ທ່ານ ຄະທາຍຸດ ຊູພູນ ຜູ້ອໍານວຍການໃຫຍ່ ບໍລິສັດ ໄຟຟ້າ ຫົງສາ ຈໍາກັດ ພ້ອມດ້ວຍຄະນະ ເຂົ້າພົບກໍາມະການຄຸ້ມຄອງໄພພິບັດຂັ້ນສູນກາງ ສູນປະຕິບັດງານເຫດການສຸກເສີນ (Emergency Operation Centre) ໃນວັນທີ 6 ກັນຍາ ນີ້ ທີ່ ກະຊວງແຮງງານ ແລະ ສະຫວັດດີການສັງຄົມ.
ຈຸດປະສົງເພື່ອມອບເງິນຊ່ວຍເຫຼືອຜູ້ປະສົບໄພນໍ້າຖ້ວມ 3 ແຂວງພາກໃຕ້ ຂອງ ສປປ ລາວ ເປັນເງິນ ຈໍານວນ 80.000.000 ກີບ. ໂດຍແມ່ນ ທ່ານ ນາງ ໃບຄໍາ ຂັດທິຍະ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ ຮອງປະທານຜູ້ປະຈໍາການຄະນະກໍາມະການຄຸ້ມຄອງໄພພິບັດຂັ້ນສູນກາງກ່າວຮັບ ພ້ອມດ້ວຍຫົວໜ້າຫ້ອງການ ກະຊວງແຮງງານ ແລະ ສະຫວັດດີການສັງຄົມ, ກົມກ່ຽວຂ້ອງ ເຂົ້າຮ່ວມ.
ຂ່າວ-ພາບ: ໄຟຟ້າຫົງສາ
