສະມຸດປາຊີຟິກ ອາດມີສານເຄມີປົນເປື້ອນລົງສູ່ແມ່ນ້ຳ ເຖິງວ່າມີການຜ່ານລະບົບບຳບັດນ້ຳ ແລ້ວກໍ່ຕາມ ແຕ່ຜູ້ບໍລິໂພກອາຫານທະເລສ່ວນໃຫຍ່ຍັງບໍ່ໝັ້ນໃຈໃນດ້ານຄວາມປອດໄພ ແລະ ສົ່ງຜົນກະທົບຢ່າງໜັກຕໍ່ຊາວປະມົງ ຂອງຍີ່ປຸ່ນ ເນື່ອງຈາກຈຳນວນຜູ້ບໍລິໂພກອາຫານ ທະເລຫລຸດລົງຢ່າງຕໍ່ເນື່ອງ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
